ليت السنين تعود وترجـع حقـوق وتبرى الجروح اللي من اول سقيمه

شح النصيب ويقصر الحظ عن لاماك واجـاري ظروفٍ ماتهيّـت على ودّي

غريب والله يا حبيبي هوانا

النفس مثل الحرّ والحر عزّام واللي يشدّ العزم ما عاقه العوق

لاطاح معكاز الهقاوي على القاع اثبت على ساق الصبر في محلك

اللي جحدنا ب الوفا ما بغيناه شرواه في سوق البهايم نبيعه

يطير الشرار وكل نارٍ لها شبّاب ومن ولع النيران يصبر على الصالي

ماعشقنا غير فعل المستحيل يوم ولد اللاش خيّب من نصاه

الله خلقنا من وقار وسعة بال حتى مع اللي نكرمه ويتردى

يازين سج القدم بارضٍ خلاويه في ديرةٍ يوم اجيها ينشرح بالي

ارقا سنود وزاحم الجدي وسهيل خل القدم يم المعالي سبوقه

افتخر في خوّة اللي يشرفني نباه جعلني من رفقة اهل المعزة ما خلا

والجبين يشع بالزيني لي هدب عينه كالاحرابيّ

خاب الرجا ثم طاحت كبار العزوم وانتخي بالحظ والحظ عيا لايزين

معي ذاكره واحس و الوصل قطعه شين و لا خير باللي للمعاريف جحادي

ياخوي انا شيمتي ماني مضيعها ورزقي على خالق الذره ومحييها وكرامتي غاليه مانيب بايعها أغلى من المال والدنيا ومافيها وان شفتها مقفيه ماني بتابعها الحبل في عنقها والقيد في يديها

لا تذكرني ليا أحرقك الزمان بحرّه وأنس حتى سنترال البيت والجوالي

كل المواقف دين لازم يسّدا ونوفي الديان صاعن بصاعي

خلك قوي العزايم واتكل بالله مصيرها تزين مهما ثقلت حمولها

خلك وحيد بعض الاحيان ترتاح وتسلم من العالم وكثرة غثاها