Guverineri Dushimimana Lambert ari kumwe n'Abayobozi b'Uturere ari gukorana ikiganiro n'abanyamakuru batandukanye bakorera mu Ntara. Ni nyuma y'uko aba banyamakuru basuye ibikorwa bitandukanye byagezweho mu Turere tugize Intara.

Itsinda ry'abagize Komite ishinzwe imicungire y'imishinga (DPMC) bayobowe na Visi Meya ushinzwe iterambere ry'ubukungu, Bwana Habanabakize Jean Claude basuye ibikorwa(imishinga) bitandukanye mu Murenge wa Shyira, hagamijwe gutanga inama zo kwihutisha ibikorwa.

Mu rwego rwo kurebera hamwe uko amadini n'amatorero bagira uruhare mu kurwanya imirire mibi,kuganira ku byo bagezeho ku bufatanye na #GikurirokuriBose ,hateranye inama y'imikoranire iyoborwa na Visi Meya ushinzwe imibereho y'abaturage, SIMPENZWE; aho biyemeje kugaragaza imihigo.

Itsinda riturutse Rwanda Agriculture & Animal Resources Devpt Board riyobowe na Solange Uwituze,Umuyobozi mukuru ushinzwe iterambere ry'ubworozi n'iriturutse International Fund for Agricultural Development baje kureba ibikorwa byatewe inkunga na PRISM,nyuma y'inama basuye ibikorwa by'ubworozi.Hari Visi Meya ushinzwe imibereho y'abaturage, SIMPENZWE

Muri uru ruzinduko habaye umwanya wo kuganiriza abayobozi batandukanye, abafatanyabikorwa n'abaturage, babona umwanya wo kugaragaza ibyishimo bafitiye ibikaze gukorwa mu myaka 30.
Ministry of Local Government | Rwanda
Western Province I Rwanda

Itsinda riturutse kuri Western Province I Rwanda hamwe n'abanyamakuru batandukanye basuye bimwe mu bikorwa bimaze kugerwaho mu Karere; Imihanda ya Gishwati, Ikaragiro rya Mukamira, Umudugudu w'icyitegererezo wa Bihinga.. Bakiriwe na Visi Meya ushinzwe iterambere ry'ubukungu, HABANABAKIZE Jean Claude.

Umuyobozi w'Akarere wungirije ushinzwe iterambere ry'ubukungu, Habanabakize Jean Claude yayoboye inama yahuje ubuyobozi bw'Akarere n'Ikigo cy'Igihugu gishinzwe amakoperative mu rwego rwo gutangiza ihuriro ry'amakoperative mu Karere, hatanzwe ibiganiro, hatorwa Komite Nyobozi.

Mu mikino isoza amarushanwa Umurenge Kagame Cup 2024 ku rwego rw'Igihugu, UWAYEHOVA RUTH wo mu Murenge wa #Rambura , Akarere ka Nyabihu District aho yari ahagarariye Intara y'Uburengerazuba yatsinze ku mwanya wa mbere muri 100m aza ku mwanya wa 4 muri 400m mu mukino wo kwiruka…

Mu gusoza amarushanwa #UmurengeKagameCup2024 , ku rwego rw'Igihugu, umukino wo kwiruka n'amaguru(Athlétisme), uhagarariye Western Province I Rwanda, Uwayehova Ruth wo mu Murenge wa Rambura, Akarere ka #Nyabihu , yatsinze ku mwanya wa mbere muri 100m no ku mwanya wa kane muri 400m.

Minisitiri J Claude Musabyimana na Usta Kaitesi, umuyobozi w'Urwego rw'Igihugu rw'Imiyoborere batangije imikino y'umunsi wa nyuma wa #UmurengeKagameCup2024 irimo kubera mu Karere ka Rubavu.

Kuri iki gicamunsi, Minisitiri wa Ministry in charge of Emergency Management, Rtd Maj.Gen Murasira Albert ari kumwe na Guverineri Dushimimana Lambert yakoranye inama n'abayobozi b'Uturere mu rwego rwo kurebera hamwe uko biteguye gukumira no gutabara abashobora guhura n'ibiza.

Kuri uyu wa Gatanu, Guverineri Dushimimana Lambert ari kumwe n'abagize inama y'umutekano itaguye y'Intara yakoranye inama n'ubuyobozi bw'Uturere mu rwego rwo gusuzuma no kunoza inyandiko y'ibikorwa biteganywa n'Uturere muri gahunda y'iterambere y'imyaka itanu (DDS), 2024-2025.

Mu Murenge wa Shyira hatangirijwe igikorwa cy'ubukangurambaga bwo kurwanya ihohoterwa rikorerwa mu ngo,cyateguwe ku bufatanye bw'Akarere na #GikurirokuriBose , hatanzwe ubutumwa bugamije gufasha abaturage kwirinda ihohoterwa mu ngo,hapimwe indwara zitandura,ubujyanama mu mategeko

Umuyobozi w'Akarere, Mme Mukandayisenga Antoinette yayoboye inama Command Post yo kugumira no kurwanya ibiza, hemezwa ko Command Posts zigomba gukora kuva ku Karere kugera ku Mirenge kandi zikongererwa ubushobozi, kureba ibikenewe ahatujwe abagizweho ingaruka n'ibiza...

Mu mpera z'iki cyumweru haraba imikino ya nyuma y’ #UmurengeKagameCup2024 , izabera mu Turere twa Rubavu District na Musanze District.

Uzaze wihere ijisho iyi mikino igamije kwimakaza ihame ry'imiyoborere myiza mu Rwanda.

#UmuturageKuIsonga

Umuganda rusange usoza ukwezi kwa Mata 2024 wakorewe mu Mirenge yose y'Akarere, ku rwego rw'Akarere wakorewe mu Murenge wa Muringa witabirwa na Meya, Mukandayisenga Antoinette; wibanze ku bikorwa byo kurwanya isuri. Nyuma y'umuganda abitabiriye baganirijwe kuri gahunda za Leta.

Nyuma y'urugendo rwo kwibuka kuva kuri GS Rega Catholique rwerekeza kuri monument ya Cyambara, ubuhamya n'ubutumwa butandukanye no gushyira indabo ku rwibutso rushyinguwemo imibiri y'inzirakarengane zazize Jenoside yakorewe abatutsi mu 1994, habayeho koroza abarokotse Jenoside.

Ku rwibutso rwa Cyambara ruherereye mu Murenge wa Bigogwe, Akarere ka #Nyabihu habereye igikorwa cyo kwibuka ku nshuro ya 30 Jenoside yakorewe abatutsi mu 1994. Igikorwa cyitabiriwe n'Umuyobozi w'Akarere, Madamu Mukandayisenga Antoinette.
#Kwibuka30
Twibuke twiyubaka.

Minisitiri wa Ministry of Local Government | Rwanda, J Claude Musabyimana ari kumwe na Guverineri Dushimimana Lambert, abagize inama y'umutekano itaguye y'Intara yakoranye inama n'abagize Komite Nyobozi z'Uturere, ahaganiriwe ku ishyirwa mu bikorwa ry'imihigo 2023-2024, itangwa ry'amasoko ndetse n'umutekano.

Igikorwa cyaranzwe no kumva ubuhamya kuri Jenoside yakorewe abatutsi mu 1994 n'ubutumwa bwo kwibuka mu biganiro no mu ndirimbo,gushyingura mu cyubahiro imibiri 51 y'inzirakarengane zazize Jenoside yabonetse,gushyira indabo ku rwibutso no kunamira inzirakarengane zazize Jenoside.