انا اكثر انسان يعطي للمشاكل حلول عندك مصيبه كبيره اتصلي وصل ذريت روس الجبال اللي تذري الزحول لسموم الافعى مصل ولروس الاعدى نصل اطابق اقوالي بافعالٍ تثير الذهول وللغايه اسعى ولكن بأمر ربي تحصل إمتمآدي🪝

عندي أمل أن اللقى ماهو بعيد رغم الجفا رغم المصايب والزعل عندي أمل أنك بترجع من جديد وأشوف قلبك ليه عن قلبي رحل عندي أمل أني بسولف لك قصيد وأشبع أسماعك قصايد من غزل عندي أمل لكـنّ خوفي لو يزيد هذا الغياب ويقتل أحلام الامل..

خلوني أوصف حالتي في كذا بيت لعل منكم شخص يقدر يداوي في داخلي فوضى وزحمه توابيت موتى وجرحى وناس تبكي وتداوي مشغول فاضي مااحترم اي توقيت كل البشر في معجمي بالتساوي عايش على الدنيا على كف عفريت لكن بفضل الله صابر وقاوي أحيان من المسجد على طول للبيت وأحيان لا والله راعي بلاوي

خاطري تالي الأيام خاطر بزر أثر قلب الجريح أدناة ما يزعِله المعاذير ما بقّت لروحي صبر خيبة الظن خلّتني رهين أسئلة يا معّيشني الأوهام مالك عذر من أختارك وعاف الناس لا تخذله ما تطول الليال إلاّ على المنتظر و المشاعر تموت إن طوّلت مُهمله

حبيبي اللي ماعرف وش حصل فيه بعد الوفى والحب قام يتسلى والله ماودي ابيعه واخليه من زود حبٍ فالضماير تولى ومن كثر خوفي من فراقه احاتيه وماكنت اصدق من تغلى تخلى بينت له وشكثر احبه واداريه ومن بعد ماوكد غلاته تغلى !

انا تراي اشوفك بعين الكمال ما يمكن ادري عن عيوبك..مستحيل ملامحك صارت معايير الجمال اللي مـ يشبه لك ما اشوف انه جميل

والله إنك زين مبسّم وطبع وزين جاه جعل عين الناس تسج منـك وتلتهـي واحدٍ مافيـه مثلـك وربي قد عطـاه الحسن والذوق والعز والوجه البهي أطلـب اللـي كلنـا له ودايـم في رجـاه يجعل العيشه معك لين عمري ينتهي

قلبي الي معك مدري وش اسوي معاه الغرام يحمّسه .. والملام يحفله لي متى بـ تتطرف الباب وتوقف وراه ؟ يا حبيبي شرّع الباب .. والا قفله.

مهما يكون الشعور اللي علي بادي لا زلت أنا الوارد اللي ماطوى حبله على القراح الزلالي طال تردادي أشرب وأصدّر ظما ماادري وش أشرب له يامن تغاربتي غيابي وهو عادي، بُعد الرجل عن دواعي ذِلّه أهيب له ماني لعرفي مع أهل العرف مترادي لا شك كبدي من اللي شفت مندبله مساكم الله بالخير

ليه خايف وحالك من دبور لدبور نوري يجلي الظلام وناري مصدر جحيم كان مافاد عقلي في إدارة الامور والله ان الجنون احيان منطق حكيم إمتمآدي🪝

"تحسب القصيد الهام ؟ والله ماهو بـ الهام   قصيدي شعورٍ ما اعرف وشهي ابعاده ! أشوفك وطن وتشوفني … رحلة إستجمام  واشوفك عمر وسنين — ماهيب منعادة ."

خلق ربي جمالك يا عفيف العِرض عشان اللي يشوفـه .. يتّعظ منّه اذا هذا شكل واحد من أهل الأرض أجل وشلون شكل الحور فالجنّه ؟

تطويني الذكرى على صفحة عتاب واندم على ماضي ما عاد له رجعه .

ماعمرك طلبتي حاجه ورحت متغاضي على تم : عوَّدت وتعوَّدت .. حرفياً تبين اربع وعشرين ساعه وانا فاضي وانا الله لا يشغلك مشغول يومياً !

لا تعاتبني انا منك اكتفيت جرحك اللي في خفوقي ما برا والله اني من فراقك ماوعيت لين شفة اللي بعيني ما طرا اه لو تدري وليتك مادريت ان حبك في شرايني سرا انت طيفك سارين مع كل بيت لين شفت ان الحنايه مقبرا لا تعاتبني انا فيك انطويت لو تسوي بــالحنايه مجزرا

"على اللي تعبت أنسى غلاه وتعبت أسير على جرته من يوم قفت مظاهيره حداني على شيئين يالموت يالتهجير بعد كنت في بيت الغلا أغلى مسايره فرحت بلقانا الاولي فرحة التحرير وحبست الدموع بنظرة العين الاخيره لو أن القصايد دلو تبقى المشاعر بير رحل وأنتهت سيرة وصل وأبتدت سيره".

فرحت برجوعك ماطلبت لخطاك اعذار ونفسي نست ماجرى مـن تواضعهـا تهادت مشاعر خاطري لك بـلا معيـار تجاهلتهـا لو كنـت خابـر دوافعـهـا يقولون جنّب درب مالك معـه معبـار يلومون نفسٍ بعـد لاحبـاب موجعهـا يقولونها قبلـي يخـون البحـر بحّـار والآمواج لاهاجت خذت ماتبي معهـا

يا غرامً يندعابه على الصدر الرحوب من ظفر به يشكر الله على حسن المئاب انت غاية من تمنى ونكسة من يتوب معك ياهون المصايب ويا كبر المصاب فيك مصياف الخواطر ومرباع القلوب وفيك من نجد العذيّه عواصيف المهاب وفيك يلقى اللي يحبك من الواقع هروب ما درا انه رايحً من عذابً في عذاب .

تخطي وتزعل واوضحلك وافسرلك وفي كل مره تعاندني وتتفلسف ماظني احتاج كل مره ابررلك بكره مع الوقت تفهمني وتتحسف يامدور اخطاء مثلي انت دورلك اعذار لخطا تكررها وتتأسف

فكرة اعيش بسلام تصادم افكاري فكره تخوض المعارك في مياديني ليت يتمكن من النسيان اصراري قبل يتمكن صوابك في شرايني