ودي انه واقفٍ بيني وبينك شي مثل الصده ومثل الكرامة تختبر فيها غلاتك من حنينك والبلا انها حاجةٍ لين القيامة سورٍ لو اهدمه ماصافح يدينك وطين لو أشكله ماعاد قامه

من علم الصبح يشرق فيك ويسافر من علم الروح تستاحشني بدونك ؟

ما بين الدروب اللي تزعلك رايح جاي أشوف الليالي تسرقك .. ما معي حيله ما عمري شعرت بكسري وجيتك من أقصاي ولا أحتجت لك كثر أحتياجي لك الليله أناديك وأعلّق على نبرتك .. رجواي ويطيح الرجاء وأرجع على شانك أشيله يا كثر الكلام ولو معي في جروحي راي ما ضاع الكلام وضاعت أغلى محاصيله

وأما عنيّ ؟ فأنا للحين أقول إني معاد أحن وأدور لي عذر وأسباب .. ولا أدري كيف أبرر رجفة إيديني ودمعاتي

سامح الله كل غالي ما حشم قيمة غلاه ماحفظ بالودّ قدري ولا عرف حقي عليه

لاتحسبين الشتاء والبرد يطفي اللهب إلا لياليه حدها مثل حدّ السيوف إنَّ كان صيفك معلمك السفر والطرب انا الشتاء موعد أحزاني يجوني ضيوف كانت تمر الفصَّول بدون صوت وصخب ما كنت اميّز ملامحها ولا كنت اشوف اللي عرفته في فصل الصيف نجني عنب ولا جاء الشتاء ثوبي الأبيض ابدله صوف

حتى مواعيدنا لو ما تتم ما تموت أنتِ كريمة جفا - وأنا كريم إنتظار

رجعت بمركب أشواقي وأدور للوصال ضفاف وصلت وما لقيت إلا منافي ما بها رحمة أجي فيني عتب يجرح حنيني والسنين عجاف وأروح وما معي غير الوله في رحلة الظلمه

لوحة نهاية الطريق تجدّد الجرح العميق من يقنع الصدر الحزين إن الليالي زايله؟

يامعذبك وانت تهب حتى مع الأنسام ويامقساك وانت تغرب الشخص ببلاده أشوفك وطن وتشوفني رحلة إستجمام واشوفك عمر وسنين ماهيب منعاده

لو ما جابك حنين لا تجيبك لي ظروف لو نزف صدري أنين ماعلى مثلك حسوف

أبيع العمر كله / و أبيع الصبر واليأس على الوصل لو قسمي من مواصله ساعه

لدي ما يكفي من الذكريات لأشرب قهوتي وحدي في مقهى يظنه الجميع فارغا / لكنه يغص بالغائيين

الهوى جاب الغلا والهوى ودا وأنت وجروح الزمن بالحشا خشره

الطيب يا راعي المشاريه ما فاد بعض الوصل والودّ والجود تبذير من لا يقدّرني على روس الأشهاد لا ينتظر منّي حشيمه وتقدير اللي قطع لي درب بقطع له بلاد واللي بدا الجفوه عليه المعاذير

ليت كل غايب / مطر

ما عاد تغريني كثير الثناءات حتى ولو قالو غرور وتعالي انا الفلك والناس حولي مدارات تشوف عز نفوسها من خلالي وشلون تعكسني عيون المرايات وانا اربعيني ما تعدوا ظلالي

إن عجزت أحط في كفك بناجر مستحيل أحط في صدرك غبينه

حبيبي عسى ماباقي بذاكرتك ايام انا نهايتي مع ذكرياتك من الليله قدرت اتخطى من تعلقت فيه العام عسى الفايت من العمر فدوة مقابيله اثر نفسي ان طابت من الوصل ماتنلام واثر عيني اليا عافتك مالها حيله ماتلحق جزا صبري على ضيعة الاحلام ولا دمعي اللي طاح تاصل مواصيله

كل عام وأنت العيّد وأنا السعيد به