اليوم وأكتر من حيلا وقت لازم الطايفة والمجتمع والمنطقة والشعب يكون موحدين يا منفاوض موحدين (ونفكر لبعيد) بمعنى مش الهدف بس ننتقم بس من حzب الله يا منطق ٦و٦ مكرر بدو يرجع يصير بمعنى كل طايفة تتعامل مع الخارج وكل طايفة تتفرد وتنعزل داخلياً لبنان بيستاهل وشعبو بيستاهل

الحزب بيطلق ٦ صواريخ إكراماً لإيران إيران بتقعد مع الشيطان الأكبر بمفاوضات مباشرة والإسرائيلي مكمل إستهدافو الحزب وبالأخير بيطلع الحزب ليحمل الدولة اللبنانية المسؤولية #دعارة_سياسية #مزرعة_لبنان

كيف ماشي الشارع إذا ما رجع كل فريق للضوابط والحدود المرسومة فايتين بي فتنة عإقتتال داخلي عتصفية حسابات ويمكن ساعتا ما رح يكون في حل إلا المزرعة عفواً قصدي التقسيم

"كلن يا جنوب باعوك الكلام..." #لبنان

التفوق الجوي للإسرائيلي ما بيغطي أو يعوض التفوق الأرضي لحزب الله والعكس صحيح والدليل إنو النار ما كان حل متل ما الإنسحاب ما كان المطلوب هلأ إطار شامل كامل وبغض النظر عن التسمية إذا تفاوض مباشر أو غيرو (ويللي عفكرة منو ضد القانون) بس الأحسن لو كنا موحدين ومتفقين

بعد إجتماع اليوم صار واضح إنو القرار اتاخد الوقت كفيل بالتنفيذ والثمن هوي داخلياً

وصلنا لهدنة ١٠ أيام وإنشغلنا لمين الفضل أكتر بين إيران وترامب والرئيس عون وإنو بنت جبيل ما سقطت مننسا إنو أكتر من مليون شخص مهجرين وبيوتن مهدومة وفي بلدات سويت بالأرض شي بي زعل قديشنا طبيلين وغوغائيين

حتى بعد بيان الرئيس بري شفنا عودة سريعة عالجنوب و هل مرة أكتر من كل مرة لازم نسأل هل العودة سببا طلب الحزب أو إستسلام للواقع أو إستسلام إنو رح "نمضي" مع إسرائيل

يللي مبين لهلأ إنو الكل ربحان أو ماشي حالو من عدا نتن ياهو معقول يضل هيك الوضع الله يستر

الرئيس الشهيد رفيق الحريري كان رجل الإعمار والخدمات الرئيس نواف سلام رح يكون رجل السياسة

الدولة اللبنانية كان همها تصور إنو هيي بتفاوض ردت إيران (ومعا حزب الله) إنو منفتح مضيق هيرمز إذا بصير في وقف إطلاق نار بلبنان بالكواليس ما حدا بيعرف شو صاير خاصة إنو ترامب صار محشور فمش من باب الدفاع: شو المسؤولية يللي ممكن نحملا للدولة يللي برأي هي بس عم تجرب تخفف من الويلات

موضوع الأرغيلة صار بدو تنظيم وضبط

بالنسبة للمفاوضات بتحس عراقجي قاليباف وبوشيكيان هني متل الرؤسا جوزف عون ونبيه بري والحرس الثوري هني متل حزب الله يعني لا مفاوضات إيران مع أميركا واصلا لنتيجة ولا مفاوضات لبنان مع إسرائيل واصلة كمان

معقول إنو بعد في طوايف عنا بدا مرجعيتا برا تقرر عنا شو نعمل بالداخل

معقول إنو جماعة "١٤ آذار" ما حدا فكر يتواصل مع النظام السوري الجديد حول مزارع شبعا

#مزرعة_لبنان

“زمن التردد انتهى” وحزب الله هوي السبب بدون أي التباس يعني يا الرئيس جوزيف عون بسلم ع نتن ياهو بالبيت الأبيض يا رح يجي يسلم عليه بالقصر الجمهوري منيح إنو الموقف اللبناني من قبل إجتماع السفرا هوي إشتراك وقف كامل للهجمات الإسرائيلية قبل أي محادثات حمى الله #لبنان