أما آن لي - بعد المسير الطويل ارتاح ؟ يادربٍ قضيت أحلى الليال بمشاويرك ! حبيبي مثل ماآخذت من عمري الافراح ياليتك ، خذيت اللي بقى من معاذيرك مع إن الطيوف اللي تزيد الجراح جراح شهودي على قل إهتمامك وتقصيرك لا طال الحديث وذكّروني - بـ شيٍ راح تذكّرتك انت .. وما تذكّرت أحد غيرك

لا تنثني دون الهدف والحلم قدر المستطاع! الناس مهما يزعجونك في طموحك؟ خلّهم العلم خال المعرفة .. والحاجة أُمّ الإختراع والعزم والتوفيق والإصرار أبوهم كلهم.

فاقد الّي زود بعده مانقّص من غلاه من يبشّرني بشوفه ؟ ويبشر بسعده 🚶🏻‍♀️

طوّل وسجلته على الكشف تاخير يمكن حداه العارض الي حداني لكن مواري صدّته هالسنه غير و الا قبل لو زَعْـل رد ابثواني معقوله ان الي حصل كان تخدير! يـبغى يـنسّيـنـي و راح ونساني لكن على ماقيل "يالله عسى خير" مالله كتب لمواصله عمر ثاني . - محمد مريبد

الله الله يا الـدروب المستقيمه كيف أجادل واحدٍ ماهوب قدِّي شرهة العاقل على النفس الكريمه وأحتفظ بالرد في مزحي ، وجدي يفرح الجاهل ويحسبها هزيمه مادرى عيني لمثله .. ماتلّدي صدتي من بعض خلق الله غنيمه ما يوالف قلبي، القلب المصدّي."

ضاع برهان حبي يوم شفتك تويق افتح الباب وفرّع بس أبا شوف شوف هز راسك مع النسمّه بهزٍ يليق خل الشعر ينتثر فوق النحر والكتوف ومن عصير الشفايا أسقني لين أفيِق طعم ريقك يداوي جرح حبٍ بجوف

صدور الرجال ليـا نفذ صبرها ... بتبيح و الى بيحت في وقتها. ... ضاعت الدبره مفاهيم بعض الناس يبغى لها تصحيح لكن العقول دحول ... و دروبها عسره غموض الوفاة .. يبينه مشرط التشريح و انا خابر انها ترهقك. وخزة الابره ابحشم يميني عنك . حتى من التلويح وابنساك ... و اللي صار مانيب معتبره

عرفته و الهوى طيش و ضحكته طوفان بغيت أقاومه و اللي يقاوم ضحكته غادي أحبه و العمر كنه سجين و سطوته سجَّان مع غيره حدودي ثابته و معه متمادي

لاتلوم الحظ يوم الحظ خانك الحظـوظ أرزاق مافيهـا زعـل خلها دايم على طرف لسانـك "قـــدر الله ومــا شـــاء فعـل"

اللي يشوفك شمس عمره ودنياه أشرق عليه إن ظلم الكون دربه يبيك لامن جاك ضايق من أقصاه تمسحه على قلبه ، ويرتاح قلبه نادر تحصل شخص مثله وشرواه تخيل إن حلمه وجودك بقربه من قبل لا تنادي على أسمه بتلقاه طيّـب وطيـبـه بالمحبة يغلبه ..

على كل ماقد فات جعل العوض بعدين يسوق الله الغيث اللي يعدل أوضاعي هذي عادة الأيام .. و أنا أعرفها زين ماتحلا لي إلا عقب ماتغسل شراعي

نظرة عيونك ما تبي فهم أو شرح صارت علي من كثر الأحزان سهله كأنك تقول لي .. تصبح على جرح و أسكت لأني أدري أنك من أهله

طبنا ولو مّابه على الطيب حسرات لكن تعبنا من كثير التمادي ؟ وقمنا نجنب عن كثير العلاقات من كثره اللي يجهلون المبادي وجروحنا طابت وعدت سهالات لو مالقينا بالحقيقه ضمادي جزنا وحطّينا حدود ومسافات من يوم صار الصد والبعد عادي وماتلحق الطيب ليا صد شرهّات لاصار ماهو فـ الحياه انقيادي

فيك من كشخه الأكابر على وضحّ النقى وفيك من حلمّ الرضا في زمان الصالحين تسفهين أهل التلفات هرّاج القفى وتعشقين اللي من أمّة محمد طيّبين

ماني معاتبك فالحاصل ولالي ملام اللي يريحك سوه دام لك فيه خير ٰ محزنني انك ترديت وعاد عندي كلام يا شين مس الكلام اذا قعد فالضمير

الشوق يكبر وقدرك بالغلا يكبر شف ودّك اللي خذاني وين وداني َ من كثر ماشتاقلك وأغليك وأتصبر قام يتلعثم حنين القلب بلساني َ أخاف أبين مدى حبك و تتّكبر وأخاف أبين صبر قلبي وتنساني

مارحت أسوي عقب حبك تجارب ولا قلت غيرك يمكن يعوضني فيك عقبك وانا اسلوبي مع الناس خارب ولا يتعـدل الا . . اذا مـر طاريـك ..

ظنون المحبة لا تجرت على الأحساس ما تملى فراغ أقواسها غلطة الشاطر ما عاد العيون السود نظراتها تنباس ولا ضحكتك عقب الجفا تجبر الخاطر