انا بعد صبري ومجهودي التام ماعاد اواطن سيرة الشوق مره احاول انسى بس لا جيت انام اخذت مع ذكرى المواليف فره وشلون بنسى حبنا ذيك الايام اللي مضى واقفى بخيره وشره

ويا معاتب الناس بالله لا تعاتبها على الخطا والقدا كل ٍعلى دله تعرف بشور النشاما من حواجبها يوم الردي حاجبه يعقده ما فله ويمنى ما تحري بعلم الطيب عقبها و وجهٍ مهو يستحي ماحدٍ رفيقٍ له

يكفيني رحلت ولا حصل مني خطا وقصور وانا حتى وداعي فيه بصمه تثبت اخلاقي تخير فالديار اللي يغشيها ظلام ونور وفرق النور بالظلمه يبين غلطة فراقي تمرك ليلة تطغى مشاعرها على المغرور تدور فالبشر مثلي ولكن صعبه تلاقي فمان الله يا اخر محطه والسنين تدور فمان الله والهقوه تخيب هقوة الهاقي

عيش متواضع بس لا تحني الراس ميز و حط إلـ كل واحد مقاسه ! اللي يدنق راسه .. لـ خاطر الناس ( لا ينصدم لا داسوا الناس راسه )

فرحت برجوعك ماطلبت لخطاك اعذار ونفسي نست ماجرى مـن تواضعهـا تهادت مشاعر خاطري لك بـلا معيـار تجاهلتهـا لو كنـت خابـر دوافعـهـا يقولون جنّب درب مالك معـه معبـار يلومون نفسٍ بعـد لاحبـاب موجعهـا يقولونها قبلـي يخـون البحـر بحّـار والآمواج لاهاجت خذت ماتبي معهـا

تحت دبرة الله ما علينا خلاف وخوف تمر السنين وتمشي إن سرّت وضرّت تغر الحياة قليّل العرف و المعروف وإذا ما غرّت الطيّب فما شوفها غرّت على خبرك ندله خواطر ونبعد شوف يا كم قلبٍ أضحكنا وكم روحٍ إنسرّت ولو نخاف من باكر ترى الخوف كل الخوف تكون أجمل أيام العمر بالفعل مرّت.

"سمحت من الديار اللي ربيت بها وعفت الحيّ عجزت آخذ نفس في دار وأنت تحت أراضيها توحشتك وأحس أن الأراضي تنطوي بي طيّ عليك من الرحابة كثر ما صرت أختنق فيها و على وجهك سلام الله و أمانه لين يبعث حي و علي من الصبر ما يحبس دموعي و يداريها".

انت المبتغى وانت ابرك الناس و المطلوب عسى الله يلوم اللي عشانك بذل جهده الأسلوب زين و عادك ازين من الأسلوب و غرامك غرام و ضمتك وحده بـ وحده

يا زبرجد /يا إستبرق /يا ماسة /يا لول جعل يفداك/ حال /و مال /و أهل /و ربع شفتك/وشفّني "شَفّ" وخذاني "ذهول" و حَل "حبك" على "الحب القديم" وطبع أنت ماخذ/من "الريم الجفول" / "الجفول" وعيبك أنك "غزال" /وعيبي أني "سبع" فيّ واهس "قصيدة" بس وشلون أقول؟ خاطري "فيه واجد" والمنبه 7:00 AM

تاخذ عتابي لك بـ دافع الشين لولا الغلا بـ الروح ماجـاء عتابك من باب ود ونفس تبغى لك الزين يزداد معها الضيق ساعة غيابك إن شفتك مبادر على الواصل للحين شرعت لك بيبان صدري هلا بك وإن شفتك مقفي بـ درب المقفين إشره علي إن جيت طقيت بابك

المرجله درب العيال المطاليق اللي على ساس المراجل تربوا ولا الردي عايش زمانه تلافيق من قوم لا جات الصمايل تخبوا .

اليا اقبلت لمت شتـات المواليـف واليا ابعدت ينسـى وليـف وليفـه مادام انـا ويـاك دايـم ملاهيـف ومتقاسميـن حبـنـا بالنصيـفـه انا خوي للسهر والسهـر ضيـف ومن عادتي لا حل ضيف استضيفه

صرت اكابر مابغي الحزن في وجهي يبين ومنعزل رغم ازدحام المشاعر والكلام تهت مع دوامة الفكر جعل الله يعين وعمري اللي راح ماله علي الاا السلام ليت لي قدره على الشوق لا ثار الحنين و اللتمس له عذر والنور جلاي الظلام لي سنه والوضع مزري وعيا لا يزين ولا استراح البال والبال عداه الملام

يا بعد من مرّ في بالي النسايّ وبصدري نزل كنّ القصيد ان ما لمح وجهك ، يعيش نهايته لولاه انا وش يجرّيني عليه ومنْه يدنيني محل وكيف اعوّد مرويٍ كبدي، ورافع بكفّي رايته يا جعلني ما انحرم شوفه مدى العمر وجعل حظٍ تجمّل بي وحطّك بدربي تطول اقامته

لا صـرت مـا تاقـف على كل زلـه تـراك تكبـر في عيـون الرياجيـل خطا ما يقدح في كرامتـك خـله رمي الحصا بالنيل ما عكّر النيل اترك مجال الشـك دقـه وجـله ما يظهر الامراض غير التحـاليل

شفت لو توصل من الشوق حدود السحاب لو يدينك تلمس الغيم وتهل مطره لو عشاني تلعن البعد و اشكال الغياب لو تحاول تقطف الورد من كل شجرة لو تجي كلك عذر في غيابك و الذهاب لو تحط الشمس في كف وبـ كف قمره والله ان تشرب المر و تذوق العذاب وانت ماحركت فيني ولو قدر شعره

تدَي الأمانات لأهلها وتدَي الحقوق على حسب طاقة المحتاج والمقتدر أنزل لـ تفاحتك وأرقى لـ جمرك وأذوق أشوف ريقك خدر والا بعد ما خدر في ساعةٍ ترتوي فيها عطاشا العروق كنَا من الله طلبناها بـ ليلة قدر ما قبلها غير ( رغبة واندماجة وشوق ) ولا بعدها غير ( سامحني على مابدر )

لا تخاف القلب ما يرتد عن سلمه ودينه لو تقفي عن نظر عيني بشوفك في خيالي انت عندي مثل عاقاً ما يبر ب والدينه لو يوريهم نجوم القايله ،، بيضل غالي

ليه خايف وحالك من دبور لدبور نوري يجلي الظلام وناري مصدر جحيم كان مافاد عقلي في إدارة الامور والله ان الجنون احيان منطق حكيم

تباهي وغنّي واضحكي ولا يهمك شي لا مالت ظروفك فيك ، لك من يعدلها بتلقين لك في جوف قلبي براد وفَيّ هنا منزلك ،، والناس تعرف منازلها ماتقدر تزعلك اللّيالي وراسي حيّ لو تزعلك سود اللّيالي ،، بزعلها