كنا فين و بقينا فين ..

كل حاجه بتعدى .. بتعدى ببساطه و هدوء لما يبقى حوالينا ناس بتقدر الضغط و بتهونه علينا مكنتش اتمنى اكتر من كده ..

الضغط النفسي سبب كافى جدا انه ينهى حاجات كتير سواء شغل او علاقات ، اصل مفيش احلى من راحه البال و الآمان.

فرحه الناس بتبان فى عيونهم فعلا ❤️❤️

كان طيب و خدوم و حنين كل الناس فكراله الحلو و الكويس مكنش بيستخسر فينا اى حاجه على قد ما هيوحشنى و يوم الجمعه مش هيبقى ليه طعم .. بس ربنا اختاره فى انسب وقت ليه

لسه عقلى مش مستوعب انه مبقاش موجود ، بس بصبر نفسى ان ده احسن ليه و زمانه مبسوط دلوقتى وسط ناس كتير بيحبها و مش لوحده.

عقلى بدأ يستوعب انى مش هشوفه تانى و من ساعتها مش عارفه ابقى كويسه مهما سحلت نفسى ..

بقيت لما بقابل ناس بحبها و مريحه بقعد اكلمهم عنه و عن قد ايه كان بيحبنى انا و مورين و لينا معزه خاصه عنده لحد اخر وقت هو حقيقى وحشنى بس وحشنى و هو كويس و هو بيفسحنا مش و هو تعبان و مش عارفين نعمله حاجه

كل ما بفتكر انه مبقاش موجود و مش هعرف اشاركه باقى احداث حياتى بقول لو بس كان استنى شويه كمان ..

وسط كل التجهيزات و الترتيبات الجميله الفتره بدور على خالو لسه ، لسه مستنيه اشوفه مش فاهمه يعنى ايه مش هشوفوا تانى ؟؟

شعور مش عارفه اوصفه بس مبسوطه و متحمسه نكمل حياتنا سوا .. 🤍🤍

مفيش حاجه مصبرانى على فراقه غير انى عارفه انه مش فوق لوحده و حواليه ناس كتير بيحبها .

حقيقى احساس الامان ده جميل اوى ، مش دايما شايله هم و دماغى قلقانه و مخونه اللى قدامى ممكن يحصل ايه .. مرتاحه و مطمنه و مبسوطه اصل هبقى عايزه ايه تانى ..

فكره اننا بقينا بنحكى على ذكرايتنا مع خالو و خلاص مفيش خلاص جديد و المفروض نعيش على اللى فات بس دى حزينه جدا .. اشبعوا من الناس اللى بتحبوها على قد ما تقدروا و صوروهم صور و فديوهات كتير عشان متنسوش صوتهم ابدا ..

مع الوقت بنسى انه كان تعبان و ان ده احسن ليه .. كل البفكر فيه بس انه وحشنى و وحشتنى القاعده معاه ..

بقالى كام يوم بسمع اخبار مفزعه ..!!!

معتبره خالو مسافر و بصبر نفسى .. بس المشكله ان اللى بيسافر بنعرف نكلمه نطمن عليه و نسمع صوته ..

مفيش احلى من انى اصحى يوم الجمعه على حِلم فيه خالو 🤍🤍🤍