انا من حقّي اتغيّر وتعذرني جماهيري عن غيابي لا تسألني ولا تعتب وتتشرّه تعبت اجامل الايام واقدّم معاذيري واقدّر ناس ما تستاهل التقدير بالمرّه ")

يا مرتبط في كل جرح .. من الجروح مثل ارتباط الحزن فالصوت الشجي قد انتهى الحلم وقد اغتيل الطموح وأنا ماجيت امدح .. ولا جيت آهجي حتى لو تشوف التفاصيل بـ وضوح لا تكبر الرجوى .. بـ عين المرتجي من كثر ما اتعبني شعور إنك تروح ما عاد يسعدني شعور .. إنك تجي…

على كثر ماجرّبت بالحب .. ماجرّبت شعور اني اصدقكْ واكذب احداقي وعلى كثر ماذقت الجفا والحزن.. ما تبت رجعت اندفع لك بالغلا وادفع اشواقي يجي يوم تحزن بعد ماتحسب انك طبت وتذكرني وتذكر حزني وليلة فراقي وانا وقتها ماتفرق ان جيت ولا غبت بعدها تعرف شكثر فرقي عن الباقي

"واللي جعل نار الغرام بعين و الجنّة بعين أني ماراح اسجّ من نورك شرق أو ما شرق وش يستر الشوق و تدفّاق المحبة و الحنين يابحرٍ الناجي من أهواله يحسد اللي غرق♥️"

أغلب رفوف الكتب ما حرَّكت ساكن كثر ما حرَّك شعور القلب "مسودّة" مثل الهوامش وأمان شْعوري الراكن يدرى إختلاس العيون العابرة : ودّه وش أنتظر له ؟ لـ طيف أن مرَّ الأماكن؛ صدري يجرّ النسم، كنّ النسم نِدّه؟ ………🩵🦋🎻

ياصدري اليا ساورتك ظروف وقتك لا تضيق دوّر على درب السعه يالين تلقى لك سعه .. انا ترى عون الرفيق اللي يدوّر له رفيق مانيب عون اللي يدور من ورانا منفعه .. وخل الجمل والاربعه حتى ولو طال الطريق حنا نشلك يا الجمل ونشيل فوقك الاربعه

عيت تعاليل قلبي تحشم أطباعي شعور مبهوت ساس و صعب تبريره لا تستفز الشعور و تبري أوجاعي ماني بقد العنا و موالف الحيره أحب لو كان ما لي بالهوى داعي و أغار لو كان مالي حق بالغيره و أتثيقل لغيرك دروبي و مرباعي و أستسهله لو تعنت لك مشاويره ..

مرحبا ياللي على قلبي تسيّد مرحبا يا فزة القلب وشعوره

يالجمال النادر والزين الفريد يالعيون الناعسه الي بجفنها يصعب علي وصفها بالقصيد واضيع لبغيت اكتب حسنها😍

غاثني ربـي بوصلك بعد فصل الجفاف واستبلّ الخاطر الشين من عقب الضما َ لو تحسّس قلبي الهش وضلوعي الرهاف ما يغرّك كبريائـي .. وخشمي بالسمـا َ اتكبـر واتعاوب وحكيّي .. معـك جاف وأنت عن أصل الحقيقه تقل صابك عما َ ودي أشعر وأنت جنبي بـ لّذة الأختلاف مابي أحبـك .. ابي معك أحس بإنتمـا

الله اكبر يالمقادير وظروف الليال وش بقى ماصار في عرض الارض وطولها من قدر وصف الحقيقه قدر نسج الخيال ارسم الدنيا وتعطيك صوره حولها مايثير الشك ويدور في روس الرجال غير لاشفت الثقه منتهي مفعولها قولة ( انت اخطيت ) مانيب خايف لو تقال خايف اخطي بس ما ياتي احد يقولها !

هني والله اللي فيك مايقبل التبديل يبيع الحياة إن قيل له لأجلها بعها يعرف إنك أجمل ماخلق بين هذا الجيل جمالك مهوب الحاجة اللي يضيعها محبتك عنده واجبه خلي التأجيل أبواب الهوى قد شرعت لك مصارعها ترى الحب مايقبل من العاشقين بخيل ماخاض الهوى غير أكرم الناس وأشجعها

الشوق يكبر وقدرك بالغلا يكبر شف ودّك اللي خذاني وين وداني َ من كثر ماشتاقلك وأغليك وأتصبر قام يتلعثم حنين القلب بلساني َ أخاف أبين مدى حبك و تتّكبر وأخاف أبين صبر قلبي وتنساني

أنا واحد يضحك حجاجه وصدره غلق يبي ضحكته وظروف الأيام مانعته تحده على جور الليالي وبعض الخلق وهو يدري أن الناس ماهيب نافعته تدور الليالي بين ضيقه وعبرة حلق وأنا الطيب الي دورة الوقت موجعته أجامل وأنا دمي حياوي ووجهي طلق وصبري بصدري لا شريته .. ولا بعته مساء الخير ..✋

ذا باعك الليّ ما رحم قلبك الحساس تلفّت وتلقى شمعة القلب تضوي لك تعاال وتذرى بين غصن الرجا والياس تحت جذع صدري لين تآقف على حيلك بعدها تعرف إن الذهب ذاك كان نحاس و لا فيه أحد كثري من الناس صافيّ لك على سور قلبي ، لا تغرك جمُوع الناس " ترا ما ورا بييبانه . . إلا مَـداهيلك !

يا غايبه و النور جلاّي الظلام طلّي وقلبي لعنبو الي لايمه لا طار ولا عانق حدود الغمام أو حام مع كل الطيور الحايمه أنتي عطاك الله من حسن القوام ما يجعل حروب المشاعر دايمه وأنا رَجل ما قد عرفت الانهزام لكنّ قلبي واجدٍ هزايمه :)

ما والله يالليلي تعدي على خير لاسدل ظلام الليل طاريه خيم يدسّم الشارب كثير التفاكير ولا يطفي الدخان نار المتيم إمتمادي

للسوالف معك لذة وطربه وانتعاش لو تخربط فالسوالف أحب السالفه في عيون اللي يحبك فهاوه واندهاش والجوارح في وجودك غدت متخالفه من غلاك أشوف ذا الناس في عيني بلاش وكل من جاني يـوالف .. عجزت اوالـفـه '

كثر ماكان يعطيك وكثر ماكان لك يحتاج تتقى من نظر عينه توضح ويش محتاجه تعبنا في مشاوير الهوى لين اصبح الانتاج ( سقيم مالقى غير الوصل يصلح به علاجه ) مثل حال السجين اللي فقد نفسه وجاه افراج ويدور له سبب ثاني يأخر موعد .. فراجه