الصاحب اللي ينصحك لا تمله هو راس مالك فـ الليال المعاسير واللي يخاف العيب ويراقب الله احرص على خوته كانك تبي الخير واحفظ لسانك لا يجي منك زلة تندم بيوم ٍما تفيده معاذير وابعد عن دروب الردىٰ والمذلة فوق ٍ على ذنبك هموم ومخاسير

احذر تصك الباب في وجه من جاك واحذر تبيع إنسان بالوقت شاريك ﻻتحقر اللي بالليالي يبي رضاك ولا تشري اللي بالزمن مايدانيك

اما تسابقني على العز والطيب والا معي يا صاحبي لا تردى فلا تدوّر من ،، ورانا عذاريب حنا نشوف أهل الردى وانتعدى !

اللهم إرحم نفوسا كانت تتشوق لصوم رمضان وهي اليوم تحت الثرى اللهم برد عليهم قبورهم وٲفتح لهم ٲبواب تهب منها نسائم الجنه

ماني على درب المقفين مجبور لا حبهم سُنه ولا وصلَهم فَرض .

الصاحب الطيب لو يغيب يومــــين اشفــــق على شــوفته واضـيق جدا ولا الـــردي اللي افعــوله بوجــهين فــــي ذمــــتي ماقــدره لـو تفــــدا

احـلـم بمـا شئـت فـ الله لايخـذل مـن آمـن بـه🤍

ماشلت بخاطري على اي مخلوق وترا الدنيا بكبرها على يوم بخليها

اللي يتغلى عليك دوسه العمر واحد و المزاين ملاين.

لاصرت واقف ياكثر من يخاويك وان طحت يمكن مابهم من يمرك احفظ معاريفك مع اللي يصافيك ويبين معروفك عليه و يبرك واحذر تكبر ف الاوادم هقاويك كبر الهقاوي في زمنا يضرك

لا طالت الخوّه تبين العذاريب وتعرف قراح البير والا هماجه ابعد عن اللي لا زعل ينكر الطيب اللي تقلّب عشرته مع مزاجه أن راق رقّاها طوال المراقيب وأن ضاق ضيّقها على أدناة حاجه

الا ياصاحبي الرفقة ماهي ثياب إجداد تبدلها متى مليت وتلبس غيرها ثاني

نقدم على رق المصاعب مانهيب ونموت ماتاطا لنا الدنيا طرف...

يالله انا طالبك ياسامع الصوت يامن خلقت الخلق لجل العباده ترزقني التوبه قبل ساعه الموت ومن قبل نزع الروح نطق الشهاده

تبي تزين الامـــور وينشرح صدرك العسر بعده يســـر لو طالت المدّه

تزين الليال المقبلة غصب ولا طيب ليا خاب ظني بالبشر محسنه بالله .

يالله عساني لا تعثرت ما أطيح قدام من هو يستلذ إنكساري .

عزالله اني على بعض الاوادم حريص احرص على الطيّب الوافي عزيز النبا وبعض الاوادم لا غالي ولاهو رخيص ان مر يامرحبا ، وان راح يامرحبا .

ما سكت إلا وانا داري من اكون وصمتي لحاله رماحه صايبه .

علمتنا المواقف ، و الأمور الثقال للسوالف وجيه ، وللشدايد وجيه .