أنا اللي كل ما شيّدت ~ للنسيان دونك سور جرى في خافقي سيلَ الحنين الجارف وهدّه

اشمخي يا نفسي اللي كلها : عزة وأنافة لك علي إني ما أعرضك المهانة والمسبة كل ماشفت العباد اللي يعيشون بضعافة قمت أعرض راسي المرفوع للريح ومهبه فـالمذلة دايمًا عـذر الذليل يكون : تافه لو مايلقى له سبب للذل ؟ ذل بدون سبة

فضلاً عزيزي و أخي فـ الدين و المله من منطلق نصرتك مظلوم او ظالم هل تعلم إن سد فمك عن عباد الله افضل من إعمار اكبر سد فـ العالم

الظروف تفر راسي و أنا بالي طويل ما ذبلت عزوم نفسي ولا ذليتها الليالي ما عطتني سوى الشي القليل بس روحي من قليل العطا أغنيتها

ودي اسمع كل الاعداء عني وش تقول وانتظرهم لين يقضون واقول لعنه ابتلشنا بالكلام الكثير و بالخبول الله من قصر الايادي وطول الالسنه

حثال القهاوي لو تعلت مع الفوح « مصيرها تركد .. وترجع حثاله » .

أنا كل ليلة أجلس مع جنودي العشرين أضحّي بهم بـ إسراف .. واحد ورا الثاني "

للساقطه لاقط « وللطايله ذيب » وللدرب قصّاصه وللسيف سلّه وللهرج ناس وللفعايل معازيب واللي يبي درب المراجل يدّله .

لو تشوف الكل عكس الاتجاة لا تسوي شي من غير اقتناع اختـلاف الراي مفهوم الحياة واتباع الناس مفهوم الضياع

ما يلحق التقصير عزمي وباسي لكن ظروف الوقت عيّت ترفق ٰ ما عاد ابي عقل الذكي والسياسي اليوم ابي حظ الغشيم الموفق .

صدوف الليالي مابها يمكن و بعدين وسنين العُمر ماهي على كيف راعيها .

كرمتو و دمتو لو مافيكم طبوع كرام أنا حاشم سنينٍ . . من العمر مقطوعه خلاص انتهى طرد الملذّات والأحلام اشوف الصُحف جفّت والاقلام مرفوعه

لو شان وجه الزمان وشان وجه الرفيق وجيهنا يسري السّاري .. على نورها حنّا سلاطين قوم ليا نشف ( كل ريق ) نقلط مع القوم مانقلط .. على سورها

أنا أرفعك لكن أشك أنك من العلّو تهاب لأني كل ما شلتك تعوّد تطيح من عيني

تعداني الملام ولا بقى مني عتب وقصور أنا سويت كل حاجه ولا به شي بيديني فمان الله بَعَد ما كان لي داخل حياتك دور غديت اليوم ذكرى ما تبكّيك و تبكّيني عسى ربٍّ زرع لك داخلي حب وغلا وشعور يردّك وإن تعذّر يا عسى ربي ينسّيني ختام السالفة لو طال صدك يالغلا معذور مدام اللي تبقّى من

مالي هوى المقفين تبيعة الغي الي على ميل الدهر .. ميلوا الراي خل السحب تروي ظمى خافقي ريّ لاتقترب حولي ولاتطلب رضاي.

عن مسة الحاجه ومن منة الناس مانيب ادور من ورا الخلق نفعه وانكان صار العلم كايد وحساس عسى لزومي ما يولا على صفعه

ياشينها لا صرت بين إختيارات خوفي عليك ومنك سبّة ضياعي أخاف لا أبعد عنك وأدخل متاهات وأخاف لا أقرب منك تلويّ ذراعي

اذا حدتك دنياك بأنك تردى عي ترا الطيب له مضراب بين العرب ماكن يمين الكفو تصنع بطولات من لاشي ويمين الضعيف يموت ماحركت ساكن

رميت الاحلام في وجه الزمان البخيل وعزيت نفسي وعز النفس عصيانها وعن الحضور المهمش مرحبا يالرحيل ما دام تحفظ كرامة نفسي وشانها .