أنا ذات البنادم من جموّد الحس لـ التفكير إلىَ أحساس الترقب والطمع والخوف والثوره ٰ أحب الصمت فيّ ظل أندفاع النفس لـ التعبير وأشوف إن الفرح خصله حميده والحزن عوره ٰ يكبرني الهجر سن ويرجعنيّ الحنين صغير وأشوف أيدين محبوبي طريق وضحكته نوره

مابقى لك في مشاويري مسافه اعتقد حنا .. وصلنا لـ الأخير ! الندم والعذر ودموع الحسافه مالها قيمه بعد موت الضمير البحر هادي و تغرينا ضفافه بس لا هاج البحر موجه غزير خايف مْن البُعد؟ لالا لاتخافه لا تخاف البُعد و أحبابك كثير اشكر احساسك على قل الكلافه يا كبيرٍ طحت من عيني صغير

ا تشكي علي من الطواري وقل النوم وانا اشتف في سجات الافكار والهجعه تخليت عن غاية سنين العمر في يوم ولا يسمح المتعلق الا من الوجعه بعدماخذت نفسي من اقدارهاالمقسوم وقفى الصبر تجذب بروق الجفا نجعه جلبت الشغف وامضيت بيعه على اول سوم و راح الطموح الروحه اللي بلا رجعه

كنت ناسي وتوها نفسي إستراحت لين جتني .. والجفا كفى ووفى جت بعد غيبه تودّعني وراحت مثل أبشرك بولد لكن توفى !

كـلٍ يشوف انـه سليّم الاعتقـاد و ان الله الهادي و هو المهتدي البخـل في عيّـن البخيليـن اقتصـاد و الضعف حكمة في عيّون الاجودي و اسهل عمل للفاشليّن الانتقـاد كلٍ يسب اهل الردى حتى الردي حتى الجبّان يصير طارق بن زياد اليّا جلس على البساط الاحمدي

مزعّل الليل و مخاوي صباحاتي . تمرني وجيه : ما أحفظ أساميها ليت الخيارات في الدنيا خياراتي وليت الهقاوي تفرّح : ظن هاقيها . يزعجني الجد وتضحكني سخافاتي أضحّك النفس / ومن داخل أواسيها مروّعني الوقت لو ياخذ طموحاتي وتروّعني الناس في صدمة مباديها "

طبنا ولو مّابه على الطيب حسرات لكن تعبنا من كثير التمادي ؟ وقمنا نجنب عن كثير العلاقات من كثره اللي يجهلون المبادي وجروحنا طابت وعدت سهالات لو مالقينا بالحقيقه ضمادي جزنا وحطّينا حدود ومسافات من يوم صار الصد والبعد عادي وماتلحق الطيب ليا صد شرهّات لاصار ماهو فـ الحياه انقيادي

صدور الرجال ليـا نفذ صبرها ... بتبيح و الى بيحت في وقتها. ... ضاعت الدبره مفاهيم بعض الناس يبغى لها تصحيح لكن العقول دحول ... و دروبها عسره غموض الوفاة .. يبينه مشرط التشريح و انا خابر انها ترهقك. وخزة الابره ابحشم يميني عنك . حتى من التلويح وابنساك ... و اللي صار مانيب معتبره

لعاد اشوفك تبكي ظروف الليـال اضحك مافيه احدن بها الدنيا خلد وان مـاصـفت دنـياك انا في كل حال مـعاك مـجرم حـرب سـايـقـها جـلد

خلاص لا ترجع ، ترانا سلـينا ما كنت أصدّق يوم أني بنساك خلّ الـذي غيّر حنـانك عـلينا يعطيك من قلبه رُبع ما عطيناك حُب ٍ جديد غيير حُبك لقينا حدّيتني جعل الليالي تحدّاك ودعت مـاضي حُبنـا و أنْـتهينا و قلبٍ نسيته يوم لابد ينساك

فمان الله والعوج الحنايا بابها مفتوح ما يرجى الخير من زود الغلا اللي يتقا شرّه عتيق ومن عتقاء الحب الطويل ورح وانا بروح تراني ما بقى في خاطري ما يازن الذرّه قدرنا نستمر وما قدرنا نعرف المصلوح احد يشكي من الحيره واحد يشكي من الحرّه

لا تخاف القلب ما يرتد عن سلمه ودينه لو تقفي عن نظر عيني بشوفك في خيالي انت عندي مثل عاقاً ما يبر ب والدينه لو يوريهم نجوم القايله ،، بيضل غالي

يا غرامً يندعابه على الصدر الرحوب من ظفر به يشكر الله على حسن المئاب انت غاية من تمنى ونكسة من يتوب معك ياهون المصايب ويا كبر المصاب فيك مصياف الخواطر ومرباع القلوب وفيك من نجد العذيّه عواصيف المهاب وفيك يلقى اللي يحبك من الواقع هروب ما درا انه رايحً من عذابً في عذاب .

أنا مشتاق أسولف لك واعيد الماضي اللي راح مادام الحاضر اللي .. فيييه حنّا ما اهتنينا به حبيبي كل هالدنيا تعب ما احدٍ بها مرتاح سوى المشتاق مثلي راحته في شوفة أحبابه يموت الليل في وجه الصباح ويضحك الذباح وانا في صبح وجهك تضحك عيوني وتحيا به

عوّدت نفسي ماتحسّف على شي لأن العمر ما يحتمل للحسايف بعيش لحظات الفرح دامني حي وبزرع الضحكه بجرد الشفايف ولا ألحق الهقوات شيٍ ماهو لي ولاعدت اجزع من فراق الولايف إن غاب غالي فـ الحزن باخذ شوّي أيام . . و تروّح علومه طرايف موصيٍ قلبي لاشفت الخطا عيّ امّا تعدلها . . أو تصد عايف

ماحدٍ يعشـق نهايـة ليله و مبدا نهـاره غير قلبٍ لا يحرّم فـ الهـوى ولا يحلّل ياحبيبي يوم أغني " هل رأى الحب سكارى " ما معي غير الخيال اللي يجيبك و أتعلل ولا أنا لو ضاع معك العمر ما شفته خساره ناصل السبعين وأنت بعيني الطفل المدلل

غيابك المرّ .. علمني الصبر والثبات وعلمني الدمع الازرق والسهر والأسى خليتني دون سابق جرح ومقدمات واليوم عيّت تداريني .. لعل وعسا رح الحق العمر واتركني ومافات مات يكفي انك تمرّ في بالي صباح ومسا ما زال لك في شريط الذاكرة ذكريات صوّر ما تنمسح .. وايام ما تنسى

انا بليّا شوفتك شخص اعمى إلى متى وانا عليك اتحايل؟ مايكفي اني لاغي ًكل الاسماء ومشطّب الارقام واغلى الرسايل انا اعرف انك فوق ذا الناس وأسمى لاكنك قاطعني بشتّى الوسايل اوقّف لـ طاريك واشوش واحمى حميّة يضرب عليها المثايل تراني اعتبرك مثل شربة الماء ماهي تعوّضها جميع السوايل ..

مدامي في ذرى قلبك عن الصدمات والتقصير ماعاد أخاف من طول الطريق وضيقةْ المسرى أحبك .. والهوى فوق الكلام العذب والتفسير ياوجهٍ فيه مستقبل شعوري ماغدا ذكرى عرفت إنك فرح قلبي وضحكات الليال وخير يا حلم العمر مابعدك غرام وفرصةٍ أخرى .