أراقب الوقت ويديني على الجيد طوق ولا دقيقة غدت منَي فوات وهدر أنوي واسوَي وامارس كل حاجة بـ ذوق وانت تعرف كل نيَة في طرفها غدر تدَي الأمانات لأهلها وتدَي الحقوق على حسب طاقة المحتاج والمقتدر

قبرته وصدري من خبر موته مزحوم هذي والله الغيبه ليا قالو الغيبه لو ان البكاء بيفيد ببكيه لين يقوم خذته الليالي من يدي كيف بتجيبه ياوجدي وياويلي وكبدي ومال القوم على اللي خذاه الله وانا عاد ودي به

يا غناتي والله اني عليك اظما واجوع لين اشوفك ثم لا عاد جوع ولا ظما ودي أولع لك أصابع كفوفي شموع وودي أنزهك عن كل مخلوق إنما الصلاة اللي مافيها سجود ولا ركوع أتذكرها وينشف لساني فالجما بس لي طلب واحد وانا رجل ٍ قنوع طهريني من غثا الأرض وأخذيني سما.

اخوض لي حرب نفسيّه مع ذاتي منهو شبيهي يخوض حروب نفسيّه احيان ودي اغير من علاقاتي واحيان عندي قناعه غير عكسيّه تجديد الأفكار يأثر في قناعاتي وتكرير الأفكار لا حسنه ولا سيّه رجعت للماضي استرجع بداياتي مجنون وش لي مع حاجات منسيّه

تعال والله مالك الا العفو واللي راح راح أنا ادري انك منت ناسيني وأنا ماني خلي أنا دوافع غيبتي أكبر من حدود السماح لكن تعال وكل شي صار في غيابك علي !

اخترت روحي في زحام العلاقات وقويت مع روحي تفاصيل روحي لا أحاتي الأتي ولا اندم علي الفات أتبع خرايط رسم ربي بلوحي ماراح يذكرني أحد بالتنهات اطريهم بطيبي وضحكة مزوحي الوجه واحد ماختلف بالتلفات يشبه بصدقه واعتباره وضوحي ما عاد يغريني جمال البدايات انا النهايات الجميلة طموحي

ما لحسنك حل وشروط ومبادي أجمل من الكل .. حتى في منامك لك ملامح صاخبة وإحساس هادي و فتنتك تبدأ .. .. قبل يبدا كلامك

ياللي على دفتر أيامي كتبت و رسمت أبشرك .. راحت أيام السهر و الشموع البارحه مرّ طيفك "بالغلط" ، و ابتسمت ما عادت الذكريات تجيب راس الدموع

لك في عيوني سر ما أظن مستور و لك في ضلوعي الف فزه غيوره و لي فيك واجد كثر ما ألف و ادور و أرد لك مشتاق مع كل دوره عسى حظوظ الله تباريك بـ سرور ولا يواجه قلبك .. الا سُروره يا أعز من مر النظر وجه و شعور شوفك يرد الروح لو هو بصوره

لا زاد التغلي وانقطع ، طاري الاعذار يقل الغلا .. ويغادر ، بـ شكل تدريجي عليك السلام المعتبر ، والسلام الحار على الشامة اللي في مكان استراتيجي

أنا مسالم ما أحب العداوات العُمر فاني و الليالي قصيره ترى السكوت أحيان مثل الإجابات الصمت نعمه له معاني مثيره ماهو ضروري تعيش عندك علاقات " العُزله أحياناً علاقه كبيره "

حسيبك الله مولعني ومشقيني والعين عيا لذيذ النوم يغشاها العام قلبك معي واليوم ناسيني احلى ليالى هوانا كيف تنساها اغليك كود تقدرنى وتغلينى يرجع بك الشوق لايام قضيناها أيام ود صفت مابينك وبينى حلاوه الوصل بين اثنين محلاها

اشوف التعب واجهاد نفسي وقل النوم نتيجة ظليمة ظالماً نفسي تحبه بيوت الشعر هاجوس ذكرى وضيقه تدوم انا استغرب اللي يبدي الاعجاب ماسبه احس يتشمت والمصايب علي تحوم وهو مشترك جرح الهوى بدربي ودربه

من موجز النشره لادق التفاصيل مافيه موقف يستحق الاشاده ومن بين لحظات السهر والغرابيل جريت نكباتك بعزم وإراده لا لا تقول ان العوض بالمقابيل مشاعري عرضتها للاباده إمتمآدي🪝

نلـبس الصمت حشمه عـن صغار العقول ونسرج الحرف حكمه للثقيل إن حكى

ماحدٍ يعشـق نهايـة ليله و مبدا نهـاره غير قلبٍ لا يحرّم فـ الهـوى ولا يحلّل ياحبيبي يوم أغني " هل رأى الحب سكارى " ما معي غير الخيال اللي يجيبك و أتعلل ولا أنا لو ضاع معك العمر ما شفته خساره ناصل السبعين وأنت بعيني الطفل المدلل

عودت قلبي على حبك و حبيتك علمتني كيف أغامر و إبتسم وأرقى - و اليوم مدري علامك كل ما جيتك كنك تحاول تعودني على الفرقى

معاك الظّنون أكبر، معاك الحقوق كْثار يا حي الدروب اللي تجيبك ويا حيّك على يمتك وش لي من الناس، والزوّار تغرّبت ما كنّ أكثر عيونك شويّك! أنا وش علي إن طاح دون الكلام سْتار؟ أحبك وأفضّل شمسك إن ما حصل فيّك تعبت أتطوى وأنت ما لك سماء وأخبار وأنا ما أعرف إلّا اِسمك، وعمرك، وحيّك

أحب اروح بصمت لا اجادل ولا ابادل تُهَم اذا إنجرحت أقفّل الموضوع واقطع دابره اواصل مواصل وفي وافارق مفارَق شهم أموت ما اذكر ذنب محبوبي لو إني خابره

ضايقٍ من فراق وضايقٍ من تجافي اتقوى وانا حالي دنى من مطيحه يكذب اللي يقول ان المفارق عوافي لا يحس بشعور ولا يعرف النصيحه