له الحشمه وله التقدير اللي ينعطى للضيف لا جانا من بعيد وعندنا من طيبته حوّل " لكن قلوبنا ماهي على المشهى وجو الكيف متى ماوده يجيها يحسبها مثل اول " مثل مايعرف يوّدع ترا حنا نعرف نعيف ولو ان عمري قصر بعده؟ ياجعله يوم ماطوّل

أحسب أن العشق فترة فراغ ولا يدوم ما دريت انه يغير مفاهيم الحياه مذنب في حق نفسي ولاني بمعصوم منتظر والبعد عيـا ينسيني غلاه ادري انـه يسمع الشعر وتجيـه العلوم ويدري انـه من نصيبه قـراه أو ما قراه كـان عينك ترقد الليـل عيني ما تنوم ليـن يذن مـذن الفجـر وتقـام الصلاة .

تدَي الأمانات لأهلها وتدَي الحقوق على حسب طاقة المحتاج والمقتدر أنزل لـ تفاحتك وأرقى لـ جمرك وأذوق أشوف ريقك خدر والا بعد ما خدر في ساعةٍ ترتوي فيها عطاشا العروق كنَا من الله طلبناها بـ ليلة قدر ما قبلها غير ( رغبة واندماجة وشوق ) ولا بعدها غير ( سامحني على مابدر )

الكلمه اللي ماتجملنا على وجه العموم ابرك لها تقعد وشرهتها على حنجورها اليا سكتنا ماسكتنا الا على شان السلوم وان شانت الدعوه ضربناها على دنقورها اليا قعدنا تقعد الدنيا ولاقمنا تقوم مالله خلقنا نرضي العالم وناخذ شورها

منتي من الارض يمكن ... من بـقايا قمر نصفك مكابر قسى ونصفك ليانة حنين منتي من اللي يمـر الناس ... وعادي يمر من بين خطوه وخطوه ... بينهم وردتين وصرتي كبيـره عمر ... ياحـظ هذا العمر كل ما كبرتي سنه : غـارت عليك السنين

على وجهك الراضي بدت لي الحياه تزين لك الشكر من قلبي على وجهك الراضي تفكر في وجهي وأسمع اللي أقوله زين حياةٍ بدونك والله انها على الفاضي

المسافه إللي تردك .. عن طريقي ظالمه.. لو صورت لك غير ذلك م يفرّق بيني و بينك .. صديقي غير جرح .. و ضيق خِلق .. و ليل حالك تخفت الضحكة .. و يتلاشى بريقي لا سطع ضو المسافه .. في سؤالك كيف حالي ؟ أنا طيب ، بس ريقي ينشف .. و قلبي من البُعد يتهالك #صباح__الخيرِ

التظاهر بـ الفرح . . غير التظاهر بـ الفضيله اتركوني مثل ما اعرف نفسي اعرف مصلحتها ودي ابعد عن جدال و ودي اقرب من جديله لين اجدد في زوايا البال . . . ذكرى راعيتها والله ان كن الهبايب . . والنسانيس العليله ماتعرف تهب من كل الجهات . . الا جهتها

مال الكسور بخاطر الوجد جابر ومال الدموع بحاجر العين مرما صدورنا لصكات بقعا .. مقابر وافواهنا عن ذكر الاوجاع طرما .

بتْعرف مستـواي . وبتْعـرف مستــواك و تْعرف فرق ماشوفك / وماشوف فيك ' مثل ماكنـت تــدري وقتها عن غلاك والله لـ تدري اني كنت / واجد عليك صباح الخير

الحور من جنة الفردوس يمكن رموك للأرض يا جادلٍ فيك الشموخ الأبي عليك وصفٍ يحيّرني وهيبة ملوك نوادر الوصف منك سابيتني سبي وجنتك ولا الثغر ولا الحجاج الضحوك دمار شامل تراجف منه حتى ركبي شكراً جزيلاً ماهوب لك لأمك وابوك أجمل سلاله بعد طوفان نوح النبي

جيتك مزيج جروح ودموع وأهات نديم لعيون الاسف والشماتي جيتك شظايا تشتعل شوق بسكات ما ادري حزن مدري سعادة اسكاتي جيتك لوانتي سابع المستحيلات اللي يحبك يصنع المعجزاتي جيت استجيرك من شمس المتاهات عيت تظللني تحتها عباتي

نوب ابيح كنين ونوب ادور بدايل ومن يدور بديل لصاحبه عزتي له قلت أحط الاصايل في مكان الاصايل قالو الناس هذي حاجةٍ مستحيله قلت احاول وقالو لا تحاول وحايل المحايل ترا ماهو بدايم رذيله يافلانه قصيدي فيك صايل وجايل ودي القي عليك بدون منشد وشيله

ما يضاهي عزّة النفس بالدنيا غناة عن دروب الذل يا خطوة العز أنتحي الردي لو يشري المدح ما يخفى رداه ندري أن ما كل من خاف ربّه ملتحي مشكلتنا كل مخطي نبرّر له خطاه نستحي في وقت فيه العرب ما تستحي

ا تشكي علي من الطواري وقل النوم وانا اشتف في سجات الافكار والهجعه تخليت عن غاية سنين العمر في يوم ولا يسمح المتعلق الا من الوجعه بعدماخذت نفسي من اقدارهاالمقسوم وقفى الصبر تجذب بروق الجفا نجعه جلبت الشغف وامضيت بيعه على اول سوم و راح الطموح الروحه اللي بلا رجعه

ما دام إن العمر فـاني .. وكـل الليالي قصار تعال إقطف زهر عمري ترا ماحول قلبي سور تشوف إن الطريق أطول وأشوف الأماني كثار ولا تكفيني الدنـيا لو أشـرب من هواك بحور يطول الدرب أو يقصر معك لين آخر المشوار عيونك قبلة أحلامي ووجهك فالطريق النّور

رجعت أدورك بين الرسايل والصور وأدعيك وأنا مدري وش اللي من يد النسيان رجعني معي كلمة عتاب أكبر من أني فاقدك و آبيك ذرفت حروفها أوّل ما عرفت أنك ما تسمعني.

ورا احبك كلام ومن ورا كل الكلام اشتقت عليك الشوق ماخذ عن جميع الناس تفكيري لو اضمن ياخذك من يستحقك بالبشر ماضقت ولكن ما اشوف ان فيه احد يستاهلك غيري

إخترت نفسِي ما رضيت الهزيلات يقسى علي الوقت وأقول عادي صعب ولا تعجبني كثر العلاقات و بعالمي أحب أكون انفرادي

تستفز البال لحظات الهدوء تو جانا الصيف وسهيلك دلق يُشرط الترتيب باركان الوضوء والنصيحه حطها باذنك حلق امعن التفكير قبل انك تبوء الصراحه تثير نوبات القلق