"أحترت فيها عسى الله لا يحيرها مزيونةٍ بالمشاعر ما تعلمني - الله يسلمك - هذي ما تغيّرها وأنا من عيونها ما الله مسلمني "

ما ودي أجرح عنقها الوضاح والقد الرهيف وأنا وعد ضحكة ثناياها ، وأنا موعودها غيدًا يباريها النسيم العذب ويدف القنيف كنّ الهوا الغربي هواها والسحاب حدودها عيت تخلي للحيا طاري وللنسمة مصيف إلا على جرّة مواطيها وحُمر خدودها

«كل دربٍ ما خطت رجلك على مفرق طريقه ما يعّد من الدروب ولا يجيب ولا يودي »

الصباحات الممطرة تتفوق على أي صباحات أخرى

"إن رضيتي يقطع السيل مع لبّه نفود وإن زعلتي يزحف الكون لك على ركبه"

يمه من رش علينا ضيقه الصدر

مع كل حزة فجر لك مع البال ميعاد ..

« يسعد صباحٍ فيه شمسك شارقه شمس الغلا في حزة المشراقي » ❣️

أن مسّت حدود الكرامة لوحت للوداعي محد ياطى على طرفي ولا يكسر حجرها

طل ياللي طلتك مع صباح الخير فيها خير انت صبحٍ ما يجيبك ما منه فايده ..

مزيون وزينه سبب لك ولع نصف زينه دلال ونصفه الثاني دلع

نمت نومه حلوة لأول مره بشوال بس الدوام خلاني أصحى🫠

فعلًا أن الإنسان هلوع يحتاج بس تطمين وتذكير

{ وان تعدو نعمة الله لا تحصوها } الحمدلله❤️

عنوان الليلة / آية مع العسر يسر جت في كتابك مرتين حكمها نافذٍ في محيط الوجود وماحوى نشتكي لك خطوبٍ جسيمه لغيرك ما تلين هون الصعب يا فالق الحب يا محيّي النوى

لابسه نظارات شمسيه مو علشان الشمس بس لأن مالي خلق اشوف احد ولانهم حاطين اختباري بيوم اوف🫠

"جعل تفدا دواعي ضيقتك ضحكي وترحابي"

محد قدر يكسب من إعجابك شوي مع إن كلٍ في محبّتك طامح