امانة لا تجي خل الجروح تطيب انا عايف بحرك ... بجزره و مدّه و انا ما كنت قد الشوق يوم اغيب و لكن غبت عنك ، و هذا انا قده

اعتبرنيّ درب طويل وفاتك قطاره درب مشيته وصديت مره و مرات و بعتبرك ليل مظلم واشرق نهاره ولا تجيني ما عاد ابي منك جيات

مستحيل ارجع لنفس الدرب و اعيد الحسايف ما بقى لرضاك اهمية و لاسئلتك اجابه من يرد الرغبه لقلبي بعد ماصار عايف كنه يرد المطر لا صب في وسط السحابه مانت خايف من جفاي المر ابد لو كنت خايف ماتركت الصوت في درب الصدا يفقد صوابه

على هامش الذكرى وقفت أناظر اللي فات لقيت أجمل أيام العمر أصبحت ماضي !

ما بين قمة شموخي وإنكساراتي أعذار ما أحبها وما أحب طاريها مانيب خابر قناعه من قناعاتي أمنت فيها قبل لا أنجرح فيها ما فيه عندي مشاكل مع معاناتي جروحي قدام وأعرفها بأساميها

كنت الجريح اللي غيابه غدابي والحين ماكني سوى مذنب وتاب

ترا خاطري عافك وقلبي نساك لا تحسبني بضيّع عمري اتبعك كفاية عمري اللي ضيعته معاك دربً خذاك عساه ما يرجعك

اعتلي يانفس واعقل ياخفوق وارقدي ياعين وارحل ياهوى بنصحك ياقلب لايطويك شوق روحته مع جيته عندي سوى من يحطك تحت لاتعليه فوق ومن يحطك فوق يبشر لانوى الكرامة مايوطيها امخلوق والنجم لاطاح قالوله هوى

يا مرتبط في كل جرح .. من الجروح مثل ارتباط الحزن فالصوت الشجي قد انتهى الحلم وقد اغتيل الطموح وأنا ماجيت امدح .. ولا جيت آهجي حتى لو تشوف التفاصيل بـ وضوح لا تكبر الرجوى .. بـ عين المرتجي من كثر ما اتعبني شعور إنك تروح ما عاد يسعدني شعور .. إنك تجي

تبغى تتعبني عيال الاباليس وقررت اجننها .. لين استجنت اطلع لها فـ النوم مثل الكوابيس ولا صحت من نومها .. ما تهنت

لا أحب الشماته .. ولكن تعجبني الدنيا عندما تدور !

ما على الرخيص حسافه .

جيت لاكن كل شي حلاته .. بأوله للأسف ماينفع العذر مهما يحتوي وشتبي بالخاطر الي سلى عنك ودله شاف ماعاف وطوى صفحة الماضي طوي انت رحت من اللعانه وجيت من الوله ارتفعت ونزلك واحدن حييله .. قوي

يشبه رجوعك بعد ماغبت وابطيت توبه بعد ماتطلع الشمس من غرب

عسانا لا خسرنا مانخسر الا ضعيف الراس وعسانا لا ربحنا نربح اللي ذايعن صيته

أحيان احس اني فريد بزماني مافيه دربَّ شدني مامشيته واحيان احس اني وحيد بمكاني يموت في صدري كلامٍ ماشكيته

اللي تركنا والليالي تساهيل بترجعه سودّ الليالي علينا ..

من صد صديت لو هو بالغلا كايف ومن راح جعله مراح الطير لا رفرف

لا صار قول الحق أكبر فشيله قل للردي مبروك هذا زمانك

شي ماجا بالرضا مايجي بلوي الذراع لو قعدت العمر كله بلا اصحاب و وليف الهزيمه في عيوني وانا ادري اني شجاع افضل من الفوز عندي وانا ادري اني ضعيف .