فنانه في تحويل أي حد اعرفه لأباچوره بمُجرد ما أحس إنه ميستاهلش

بحب اليوم اللي بكون فيه مشغولة ومعنديش وقت لدماغي.

مساء الخير اياك تدي اجابة مباشرة لسؤال غير مباشر اللي بدأ متاهة خليه يكملها متريحش اللي مش عاوز يريحك

بكلمكوا بجد والله انا بحب اعمل أي حاجة محدش موافق عليها غيري

مشكلتي في العلاقات اني دايما بحس اني مرفوضة من اللي حواليا، باخد بالي من كل تصرف صغير او كبير وبضخم الموضوع في دماغي واحس ان مش مرغوب فيا مع ان بيكون هما تصرفهم عادي او مش زي ما انا فكرت وده بيفسر ليه انا مبعمرش مع حد

مبسوطه اني بقيت اعرف اقول لا ع اي وضع مش مريحني ومش بجبر نفسي اكمل في حاجه مش حباها

أنا عايشة بتحايل علي نفسي طول الوقت بتحايل عليا أقوم من النوم ، بعدين أتحايل عليها ننزل ندور علي مستقبلنا ، وأتحايل عليها تضحك في وش الناس ، وأتحايل عليها تتعامل أصلاً مع الناس ، وأتحايل عليها تاكل ، وأتحايل عليها تبطل تفكير ، وبعد طول اليوم بتحايل عليها ترحمني وتنام

لو حد شاف كمية التشتت اللي أنا فيها واللغبطة هيعيط ع اللي دماغي عملاه فيا والله

خلاص يا فترة ده انتي صعبة جداً

عايزه اعيط والله بجد كل حاجه صعبه وأنا مش قدها

" الحقيقه ال كلنا لازم نكون واخدين بالنا منها دايماً إننا مهما عملنا هنرجع لنقطة الصفر من تاني ..

بقت ملعبكه أوي يارب ويمكن كمان تكون عايزه معجزه بس إنت كريم وهتحلها برحمتك.

هتعدي زي اللي عدت قبلها افتكر كام مره كنت فاكر انها مش هتعدي ولقيتها عدت وبقت فل وكام يوم قولت النهار مش هيطلع وطلع ورجعت تاني واحسن مترهقش نفسك في التفكير هون على نفسك ومهما يطول الليل النهار جاي مستحيل ربنا هيسيبك حتي لو انت شايف نفسك متستحقش سبحانه الكريم المعطي ❤️

مفيش أحلى من لحظة ادخالك لشخص جديد في منظومةالسند اللي انت خالقها لنفسك وبعد ما تكون فاكر إن سندك مش هيتضاف له حد جديد تلاقي حد اتسحب واثبتلك في كذا موقف إنه سند وسندحقيقي ورغم إنك مش بتصدق إن فيه سندجديد لكن هو بيصمم في كل موقف إنه فرد حقيقي من دايرةسندك اللي تعتمدعليهاوانت مغمض

"الحياة مفيهاش ضمانات، مفيش ضمانات لأى نتايج، لأى استمرارية، لأى نجاح .. بس لازم نتحرك ونجرب ونحاول"

ربنا يهون على قلب أى حد بيقضى العيد فى غياب حد عزيز عليه كان بيدى لعيده معنى اللهم ارحم موتانا واجمعنا بيهم فى فردوسك الأعلى ..

انت لو مكنتش نجحت مكنتش هتبقي مضغوط كده.. الضغط اللي انت حاسس بيه دلوقتي ومضايقك "امتياز حصري" اللي بيحس بالضغط هو الشخص اللي يُعتمد عليه .. شخص التوقعات فيه كبيره .. شخص وجوده ليه قيمة .. شخص عنده هدف وطموح يعني ببساطة لو لقيت نفسك مش تحت الضغط.. اعرف انك ملكش لازمه

ياليتني مُت قبل هذا وكُنت نسيّا مَنسيًَّا لله الأمر من قبل ومن بعد