تخيّرني الدنيا ( بالأوراق و الأقلام بعد كل يوم بـ صبح أبيض و ليل أدلم أخلّي رحاب الأرض و الشمس و الأنسام على شان أمر بدربك الموحش المظلم و أسلّم عليك إعجاب و إكبار و إستعظام و سلامي لغيرك حق مسلم على مسلم متى و الكلام أصدق من الشعر و الإلهام تمر الطواري كلها ما تقول إسلَم

الله من جفنٍ عن النوم محروم وقلب رجف بين الضلوع النحايف حاولت انام ولا تهيا لي النوم النوم والهاجوس ماهو ولايف ما تستريح العين والبال مهموم ولا يستقر الحال و القلب خايف غديت مثل اللي بالأعدام محكوم ما مات لكنه من العمر خايف

يزيدني "ربـي" سعادة و إرتياح كل مامشت الأيام وأَحيَـت ماذِبل أول محطات التجاوز والنجاح ما تلتفت للي تركته من قبل .

يلومني من لاعرف داي ودواي وعروق قلبي للمعزه ضمايا خلوني أمشي في غياهيب غدراي أريح قلب بين عوج الحنايا ان صار قلبي جارحينه دناياي يبريه من طافو ببيته حفايا الواحد اللي بالدجى يسمع انداي اللي دعا للحج فوق المطايا

لين رحت وقمت اراجع ذكريات الماضي وما انتبهت الا ودمعي منتثر من مدّه جنّبو دربي لو انّي في طريقٍ فاضي خلّو الضايق يروح ودمعته في خدّه .

كم ضحكةٍ ماكانت إلا لغز للشخص الفهيم وكم كذبةٍ مشيتها من باب تفكير الكبار وكم واحدٍ بعامله بالمثل لكنّي عظيم وكم كلمةٍ بادلتها بالصمت وانهيت الحوار وكم زلةٍ عديتها لو أنها جت بالصميم وكم فعلةٍ خليتها للوقت لين الوقت دار✨

اذخريني للمقادير وعجاف السنين والظروف اللي هبوب الزمان تهبها واطلبي مني والبي وش اللي تطلبين " لو تبين . . ازل روحي غلا واصبها " شاعرك ، قدام حسنك من الفتنه يلين ياخذ من ضلوع صدره حطب ويشبها

طبنا ولو مابه على الطيب حسرات لكن تعبنا من كثير التمادي وقمنا نجنّب عن كثير العلاقات من كثرة اللي يجهلون المبادي وجروحنا طابت وعدّت سهالات لو مالقينا بالحقيقه ضمادي جزنا وحطّينا حدود ومسافات من يوم صار الصد والبعد عادي وماتلحق الطّيب ليا صد شرهات لاصار ماهو فـ الحياه انقيادي

يـ صاحـبي الله يـمسيك بـالخير عقب البطى بنشدك وشلون حـالك ؟ مـن بيننا رفـقه ومعـزه وتقـدير وقـلّ اتصـالي يوم قـلّ اتصـالك قفـت بك الايـام مـن دون تبرير وجعـل الفرح والطيب فالي وفالك وإن بعـتني عشان هـرج المعاذيـر .. يـاما حكّوا بـك .. وإحتميـنا مجالـك

لك العذر في غيبتك ولـ طيفك التقدير متى ماسهيت , وبان لي وجهك البدري لقيتك على مفرق طرق والظروف تسير حلالاه . . لو إني ( مقابلك ) من ، بدري سرحت بخيالي فيك وأسهبت فالتفكير وطلّعت كل اللي .. مخبّى ، ورى صدري ما تمنعني ، حدود المسافة عن التعبير أنا توّي مسولف معك .. وأنت ما تدري

يذبحني بذوقه إذا قال لبيه ويفز له قلبي من اقصاه لـ أدناه واقول ياكوني وياكل من فيه انت الوحيد اللي خفوقي تمناه ..

لمحّت لك ولا نفع فيك تلميح وجرّبت بك حيلة و حيلة وحيلة وأثِر المحبّة ما تبي غير تصريح ياللي تدوّر بالقصايد وسيلة الحُب غلطة ماتبي منك تصحيح تبي الخليل اللي وقَف مع خليله وإذا حصل ساعة زعل دون تجريح ماكل من يخطي ندوِّر بديلـه

صدور الرجال ليـا نفذ صبرها ... بتبيح و الى بيحت في وقتها. ... ضاعت الدبره مفاهيم بعض الناس يبغى لها تصحيح لكن العقول دحول ... و دروبها عسره غموض الوفاة .. يبينه مشرط التشريح و انا خابر انها ترهقك. وخزة الابره ابحشم يميني عنك . حتى من التلويح وابنساك ... و اللي صار مانيب معتبره

خجول وعيونه تسولف قصيد وكلام وعدته / أقدّر أحساسه وقدّ الوعد أنتظره ينام وأرسل له ، أحبك وأنام عشان لامن صحيت أشوف / وأنا بعد

يزيل المفارق غيرك و منزلك لا زال يرافق خطاويي بترحالي وحلّي عسى فزتك لي ما تكرر مع الأزوال وعسى ظلّك التايه يبادل وصل ظلي على كثّر ما حاولت أغير هوى الأمآل أنا إحساس قلبي ما يشوفك سوى خليّ ولا كان يخطر لي أمر الوله بهبال قبل ما تعرف غيرتي قلبي فغلي

حبّني ، يوم إن ما الله على ذبحي هداك لمّني ، يبقى من الشمس تالي طيفها والذي خلّا الشياطين بكفوفك ، ملاك اسلمت في دين عطرك مهوب بكيفها ما جذبني من هنيّا ، وخلّاني هناك غير تطويحة رموشك وعالي نيفها

ظنون المحبة لا تجرت على الأحساس ما تملى فراغ أقواسها غلطة الشاطر ما عاد العيون السود نظراتها تنباس ولا ضحكتك عقب الجفا تجبر الخاطر

ما بين الحب والغيره وكثـر اللوم دعيت اللي جمعني بك ما يبعدنا معي قلبٍ كثر ما يعشقك مظلوم صبر لـ اجلك لـو العذال تحسدنـا لا عانقتك وانا من ضمّتك محروم تحدّيـت .. الليـال اللـي .. تعاندنـا احبك والمسا ما هو مسانا اليوم انا اللـي فاقد شلونك .. و فاقدنـا