عزيزين الانفس مشكلتهم ضياق صدور ولا اقسى من .. الغـالي ليا كرر الـزلة.

سلام عليكم مسيتو بالخير ♥️🤚🏻

عليك السلام الوافر بكل وقت وحين يامن غاب عن عيني ولا غابت أطيوفه يقولون لابد اللقاء يجمع الحيين وأنا أقول لولا الوقت ما شانت ظروفه.

المهمّ اني فقدتك و شفت من العذاب اللي خلا خاطري ضايق وقلبي حزين ياصوابي من غيابك وياكبر الصواب مستحيل يردّك الوقت ، اعرف الوقت زين.

ترا مايفج الصدر ويهل دمع العين سوا من تبي قربه ولاتقدر تشوفه .

أنت ياللي كل ما هزّ المحاني طيفه جرّني طاريك من ربعي ومن جـلاّسي ٰ كانك اللي فالمحبه موجسٍ له خيفه والله إنّي بين لوعة خاطري وعماسي ٰ كل حبٍ غير حبك ينكشف لي زيفه وكل طيفٍ غير طيفك مايهزّ إحساسي ٰ وكل وجهٍ غير وجهك فالوجيه اعيفه وكل صوتٍ غير صوتك ما يقنّد راسي .

ليتك تعدي على خير يالثلث الاخير و يتبيّن نور الاشرااق لـ اللي يرقبه انا حالي في ظلامك مثل حال الاسير اللي تااخذه الطواري لـ داره و اعربه اتظاهر بالسعاده واقول اني بخير واتحاشى الليل و الذكريات المتعبه الفراق يضيّق الصدر ويحوس المرير والهوى غلاب و الشوق ملعون رقبه . َ

صراع الحياه اكبر من العقل والتفكير لا حنا على قدّه ولا رِتمنا رتمه نشوف الحياه بوجه خيّر ونية خير ورا سيرةٍ لابد في يوم منختمه من يحس فالغربه ورا موجة التغيير سوات اليتيم اللي محد حس في يتمه يعيش ابن ادم بين يمكن وبين يصير وهو خيط مربوطٍ من النور لـ العتمه .

طرّف الليل حتى ساد صمت المدينه وانتهت جلسة السمّار و الجو هادي ㅤ لو نسيم الهوا لا هب هب بـ سكينه في ضلوعي من الفرقا منادٍ ينادي ㅤ غربة الفقد لـ اللي قام يفرك يدينه غربة اللي قضى عمره بـ سجن أنفرادي .

السلام عليكم والشهر عليكم مبارك الله يجعلنا وياكم من صوامه وقوامه ♥️

خلّ صوتي منسجن لين ما الله يعتقه خلّني معزول الاحداث يالقلب النصوح راثعٍ فـ البال طاري ، وفـ الصدر اغلقه وان بغيت اروح والله مدري وين اروح .

اللي خلق في مشاعرنا من البعد خوف خلق لنا نعمة النسيان في غيرها تموت الأحلام دايم في يدين الظروف وتعيش الآمال وتواصل مشاويرها في ليلةٍ تاهت الخطوة وطال الوقوف هي نفسها الليلة اللي شرها خيرها جيت ومعي قلب يحب ويحن ويروف ورحت ومعي قلبٍ أقسى من معاذيرها .

عيد الله عليكم مبارك وكل عام وانتم بخير ♥️

خلّيييتك وحيدٍ ف الحنايا ولا لك ندّ يامن قد خذيت القلب في شفّك لحالك دروب الهوى صوبك تلدد وفيك تلدّ ولا تبغي منك إلا شوفك ومرسالك خيالك بصدري فالوصل بين هات و ودّ مثل ما ادري اني في خيالك وفي بالك .

عاد للماضي الجميل اللي رحل فالعين صوره وعاد قلبي مانسى ضحك الوجيه الي صدفها كن صدري ديرةٍ من جملة الناس امهجوره الدهر جفّف مواردها وعشّى في طرفها من كثر مـ اقفى ونسها والشجر ماتت جذوره لو وطاها واحدن قد حل فيها ماعرفها .

عقب طول الغياب و عقب فَرك الكفوف أحسبنّي نسيت و جرح صدري برى و كل ما أكبر معي تكبر عليه الشفوف ليت قلبه يحس و ليت عينه ترى ألتمس له عذر و أقول عنده ظروف لييييين سوّى جريمه و أعتقِد ما درى قبل يسري و أنا صاحي و عيني تشوف مدّ كفّه و أخذ قلبـي و قـام و سرى .

الحزين ! يشوف في بسمته سترة نجاه لو ورا البسمة من الحزن قومة وقعده من كثر ما هزّه الماضي اللي ما نساه ودّه إنه !.. ما يفكر فـ بكرة و بعده من يدقق في جميع المراحل فـ الحياه لا يلوم الا التفاصيل لا خاب جهده كثرة التفكير .. في بكرة وفـ اللي وراه تشغل الواحد عن الحاجة اللي في يده

كثر ما أحب الشعر مانيب أحب الظهور أشعر برغبة شديدة للجفى السرمدّي ودي بدرب الغياب اللي يصون الشعور ولا حضورٍ كسر نفسيتي وجسدي - مشكلتي إني مزاجي وإنتقائي حضور إذا أنتهوا فوضوين الحضور.. أبتدي - بيني وبين المقام السهل حالة نفور أدور الحاجة اللي تستحق جهدي .

سلام عليكم صبحكم الله بالخيير وكل عام وانتم بخيير . معايده متأخره ❤️

طواري غرام وفلم ذكرى ودقت زور وروحٍ من صدوف المقادير مشتقيّه مريض الهوى لا يمكن يعالجه دكتور ولا ينفعه فحص استشاري ولا رقيّه يسولف وهو لاهوب داله ولا مسرور وتقى رمش عينه ،، دمعة الفقد متقيّه ):