قلبٍ صفا لك بالوفا يوم يغليك ماهو بعاجزٍ لا تكبرت ينساك

والله اني ما خلقت الا عشان اعبد الله واحمده ثم ارتجيه ما خلقت ارضيك ولا ارضي فلان وما خلقت اتبعك وانت اكبر سفيه

مابارت اهدافي لو ان الزمن بار العزم مثل البحر ماله نهاية ذقت الخساير والعزاير والامرار وسقت العمر كله على شان غايه مايصنع التاريخ من هاب الاخطار ولارقا في قمة المجد تايه ولايعلم الانسان عن بعض الاقدار يمكن بعد خط البدايه 'نهاية'

عيوفٍ ماتقبل غير من يكسب الإعجاب عشير النشاما قد تقلّد مدايحها

كابر على كيفك . مدام انك تشوف الكبر زييين مالوم نفسي يوم في طبعك . تغير رايهاااااااا _ هذا انت ماتعرف شعور الحب ، وشعور الحنين حاول تنقع كلمة [ احبك ] وتشرب مايهااااااااا ;)

مدام الارض مْكوره . . وتدور . . وين الغايبين ؟! الظاهر ان الارض صارت مثل شكل المسطره ..

ماعاد تفرق عندي رحت او جيت وماعادني اللي لا ناديته يلّبي مثل ما خابت هقوتي يوم حبيت بكره بلاقي الي يستحق كل حبّي

تبي الصدق عافك خاطري وأنتهت الآمال واذا مارضيت بكلمة الصدق مشكلتك لا تستغرب إني قلت لك شي ما ينقال لو إني اعرف أجامل الناس جاملتك

لو كل ماثارت عجاجة تحيز مت تهت الطريق وكل عاير صدمته —بدر الحويفي

«من تهاب الناس من طيشه مانيب أهابه أنا آهاب من الضعيف، إللي سلاحه دمعه» - مدغم أبو شيبه

ولا فـاز بـي غـير اللي قطـع ثمـان بحـور كـتب قصـه عيـونـي بسـر وعـلانـيـه .

استعذت من الدورب اللي نهايتها حسافة قبل ترميني ملذات الزمن في جوف غبّة شيمه الإنسان ميزان اعتداله وانحرافه تنذره لا شافت الأوضاع ماهي مستتبه إن عجزت إنك ترد نفسك عن شيٍ تعافه ماقدرت تحط نفسك فالمكان اللي تحبه .

«نفسي أعمق من الإبحار في محتواها في الهوى لي شعور وفي الشعر لي هويّه» - سعود مهدي

عزيت نفسي في زماني ولديت عن كـل شيٍ فيه الآنذال سادت اقفيت بحمول الكرامه وشديت لو ان صفعات الليالي ، تمـادت

الوقت ما عذرب حشيمين المقام لو ساد في القوم الكرام حثالها ما يشتكون الكسر جبرين العظام الله خلقهم لجل ذي وأمثالها ناسٍ رضت بالذل ما تلقى احترام حيّه ولكن، موتها أشوا لها

أنا الأتمّ إدراك والأغرب أطوار وأنا اللي أعطي كل الأشياء قيمة إذا انتصرت أصير للنصر تذكار وإذا انهزمت أرفع مقام الهزيمة أما أخذ التقدير مثل أخذة الثّار ولا أتوفّى ما شكيت الظليمة لو كنت في ماهيّتي قادر أختار ما أخترت أكون إلا قصيدة عظيمة

ناطرك ترجع قبل لا تندمر ماني متنازل تعال لـ مستواي لا تكابر بالغياب وتستمر أنت ناقص ما كملت إلا معاي

لو كل جاهل نبي نجزاه باعماله كثرت علوم الردى والناس لامونا ٰ لكن نسفه ردي العرف و اشكاله و نقدر اهل الوفا و الطيب لا جونا

أنا والله إني أرحمك رحمة المسكين تشب الشبوب وتحرق أيامك بنارك أنا لي إذن من عجين وإذن من طين لا والله ما لـوّث صفى جـوي غبارك كلـيم القفى وينك وأنا عن كلامك وين تبي تموت مارد الصدى صوت مزمارك أعرف أجرحك جرحٍ يوسّم ليوم الدين ولكن شـرف عـداوتي فوق مقدارك !

أعيش بين الدلع والترف والدلال مابين سمـي ولبيه وأبشـري به