Ibikorwa bikubiye muri iyi gahunda y'iterambere rirambye ry'Akarere bitegurwa abaturage babigizemo uruhare aho babanza kubazwa ibyo bifuza mu iterambere ryabo n'agace batuyemo. Bimwe mu byifuzo byatanzwe harimo kugezwaho amazi n'amashanyarazi, gutunganya imihanda...

Kuri uyu wa Gatanu,muri Rubavu District hari kubera inama isuzumira hamwe ibikorwa bigari bizaba bikubiye muri gahunda y'iterambere rirambye ry'Akarere y'imyaka 5(2024-2029). Iyi nama iyobowe na Guverineri Dushimimana Lambert yitabiriwe n'abayobozi b'Uturere ndetse n'abafatanyabikorwa

Umuyobozi w’Akarere wungirije ushinzwe Imibereho Myiza, ayoboye inama mpuzabikorwa ya Isange One Stop Center; ku mikorere yayo, gufata ingamba zo kunoza imitangire ya serivisi zihabwa abahohotewe, gukemura ibibazo byaba bihari no gukorera ubuvugizi ibyakemurwa n'izindi nzego.

Ubutumire mu gikorwa cyo #Kwibuka30 abacu bazize Jenoside yakorewe Abatutsi mu 1994 by'umwihariko abari abakozi n'abanyeshuri b'ibyahoze ari ETO Kibuye na EAFO Nyamishaba ndetse n'Abatutsi bahiciwe bahahungiye

Igihe bizabera: Ku wa 15/04/2024 saa 10h00.

Twibuke twiyubaka.

Gushyira urwibutso rwa Jenoside yakorewe Abatutsi mu murage w'Isi wa UNESCO 🏛️ #Education #Sciences #Culture 🇺🇳 bifite igisobanuro kinini ku butwari bwaranze Abasesero.

Ubuyobozi bw’Akarere ka Karongi, bwagiranye ibiganiro n’Ingabo z’u Rwanda, Polisi y’Igihugu, abagize inama y’umutekano y’Akarere itaguye n’Ibitaro Bikuru bya Kibuye, ku bijyanye no gusuzuma no kuvura abarwayi indwara zitandukanye, bizakorwa n'Ingabo z'u Rwanda, muri ibyo Bitaro.

Mu karere ka Karongi hatangijwe ku mugaragaro, umushinga w’umuryango Hope for Single Mothers with Disability, aho abangavu bafite ubumuga babyariye iwabo bazigishwa; serivisi z’ubuzima bw’imyororokere, ubukangurambaga ku burenganzira bwabo, kuvuga ibyababayeho no kurwanya akato.

Mu muhango wo kwibuka ku nshuro ya 30 Jenoside yakorewe Abatutsi mu 1994, wabereye mu Murenge wa Gashari, Ubuyobozi bw'Akarere ka Karongi bwasezeranyije abarokotse Jenoside yakorewe Abatutsi ko bukomeje gukora ibishoboka byose mu gushaka ibisubizo by'ibibazo bagifite. #Kwibuka30

Ku rwibutso rwa Jenoside yakorewe Abatutsi rwa Bisesero, rwamaze gushyirwa mu murage w’Isi wa UNESCO 🏛️ #Education #Sciences #Culture 🇺🇳 , guhera ku mugoroba wo kuwa 7 Mata 2024, hacanwe urumuri rw’icyizere. Urwo rumuri rubonerwa ahitegeye n’abareba muri icyo cyerekezo bari mu Rwanda no mu bihugu birukikije.

Abarokotse Jenoside yakorewe Abatutsi bo mu Karere ka Karongi, barashimira Umukuru w'Igihugu wagaruriye u Rwanda icyanga cy'ubuzima. #Kwibuka30