أنا معه بالهوى ببقى معه لين الأخير حبيت وأخترت قلبه بين كل القلوب أعمى هالعين عن غيره كني ضرير وين مالديت عيني شفته بكل الدروب ياكثر حبه بقلبي والمشاعر له كثير كن حبه شي مقدر وكنه شيٍ مكتوب "

يالعنبو عيونه تذبح بدون سلاح ما تمهل المذبوح نطق الشهادة في رمشة الأيمن سكاكين ورماح وفي رمشة الأيسر حقوق السياده

أكتب لعيونك قصيدٍ يحتويك وبيتٍ كتبته فيك يسوى قصيدة شفتي القمر وسواد ليله يضويك أنتي القمر لاضوى الديار البعيدة

انا أحبك و أحبك من صغر سني ما أبالغ ان قلت من يوم ميلادي أكبر و يكبر غلاااك اللي مجنني غصبٍ عن عيون حسادك وحسادي

اشر على ماتبي واللي تبي حاصل حتى ولو تطلب عيوني من عيوني سوق القدم صوبي الين ترقى وتاصل لقلبٍ خفق لك حب وارخصلك الكوني

وشلون ما هو بـ يطغيك الكبر والغرور وانتي لك من الوصوف الندْر ما تشتهين من كثر ما فيك من نور السماوات نور أحيان ما أصدّق إنك طين من ظهر طين أحيان أقول إنك آيه للظَّلوم الكَفور وأحيان فتنه على المسلم وسحرٌ مبين واحيان اقول ان ما انتي بنت تسعة شهور الزين هذا شويّه فيه تسعة سنين

الله خلق في وجهك المخملي صبح غطى على كل الصُباحات بالنور 🤍

دام صدري على ضيق الليالي كتوم بخيط به كل جرحٍ .. صاحبه ما درى العين صامت لكن جابت الدمع توم لين أرتوى وجهي الشاحب ووجه الثرى لابُد جرح المفارق له مع الوقت يوم يبرى ولو طالت المده وهو ما برى هذي محطة رحيل وهذي محطة قدوم وقلوبنا " ماهي للبيع والمشترى " :)

غريب اكثر من إني عايش بـ غربة وفاقد خِلّ وحيد اكثر من إني في زحام الناس وحداني َ اشوف إن المفارق مشكلة وأنت تشوفه حلّ مثل ما الحب اشوفه إنه غنى وتشوفه اغاني َ تمر احلى مواعيدي معك مثل العمر وتزل واخاف انك تجي في موعد وما عاد تلقاني !

" بين أفكار وهواجيس تشيّب الراس آخذ لي سجةٍ معها بـ عالمٍ ثاني أتجنب القاعدين معي من جلاس ويسرح بي الفكر في معظم ثواني هذا يروح وهذا يجي من الناس وأنا ماني معهم مدري وش بلاني كل من شافني قال عديم إحساس وأنا في صراعي الداخلي أعاني " .

كلّ ما مرَّت طواريك ! قلّ الاكسجين وآتعرَّض للهبايب.. وادوِّر للنفس " .

لو ينفجر صدري من الكتمان خذيت من طبع البشر درسي ودي افضفض لي على شيطان واذا خلصت اقرا آية الكرسي

كثر الله خير الايام وأحلام السنين علموني كل حاجة تبي عزم وصبر .

هقيت أنا وياه نبقى فالزمان أحباب وأثاري عشرته عيت تكمل عامها الأول

محتاج لي دربٍ مساره مستقيـم هالدرب لا بـانت نهايته .. انحنى ، اشتقت اسولف للسماء لامرّ غيم عن بهجة الخاطر ولحظات الهنى كم للسهر في محجر عيوني يهيم كم لـ الليالي تطعن شـروق المنى بالصبح اغني .. للحنين الله كريم و بالليل اغني للوصال .. الله لنا :)

خلوني أوصف حالتي في كذا بيت لعل منكم شخص يقدر يداوي في داخلي فوضى وزحمه توابيت موتى وجرحى وناس تبكي وتداوي مشغول فاضي مااحترم اي توقيت كل البشر في معجمي بالتساوي عايش على الدنيا على كف عفريت لكن بفضل الله صابر وقاوي أحيان من المسجد على طول للبيت وأحيان لا والله راعي بلاوي

ياخذهم الوقت .. وما ياخذهم الطّاري يبقـى لهم في الأماكن ضحكة وسيرة .

جعلني من ضيقة الصدر أعيّن لي مدار و الجروح اللي بـ قلبي تطيب حروقها .

"يا رب خارجني إذا خاطري طاب وأطفت رياح الياس هقوة سراجي"

وانا الهواجيس تسرح بي وتسري بي راحن بقلبي ولا ادري وين ودنه ..