قطعت الرجا من يوم برق الموادع لاح وغدت كل حاجة ما تبكي تبكيني على اللي برى حالي غيابه وسدّي باح أكابر وازيف ضحكتي والبلا فيني طواريه تاخذ بي على سيرته مشواح على شوفته وحكاه ما عاد يمديني عطاني علومه كل أبوها ورحت وراح ولاطحت من عينه ولا طاح من عيني

الإبّل حبها غير للقلب الشغوف حيّ من يتبع هواها ويعرف ودّها

فيك من وصف وضحاً من بنات الفحل طاغيٍ زينها من عقب طلعة سهيل همسة شفاك قطعه من خلية نحل وضحكتك حلم عمر وهرجتك سلسبيل مثل ما ضاع فالسود الوساع الكحل ضعت بين المعنق والنحر والجديل

كل الفقد يهوُن عند فقد المُوت اللي لا صدفه ولا شي ممكن يجمعك بهالشخص هذا الفقد هو اللي يخلي الشخص يوصل مرحلة “يكاد يشق صدره حنينه“ — أعان الله كل شخص فقد له شخص غالي

والسبب قلبٍ تولع في حب معلقّه شرّها تلقاه وعلاجها ما ينلقّا شبه وضحاً ذاهنٍ وجهها ومذلقّه في طرفها ترخص النفس في يوم اللقا

ياحبيبي وش الي فيك ماهو بزين؟ وانت سيّد مغن الزين عادك نما لاجلك احوّل الشعار متذوقين لو غدى في ذوايقهم غرور زعماء اعتبر من يقول أن فيه منك اربعين يا ردي عقل ولّا في عيونه عمى أنت مالله خلق منّك سوا نسختين نسخةٍ فوق الارض ونسخةٍ فالسماء

عن طلب الاهتمام ، يقول سعد علوش : عزت علي نفسي وأنا أطلب وصالك أسكت ولو ماني على الوضع راضي لاصرت تنساني بـ وقت انشغالـك مابيك تذكرني إذا صرت فـاضـي

مساءالخير لكل فاقد شغف، أمّا بعد: لا مات الشغف في الآدمي كل شيٍ مات حتى اغلى طموحاته مع الوقت يهملها

اللهم نوّر قبور من رحلوا إليك في جنةٍ لا يفنى نعيمها اللهم ارحم امواتنا وطيّب قبورهم وارفع مقامهم واجعلهم في الفردوس الأعلى

وراك يانور الجماعه تغیبت خليت خلانك ورحت لخوالك وأنا قعدت أرجيك سبتٍ ورا سبت عندي علومٍ مابعد قلتها لك أحب شكلك دامني مابعد تبت اسلوبك وسلمك وفايق جمالك ياغصن ریحانٍ كسا عوده النبت عوّد وجامل جمل الله حالك

الوجيه الكاشفه واجد ولا فيها ملامح الملامح كلها في وجهش اللي تسترينه - صالح النشيرا .

أنتي والله اللي مرحبا يا أم وجه زين مع أنش على جرح المشاعر تفننتي ملامح جمالش الاولّه شفتها ذلحين وحفظت الوعد وأنتي وعدتيني وخنتي لو إني بخونش عقب ما كثروا الغاويّن ما دخلتش التاريخ وأنتي سميت بنتي تلاقينها من وين ولا تجيش منين من الغطرسة ومن الجفى ويش عيّنتي

من كثر ماكنت قاسي انا اشوفك سموح كل حاجه منك شينه .. انا جملّتها حتى تلويحتك يومك توادعني وتروح انت ما لوّحت لكن انا اتخيّلتها - سعد علوش

الناس من بعدك هلا وأنت لبّيه الحاضر أنت وماضي الناس ماضي

اكيد لله حكمة في شعوري اكيد لابد بعد السحايب مايهل المطر مابين قلبً خجول .. وبين عقلً عنيد ان ما تمشيت فوق الشوك دست الجمر مكتوب ليّ أتامل وأنبهر من بعيد ما أقدر اوصلك و لا اقدر أصد البصر مابيننا غير قصه من خيال و قصيد بالضبط مثل البني ادم وضي القمر

اتثيقل وهي تقدر تسوي سواتي بس تبغي تهز الثقل كله برنّه وأقبلت عودها ريان والريح عاتي واللقى عقب طول الوصل لابد عنه خدها فيه مرباع ومصيف ومشاتي ولون تفاح ولا مدري ويش كنّه ادري ان قلبي اخضر بس شكله نباتي يعشق النبت فاكهته وهيله وبنّه

🐪

الوصل ذاك يلزم لزمة العاني لا تحسب ٍالجفى بيمس له هيبه كن الغلا يوم جاه الموت وصاني ماينطحك في رجوعك كون ترحيبه ترجع وارحب وتتركني وتنساني وصلك مصيبة غرام وبعدك مصيبه على كثر من تركني قبلك وجاني يبقى رجوعك رجوع وغيبتك غيبه

يوم أعلّق على جيد المها سلسال كنت أبيها تسامحني على الغيبة جادلٍ بين غمّازة، وحبّة خال تطرح اللي يهوز الصعب ويجيبه طبعها لا أقبلت بـ الغطرسة تختال تسلب الروح — وليا راحت مصيبة / خايف إنها تخلّيني.. وأنا رجال ما يعرف التخلّي عن مطاليبه