يا صديقي والنصايح واجده والعمر مرّه افرد الي يجوزلك منها وطب ونق فيها و أن بغيت تعيش في راحه وخيرات ومسره أخذلك نصيحتين ان طعتني واعمل عليها المكان الي تقزّ النفس منه ... لا تمرّه والوجيه الي تشين النفس منها لا تجيها

قلبي اللي كنه يقاد .. صوبك بالخطام تدفعه لاشواق صوبك ويردعه السحى والله ان قسمك من الحب في راس السنام رغم جور البعد والصد عيا مانمحى فرحتي بك يوم شفتك عقب شوق وغرام فرحت اللي شاف ذوده شباع من ضحى

لك مصيف ٍفالضلوع الناحله و مشتّى ما لغيرك حق يشغل هاجسي وظنوني اطلب اللي تطّلبه و اللي تمنى حتّى لو تبي تاخذ عيوني حاضر من عيوني

جيت أكرّر كل لحظه ورا ذكراك طوع لين يذكر مبسمك كل بسمه . . نازحه ما تدّلهك الليالي ، و تجفاك الضلوع لين ينسى . . عازم البـعد شيٍ جارحه ..

فاتنً كن وصفها راعي الوجه المليح شايفنٍ زين الحبيب و ذابحه السحى

أنا لولا الحيا والخوف من قولة هبيل وصاح لاشرّف فوق راس الضلع صبحيه وعصريه وأصيح صياح من ركزو على صدره ثلاث رماح وهو مقدمْ عرب ومجري الهيّاب بالهيّه ..

فيك من ضحك المقابيل ودموع الوداع وانا من هذي سلـيمَ ومن هذي عطِب يا متاع مسـافرٍ بـ سـفْره . . مالـه متـاع سد جوعه شربـة الماء وخمس من الرطب وادعيني . . واحتريني على شتى البقاع واخذي عيوني مصابيح وضلوعي حطب

كيف أبسلا وأهتني وأصير طيب وبيني وبينك يجي عشرين عازل لا حصِّلي شوف وجهك من قريب كل شيٍء بعدها عنه . . متنازل .

دكت اجلال الطواري وهي كانت بروك وابتدا جلد المشاعر وجلد .. الكبريا قول انا مشتاق وأقول لك لا فض فوك ادري ان ماهي بـ من ضعف ولا من ريا

عفا الله عن حالٍ ترازم عليه هموم وصدر غدى له ياعرب داخلي لجه .

مسيتوُ بالخير نجامل قلوبنا من باب بكره تزين .

ساجنٍ من عزة النفس في صدري كلام مايفكه جاه اكابر ولا مال اثريا .

استفاق الهاجس اللي سيرته منسيّه صارله حروت ثلاث شهور عني غايب لين جتني .. صورةٍ فالذاكره مطويّه هيضتني وأستباحت كل جرحٍ طايب :)

- جفيا المحبة ،، سم عقرب و جمرة قيض عسا الله في بعض البشر مايعلقنا ربطنا القلوب الصادقة بالنوايا البيض و على كثر مانغلي بعضنا .. تفارقنا .

' كل شيٍ له ثبوت . . و له دلايل و الزمان الصلف ما منه سلامه اعرف اسلوب التخفي و التحايل و ابخص الرجّال من منطق كلامه جعلهم يبطون صدقان الفعايل و جعلهم يفنون صدقان الرخامه صدتي عن وجه جحاد الجمايل صدت الوافين عن شوف الهلامه '

تدوم الرفاقه دام فيها مزارق طيب سوات الحيا متبوع لاهلت مزونه ورفيق الرخا لو خيره مفيض شعيب لو تجيه في حاجه يبى يختلف لونه تخير من عيال الحمايل حصان وذيب ما تقصر مطاليب الرياجيل من دونه ترا العقرب ام ذنيب والحيه ام جنيب لو تباري السيسان .. ماهيب مامونه !

يا قوم أنا في جعبتي تصريح هام واللي يبا يزعل منِه يشرب بحَر اللي يدسّون الرّدى جوف الكلام أردى من اللي لا احتمى الموقف جَحَر أنتم ملوك الضرب من تحت الحزام وحنّا ملوك الضرب في وسط النّحَر (:

ماينكسر عزمٍ مقرّه على ساس لو يلحقه من لوعة الوقت خله اليا امتلى بيت الغلابا من الياس حطيت لي في راس ، الامال فلّه اللي ورى العالم ، لايمكن يجي راس لو ، يلتفت " مايتبعه " غير ظلّه لاتنتظر الانصاف من ساير الناس الناس عوق الناس والمنصف الله

من ركا ساقة على الجال المهايل ينهزع من هبة النسمة شقاقة ومن ضرا على تكداش الطوايل صار عندة في مكابدها لياقة القلوب البيض بيضان الحصايل كان فالأجناب وألا فالرفاقة لا تفكر في الضعوف ولا تخايل من يفارق منهم جعلة فراقة الردي لا من عجز رد الجمايل دور السبة على قطع العلاقة

أصبر على زلت رفيقك اليا زل بس أنتبه لا ترتضي بالمذله حاول تدور حل إن كان به حل وإن كان مابه حل روح وخله