تظل الأمنية الأهم عند أى إنسان سوى نفسيًا هي إنه ما يكونش الجزء الوحش في حياة أي حد أو حتى في يومه، نتمنى نكون المحطة اللطيفة اللي بيعدي عليها غيرنا بدون ما ندوس على مشاعر، أو نكسر قلوب وبعدها نتعامل عادي كإننا ماعملناش حاجة، نتمنى نبقى خُفاف، ونمر بدون ما نضر.. يارب.

جو مناسب جدًا للتذكير بعدم جواز السخط من الجو والحرارة وإننا عايشين في نِعم لا تُعد مراوح تكييفات ماية ساقعة فيه ماية نستحمى كل شوية معانا فلوس نجيب آيسكريم وحاجات ساقعة ترطب علينا اعْمَلُوا آلَ داوُدَ شُكْراً وَقَلِيلٌ مِنْ عِبادِيَ الشَّكُورُ

مش فاهمة الحقيقة ليه عبد الحليم موجه كل كلامه للحب وقلة الأدب دي! بخاف انزله حاجة والله من كتر ما بيحكي بدقة قصص في أغانيه الناس تفتكرني بعيش الحالة وأنا محدش داري بيا، جست بحب صوت عندليبو💕

حد قال جملة قدامي النهاردة.. "أول أيام السكوت آخر أيّام المحبة". وبصراحة أنا مُنبهرة من براعة التعبير، السكوت فعلًا علامة إن خلاص كده! أنا خلصت محاولاتي! والحقيقة دا شعور مؤسف للغاية.")

يا ربّ نتخرج.. في عفو وعافية، ونية خالصة غير مشوبة وصحة تامة بل وأفضل وقلب غير لاهٍ، وذنب مغفور غير مصرين عليه ودرجات حلال بغير غش، وبر بأهلنا وإسعاد لهم وإن حُوسبنا عن الأيام لا نُغبن:"))

عارفين لما تكونوا طول الوقت بتحاولوا؟ بتحاولوا تكونوا صالحين بتحاولوا تكونوا هيِّنين ليِّنين بتحاولوا تكونوا ناس مُتفهمة بتحاولوا تكونوا شاطرين بتحاولوا تكونوا صُحاب كويسين بتحاولوا تبذلوا أقصى ما عندكم في كل حاجة فكرة المحاولة نفسها صعبة والله صعبة "يارب هون علينا المُحاولة"

"ربنا ما يغيّب عنك لهفتك لأحلامك" حقيقي دي أجمل وأحن دعوة سمعتها الفترة دي.. آمين ألف مرة :))

مساء الخير؛ يارا بتسايِس نفسها علشان تُزق معاها اليوم لحد ما ييجي عند اللحظة اللي المفروض هتحط راسها على المخدة وتنام وفجأة كل حاجة تبوظ..

بحاول أفكر نفسي باستمرار إن احتمالات الحياة الجيدة بنفس رحابة احتمالاتها السيئة، لذلك إيه المانع -يا نفسي- من الطمع دايمًا في عطاء الله طالما كله عنده وبإيده؟

بحب أوي الجملة بتاعة: "إنسان لقى نفسه فيك من بعد توهانه" عشان أعتقد دي الغاية الأسمى في العلاقات، فـ عمومًا ربنا يرزقنا في عفوٍ وعافية.")

مؤخرًا بقيت أحاول أحذف جملة "الدنيا مابتديش كل حاجة" من قاموسي نهائيًا وأستبدلها بعبارة "ولعبدي ما سأل" آه عارفين إن الدنيا دار ابتلاء وفانية بكل ما فيها، ولكن خالق الدنيا أمرنا نسأله كل حوائجنا ولا نقتصد في الطلب.. سبحانه بل يداه مبسوطتان ينفق كيف يشاء!.

بصراحة بحب أبالغ في الأمل بكل أريحية لأني مؤمنة إن أمر المؤمن كله خير.. كله؟ آه كله.

مُنتظرة -بكُل شوق- أيامي تكون أحن وأحقق أحلامي والدنيا تهديني أضواء في آخر النفق."))

"أن تتزوجَ حبيب عينيك." آمين يا ربّ. "))

أن نَتشارك دِفء الشاي معًا

بحب الكلمات اللي بتصدر من الرجالة بشكل عفوي وتلقائي تمامًا؛ بتكون بمثابة شعور فوري بالأمان والحماية، كـ: هاتي اللي نفسك فيه فداكِ أنا هتصرف خدي دول خليهم معاكِ خليها عليا خليكِ عندك أنا جايلك متشيليش هم حاجة حقك عليا

لما بركز دقيقة في تفاصيل حياتي بلاقيني محفوفة بالنِعم ممتلئة بعطايا الله عز وجل، مُحرجة أشتكي والله لك الحمد في كل لحظاتي."))

الله حبيبي سنوات ضياعي كانت كثيرة بما يكفي اسألك أن تجدني برحمتك.. كي أجد نفسي."))

قاعد يتطلّع في مُخيلته لأيام جميلة مليئة بالهناء والسرور والرغد والعيش الهادئ وتحقيق الأحلام.. مُحسن الظن بربّه وصابر حتى يمل الصبر منه. مُتيقّن أن «وما ذلك على اللّٰهِ بعزيز»

يارب الخطوات الجاية تكون أسهل والطُرق تكون أوضح، يارب أجعل لنا نصيب في حياة طيبة نرضى فيها عن نفسنا وعن مجهودنا ومحاولاتنا واختياراتنا بدون تخبط أو خسائر.