دي الحلوة في صباحها الشمس بتستنى تطل ب طلتها وتخرج من بيتها علشان نتغنى بعينيها العسلي وبالبسمة اياها ... نتهنى طب أقول ايه .. دا نعيم قربها يشبه تمام نعيم الجنة. 💚 محمد شوقي

طب دا العيون لو تدارى عسلية والعيون لو تبان برضو عسلية وراحة القلب مش في المِدارية راحة القلب في قربها ... هيَّ 💙 محمد شوقي

صحيح.. دا اليوم مكنش ليه معنى ولا أي جميل فيه كان تبعنا ورغم كُتر العيون حوالينا مفيش غير عينيك قدرت تِسَعنا ياريت تكون سامعنا! 💙 محمد شوقي

تصدق.. شوفت جمال قلبها في عينيها وحُسن دلالها اللي لايق بس عليها والعينين العسلي إيّاهم سبحان من حلّاهم .. وخلّاهم عنوان الجمال ليها. 💙 محمد شوقي

من وسط الكُل... هيَّ عندي الكُل كل الناس نهارها كان عادي وانا اللي نهاري بيها فُل فصباح النور عليكي .. وعلى نظرة بخطفها ليكي وصباح النور على البسمة...تسألها ان كانت عاوزة أجيبلك الدنيا ف إيديكي .. وتفضل العسلية عينيكي برقتها عليّا تطُل .. ..أصل هيَّ عندي الكُل 💙 محمد شوقي

مساء الخير.. "قد جرت سنة الله التي لا تبديل لها أن من آثر مرضاة الخلق على مرضاته: أن يسخط عليه من آثر رضاه ويخذله من جهته ويجعل محنته على يديه فيعود حامده ذاماً، هذا مع أن رضا الخلق: لا مقدور ولا مأمور ولا مأثور فهو مستحيل. فلا صلاح للنفس إلا بإيثار رضا ربها ومولاها على غيره."

حابب أكتب عنها... عن شمس ضحكتها عن ان القلوب كلها بتروّح مع أصحابها وقلبي انا.. بتاخده معاها بيتها ..

وَرِزقُكَ لَيسَ يُنقِصُهُ التَأَنّي وَلَيسَ يَزيدُ في الرِزقِ العَناءُ وَلا حُزنٌ يَدومُ وَلا سُرورٌ وَلا بُؤسٌ عَلَيكَ وَلا رَخاءُ إِذا ما كُنتَ ذا قَلبٍ قَنوعٍ فَأَنتَ وَمالِكُ الدُنيا سَواءُ ,الإمام الشافعي

مساء الخير.. قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " إِنَّكُمْ لَنْ تَسَعُوا النَّاسَ بِأَمْوَالِكُمْ ، وَلَكِنْ يَسَعُهُمْ مِنْكُمْ بَسْطُ الْوَجْهِ وَحُسْنُ الْخُلُقِ " ❤️

وبحب قُربها وبحب وصلها .. وبتطمن كدا للدنيا .. من جمال قلبها صحيح دا جنبي يدوب.. الجَنة بعيدة خطوتين الجَنة هيَّ ... في ضحكة عينيها الاتنين 💙 ,محمد شوقي

لحد ما شوفتها .. كل همومي راحت لما قرب قلبها 💙

"لقد حان وقت اللقاء بروح الروح في الجنة!"..