أكتر حاجة مُرعبة بالنسبالي فى الدنيا دي، تغير المشاعر، فكرة أن الأيام تاخد أقرب ناس وتخليهم الأبعد، أنا بتأخر جدًا على ما بستوعبها، حتى لما ببعد بفضل مش مصدق أحنا إزاي بقينا كده، هما دول اللى كنا بنضحك ونحزن ونشتكي معاهم؟! بشعة فكرة أن القريبين مننا يبقوا أغراب فى يوم.

عارفين أسوأ حاجه ممكن تحصل لحد ايه؟ إنه يتحول من شخص روحه خفيفه وبيتكلم ويهزر لشخص فاقد الشغف مطفي مبيكلمش حد وبيحاول يعدى اليوم في هدوء وبس .

قصاد عيني _عمرو دياب 2004 🖤

اكتر حاجه بتاكدلي ان ربنا بيحبني وجود ماما في حياتي ، وانها هي امي انا بدون اختيار ولا تدخل مني ، حقيقي دي اكبر نعمه من ربنا عليا واكتر حاجه بتطبطب عليا وبتصبرني مهما خسرت يا أمي فانا لسه عندي انتي ❤️

مستني منك معجزه تغير حياتي ، فرحني

من فترة اكتشفت إن الإنسان ممكن ميكونش أتخطى حاجات كتير هو قال وأعترف إنه تخطاها خلاص وإن they still hurt you عادي..

أنا حاسس بعدم حب من كُل اللي حواليا ، عايز انسحب من كُل العلاقات اللي فِ حياتي واعيش لوحدي فِ سلام من غير ما يلازمني اي شعور وحش زي ده لانه ملازمني بقاله فترة ومزعلني من الكل.

عدى عليا فترة ف حياتي مرجعتش زي الأول تاني من ساعتها .

في عيد صليبك إدينا القدرة نشيل صليبنا بصبر ونشوف قيامتنا من ليل تجاربنا القاسية🙏🏻♥️

أنا فى الأيام دي مفيش جوايا غير هي أمنيه من ربنا إنه يعوضني عن كل حاجه خسرتها وأي حد خد من روحي ومشي ، عن كل حلم حلمت بيه وماتحققتش لأي سبب كان ، عن الخذلان اللي اتعرضتله من اقرب ناس ليا، عن عشمي اللي ماكنش في محله في ناس كتير ، الحمدلله. ومحتاج فعلا ربنا يريح بالي ويراضيني.

الواحد مابقاش مصدق ولا متخيل إن الناس اللي في الـ memories هي نفس الناس اللي ماعرفش عنهم حاجة دلوقتي!

قررت أسيب الناس اللي في حياتي على راحتها، هتسأل عليّا هَرد عليك، مش هتسأل مش هلومك، هتقرّب مني هتنور، هتبعد إنتَ حُر، هتحب تقعُد معايا يا أهلًا وسهلًا، هتتهرّب يبقى بشوقك؛ والحقيقة أنا شايف إن دا واحد من أعظم قراراتي اللي خدتها مؤخرًا، وبكدا هوفّر على نفسي مجهود العِتاب والجِدال.

تخيل يكون فِ حد ف حياتك معاك خطوة بخطوة، عارف أنك صحيت، فطرت، نزلت شُغلك أو كُليتك، مبسوط، زعلان،مرتاح، بتحكي لُه مشاعرك بكُل حُرية وراحة،حاسس أنكوا سوا دايمًا حتى لو مش مع بعض فِ نفس المكان، حد يكون حافظك وفاهمك وبيعذرك فِ أي حاجة، عارف امتى يطبطب وأمتى ينصح ويعنف، شخص يكون أنتَ

انا محتاج صدفة واحده من الصدف اللي بتشقلب حياه الواحد .

دايمًا بشوف ان الفيديوهات فيها روح واجمل بكتير من الصور في توثيق اللحظات والذكريات بجد .

انا فاقد الثقه فكل حاجه حوليا.

انا لو رجع بيا الزمن تانى في حاجات كتير مكنتش هعملها، ف ناس كنت اتمنى مقابلهمش فى حياتى او يكون بينا اى تعامل، ف صدف كنت اتمنى انها متحصلش ودعوات كتير كنت بدعيها بلهفه مكنتش هدعيها من الاساس، مكنتش هتعشم ف حد، وكنت هفكر ف حاجات كتير قبل ما اعملها بتلقائيه وحُسن نيه.

🙏🏻