عشان تشوف قيمة غيبتي وتقدرّ حضوري تركتك والليال السود تكفي يا أبيض الغرّه بدا دور الليالي .. وإلا أنا معك أنتهى دوري ومعك معاد تنفع شرهتي وحكاي بالمرّه فمان اللي زرع حبك بقلبي وأصدق شعوري وأنا شخصٍ ليّا ترجم شعوره ينكشف سرّه

بتدور الأيام و تعوّد على قلبي .. آنا ادري ان الغريب ، يحن لدياره !

تمتع واضحك بوجهي كبِر والي يصير يصير ابيك تغيض حزني لين يطلع عن مدى طوره َ. يصبرني على بعض الشعور انك لا زلت بخير انا أحوالي .. الى منك غديت بخير مستوره

شعور الحنين اللي يجي كل ليلة عيد يلخبط شعور الفرحه اللي نصايدها اللي فاقد ٍ له بنت اكابر وشيخة غيد و قبل ما يعايد نص ربعه يعايدها يصوّت ضميري فـ الحشا كنه بن مهيد على الطلّه اللي فـ اول العيد فاقدها حلالاه ياذاك المعنّق و ذاك الجيد اليا علّقت فستانها و نقشت يدها

الوقت متغير معي بالحيل عقب الغلا كنك معاديني الضرب حامي كل صبح وليل ماقول غير الله ينجيني الحرب بين ايران واسرائيل لاتحسب انه بينك وبيني !

تبصَّر بقلبك كان شفت الدرُوب أشباه ترى قلبك . . أبصر من عيونك مية مرَّه

وشلون تشره على من صاد صقر وشواه والناس تشوي ، ، بعضها من كثر غلّها

أشوف الأحلام ماهي تشبه أحلامي كل ما تخيّلت حلمي ضاق بي صدري مدري إلى الحين ماجات أجمل أيامي أو أجمل أيامي مرّتني وأنا مدري !

حبيبي وكل الله ولا تحسبني بليد شعور لو أنت المستحيل الصعب ببدي لك معاذيري أحبك رغم تجريح الليالي لقلبي المقهور أشوف الجرح يكبر وأنت تكبر وسط تفكيري أحد ربي يحطك له حبيب وما يجيه غرور أنا ليه التفت للناس وعيونك جماهيري ؟

كيف تدخلك الشكّوك ومن هواك ومن غلاتك صرت اشوّفك في عيوني كل ماشفت المرايه ؟

يعرف اسمي ويعرف وقفاتي ويبخصني ويدري إني فوق .. هقواته وفوق أماله

من جروحك ماعتبت ولا هدى لك روعي كم تحملتك .. وانا والله ماني / طايّق مادريت .. إنك تدوّر طيحتي ودموعي لين صرت اجيك مستانس و اعوّد ضايّق !

أسرفت في حبك جهَر ما نيب مثل المستحين اللي يحبك يعتزي . . و يشوش . . و يرد البرى مشاعري لك لو توَزَّع " من يسار ، و من يمين " صاروا جميع الناس عِشاق، ونشامى، وشعرااااء

اعتبـرني شي راح وعفى عـنْـه الزمان وأعتبرك بمجمـل العمر شيٍ ماحصل . وان تواجـهنا بالأحـلام وإلا فى مـكـان لاتطري لي محـبه ..ولاتطري وصـل

بعد سواياك هذي مالي إلا الرحيل والله لو إنها تمشي كان مشيتها قلبي هو اللي بكى و الدمع عيّا يسيل لو في عيوني دموع تهل .. هلّيتها جيتي وكملتي جروحك بجرحٍ ثقيل و أنا الجروح القديمه ماتخطيتها طحتي من عيوني الثنتين في ظرف ليل والله ياطيحتك هذي .. ماتمنّيتها !

في مجريات الحياة العقل دربه دليل اسرافك الزايد بطيبك بلا فايده حاول تجي معتدل ويصير مالك مثيل ما ينكب الطيّب الا الطيبه الزايده

خلك من الشوق وعيون البنات الوساع ما يتعب الطيبين إلا طموحاتها

حتى الرسايل .. لها فترة صلاحيه يموت من بعدها إحساس مرسلها

لا تنبش الذكريات وتبحث الخافي مقابر الذاكره .. "و العمر مليانه" أنا رحلت .. و تركت الماضي خْلافي وإن جيت أعوّد وش أعوّد على شانه؟

من الدنيا العريضه مابقى لي في الحياه احلام سوى توبة قلوب اهل الصلاح ، و موتة الساجد