الغزل الي يليق فيني : فدوتك ما فات من الايام واللي عاد جايه يابعد عمر مخاسيره معك عندي غنيمه انتي الفارع بقد و جد واسماء وكنايه من عشق مثلك يجوز من الهوى وشداد ريمه 🤎

تفزّ لْك الديار.. ويستفزّك لـ السكون إشراق ينادمك [الصباح] وذعذعاته وين ما كنتي وتهادي كلّما [ضجّ السحاب] وشدّ لك برّاق على قلب بْدويٍّ ما يعرْف إلّا الشعر وأنتي :)

كل ما فاقت عيوني على صبحٍ جديد فاق حلمٍ لا تحقق . . و عييت أخسره و الرجا حبله معلّق ، مثل حبل الوّريد لا أنقطع ما عاد لـ الحلم و العلم ثمرهَ ؛)

ماا جيت أسمّعك الكلام !.. اللي تبيه جيت أودِع الذكرى القديمة فـ اللحد خل ( الكلام الحاد ) .. والرأي الوجيه يمكن يكون "الاعترااف" أقسى وأحد ما كنت وجه وبس من ضمن الوجيه إنسان !.. عاهدني على شي ، وجحد أنت الشعوور اللي ما قد حسيت فيه وأنت الكلام .. اللي ما قد قلته لأحد .

أقسى من وداع المحبين السكات اللي يجي .. قبل " ضياع " آمالها والله ، ماخلّا قلبي النابض فتات إلا الكلام اللي يدور ، فـ بالها غابت وغابت من بعدها الأمنيات والله ما أخليها تغيب لحالها

في صدري كلام ولا عرفت اقوله من يعبر عن شعوري بالنيابه عني؟

تجيبك في ربوع الذاكره يا صفوة الخطّار مقاديرٍ رمت بك في طريقي وانت ما تدري على ربعة خفوقٍ مرحباه يعيدها تكرار لاجيت تقوم من كثر الحفاوه قال لك بدري

أنا وإنت في الحب ماعندنا ذوق دايم أنا بيني وبينك .. مناوش نهجر بعض مده ونرجع من الشوق واليا رجعنا بعد .. يوم انتهاوش

غاثني ربـي بوصلك بعد فصل الجفاف واستبلّ الخاطر الشين من عقب الضما َ لو تحسّس قلبي الهش وضلوعي الرهاف ما يغرّك كبريائـي .. وخشمي بالسمـا َ اتكبـر واتعاوب وحكيّي .. معـك جاف وأنت عن أصل الحقيقه تقل صابك عما َ ودي أشعر وأنت جنبي بـ لّذة الأختلاف مابي أحبـك .. ابي معك أحس بإنتمـا

هني والله اللي فيك مايقبل التبديل يبيع الحياة إن قيل له لأجلها بعها يعرف إنك أجمل ماخلق بين هذا الجيل جمالك مهوب الحاجة اللي يضيعها محبتك عنده واجبه خلي التأجيل أبواب الهوى قد شرعت لك مصارعها ترى الحب مايقبل من العاشقين بخيل ماخاض الهوى غير أكرم الناس وأشجعها

قلت لك ماني بطيِّب ولا حالي بخير لو ضحكت من النكت ، ماهدت نفسيِّتي ودِّي أضحك ضحكة اللي من الخِفّه يطير و في شي مقيدٍ نفسي وحريِّتي مثقلٍ بأشياء وأشياء .. ماودِّي تصير و كل يوم أعيشه تْزيد بي سلبيِّتي مكتئب ، وأحس هالأرض هي بئس المصير و أنت عادك تحسب إني على سجيِّتي

حبّني ، يوم إن ما الله على ذبحي هداك لمّني ، يبقى من الشمس تالي طيفها والذي خلّا الشياطين بكفوفك ، ملاك اسلمت في دين عطرك مهوب بكيفها ما جذبني من هنيّا ، وخلّاني هناك غير تطويحة رموشك وعالي نيفها

الشوق يكبر وقدرك بالغلا يكبر شف ودّك اللي خذاني وين وداني َ من كثر ماشتاقلك وأغليك وأتصبر قام يتلعثم حنين القلب بلساني َ أخاف أبين مدى حبك و تتّكبر وأخاف أبين صبر قلبي وتنساني

تضيّق سود الأيام من صدره رحبّ مؤمنٍ بأن البسيطة .. و أهلها فانية  جعل دنيا فرقتنا عن أغلىٰ من نحب يجمع الله بينّنا .. فـ الحياة الثانية ")

انك عندي اغلا من الغالي وزود وان لك فالقلب جرّه ، ولك ماطا قدم جعلني ماذوق حزنك ، وجعلك فالوجود وجعلني مااعتاض ، ولا خلا ولا عدم .

ما والله يالليلي تعدي على خير لاسدل ظلام الليل طاريه خيم يدسّم الشارب كثير التفاكير ولا يطفي الدخان نار المتيم إمتمادي