واذا هربنا من تفاهات الحياه كيف نهرب من برتكالاتها ههه

اللي كاتب ضناني الشوق خلص علينا الشجن اللي في العالم.

عموماً الإنسان المشغول ما يجيك منه وجع رأس، المشكلة دايماً في الفاضي، اللي عادةً يبدع ويتفنن بالبحث عن المشاكل واختلاقها.

لا تبالغ بتمجيد احد .. اخشى يجي يوم تستحي إذا طروا اسمه

راح الزمان اللي كنا نقوّم الدنيا ومانقعدها لاطرى طاري غيابك، وجاء زمان نستشف ونطلب الروحه بلا رده.

كونك إنسان تحترم مبادئك، وتقدّر كرامتك وتصونها، فذلك يقلّص الفرص المتاحة لك في هذه الحياة، الساحة الآن مشرّعة الأبواب للمتخففين من مبادئهم وانسانيتهم.

عادي جداً بكره أصير serial killer وانا البارح "لي عين تدمع وقلبٍ رهيف" هذا هو نمط العيش اللي نماشيه الأن.

مادمت تشوفني أعاتبك واشره عليك فأعرف أن لك للحين في قلبي مكانة وقيمة، واذا لم ترى مني اي ردة فعل فأعلم أن ماكان لك في داخلي قد استنفدته .. وحينها يتساوى طيبك مع رداك ووجودك مع غيابك

البعيد من يفصل بينك وبينه سوء فهم، وليس الذي يفصل بينك وبينه مدن وبلاد.

يفوت الإنسان يتعلم إن حتى بعدما خابت الطرق ورجعت وحيداً ماله داعي إستنقاص اللي كان والعلاقه اللي مضت، يفوت الإنسان يتعلم كيف يحفظ الود أقل شيء.

يعني انت بعد ليه تمحور الكون كله على شخص واحد، وتساوم كل اختيارتك على شخص واحد، وتثبت فوزك او خسارتك وقيمتك وعدمها على شخص واحد چنك فالربع الخالي

ما ودي أصدمكم لكن الشيء اللي تبخلون فيه أو تأجلونه يجي أحد غيركم ويسويه وينال كامل المحبة والتقدير وبصراحة يستاهل

"أسرفي بالسلهّمه يأم المظاليل الوساع"

ادعِ الله أن يختار لك ما يلائمك، لأن الحياة لها طعمها الخاص ولونها الساطع إذا حاوطتك الأشياء التي تتوافق مع أفكارك، يقول ابن القيم "التناسب الذي بين الأرواح من أقوى أسباب المحبة، فكل امرىء يصبو إلى ما يناسبه"

ياترى بتسهرّك القهاوي ولا الهواجيس

كبرت وعرفت مدى صعوبة التواصل اليومي، انك تجاهد بشق الأنفس للحفاظ على سير العلاقة وثباتها. بعدها ادركت أن العلاقات الحقيقة لا تتطلب منك كل هذا الجهاد، لا كمية تواصل مكثفة أو ميثاق للروابط بينكما، إنما هي مجرد مودة في الصدور يحملها كل منكم إلى الآخر على الدوام

بتعرف انك كبرت إذا صرت تبتسم وداخلك مخنوق، وكأنك ثابت وداخلك منهار، إذا بديت تأجل انهياراتك لان الوقت مو وقتها، وصار إحباطك يشكل دافع قوي لك علشان تكمل، إذا صرت تبني منّ الهزائم سلم ترقى عليه وترتفع فقد كبرت عقلياً ولن يهزمك اي شيء بعدها.

مشكلتنا ندري العمر مرة وما تحركنا للآن.

"اللهم اصَلحني قبل الوفاة ، وأحَسن خاتمتي ، و توفني وانت راضٍ عني ، وسخر لي من يدعو لي بعد وفاتي "

اللهم إني أحبك وإن كنت أعصيك، اللهم لست بريئاً فاعتذر ولا قوياً فانتصر، ولكن لاحول ولا قوة لي إلا بك 🤍."