خلص كل الشعور وماتت الأحلام معاد أحس بإن اللي بقى يغري قضيت ومابقى فيني سوى الأوهام سنين من العطا راحت مثل عمري أنا وحدي مع الذكرى مع الأيام أقسّمني على التخمين والـ مدري

والله لو تجلس على رمش عيني ما عاد أشوفك مثل ما كنت أشوفك احفظ لك اللي كان بينك و بيني و كرامتي ما هي رهينه ظروفك

مامشيت الا وانا عايف و عندي يقين القلوب ان ذاقت الغبن ماهيب لاينه

محبتك بس من مدة .. إلى مدة والوصل دايم على كيفك ومشهاتك دامك نويت الجفا والبعد والصده مافيه داعي تتراجع عن قراراتك إن كان جو الملل حدك على الرده " مالله خلقني عشان أملا فراغاتك "

مرفوع مقامِي عن مقام ما يجمّلني

بابٍ يساوم عزة النفس مردود محدٍ على نفسي العزيزه .. مبدا

استسهل غياب من يستسهل غيابي حتى لو انه من اوّل .. ساكنٍ صدري

لا صرت تجهل عزتيّ في برُودك تذكر إني بالقطاعة - قويّ باس

أنا أعرف أصد لكن صدتي مرّة ماهي بـ صدة ثلاث أيام وأعوّد

عاشقك دوّنك بالهجري وبالميلادي هايمٍ في حب تاريخك ومجد شعوره يا هناي المستديم وغايتي و مرادي كل عام وجيش حبك رايته منصوره

قليل اللي يميّز وأكثر العالم مع التيّار سلامي لعقلٍ يعرف الفارق من العادي

من راح جعله مايعوّد .. إليا راح ، خلّ الغشيم يلاعب الريح ، خلّه دام القلوب صحاح والخطّر صحاح ماني على ما قيل .. طرّاد ، زلّه ! ياعنْك صدري ما تضايق ولا فاح من جا محلّه ، سدّ فرجة محلّه من راح تومي به على خفّ وجْناح إكسر على فرقاه ( فنجال دلّه )

أنا على وضح النقا صنت مبداي أموت قبل أفقد مقامي وأنا حي من تزعله يمناي ترضيه يسراي ومن راح من لاشي يرجع بلا شي .

غديت اودع المقفي ولا آحب اسمع التبرير أشوف ان التفاصيل الكثيره ما لها داعي فـ انا يا اللي تظن اني بدونك ما احسن التدبير هجرتك واشتعل نور الحياه و زانت اوضاعي فلا شكراً على وقتك ولا اعذرني على التقصير انا من يوم فارقتك تلاشت معظم اوجاعي

تم إلغاء مشينا على كيفك نبي خاطرك ينساح ندوّر سِعة صدرك . . لو انها تضايقنا والآن : ما حنا على ضيقتك يا الأجودي دارين لا صارت بدون أسباب عساك ماترضى

متقلب الود . . لاتقبل معاذيره خله يذوق الجفى والويل والحره من يضمن تسامح ذنوبه وتقصيره يقدر يعيد الخطاء نفسه مية مره

ماعاد يغريني وجودك وفرقاك ان جيت وان ماجيت يامرحبا بك صرت اضحك اني كيف كنت اتحرّاك كيف المطر عندي وادور سحابك اوعدك ان رحت ماني قايل وش جاك وان جيت ماني قايلٍ وش جابـك وأوعدك ان ماجبت بالزين طرياك بالشين مااسولف بـ حضرة جنابـك

اذا العلاقة قل فيها .. الاحترام حافظ على باقي وقارك وانسحب الحب بالافعال ماهو بـ الكلام امّا كذا " والاّ نصيحة لا تحب "

فرعي يا الجادل اللي بنت بيت القصيد هل عيدك والقصايد تهلّ ابياتها كل عيدٍ من قبل لا اعرفك ماهو ب عيد انتي اللي يضحك العيد من ضحكاتها لو تزيّن كل عذراء معك ما تستفيد زينك يغطي على احياء العرب وامواتها وجهك اللي لو يمره حزين اقفى سعيد تستلذ العين وتجف من دمعاتها