🔥Telegram İfşa

శివ నీ దయ

శివ నీ దయ

కష్ట, సుఖాలలో నాకు తోడుగా ఉన్న ఆత్మ బంధువు నీవు నీ నామమే నను నడుపుతున్న బలం కృతజ్ఞతలు శివా. శివ నీ దయ.

తెలిసి కొన్ని, తెలియక కొన్ని తప్పించు కోలేని తరుణంలో చేసితిని తప్పులు... ఎన్ని కన్నీటి వర్షాలు కురిసిన... గుండె మంటలారాటం లేదు... తప్పు చేసినట్లు విన్నవించు చున్న... తప్పు క్షమించి నా మనసులో మాట చెవిని పెట్టు నీ ఆట కాస్త విడిచి పెట్టు నన్ను ఉద్ధరించగ దృష్టి పెట్టు. శివ నీ దయ.

శివ నీ దయ

శివ నా అండదండలుగా నీవుండగ నాగుండె పలకరాయిగా మారి నిత్యం నీ నామం పలుకుతుంది... నా తిరుగుడుకు తిరగలి మంత్రం ఒక్కటే ఓం నమః శివాయ. నీ ఎరుకలో ఏమరుపాటు లేకుండా కాపాడు, నీ రాకపోకల గమనం గుండె గోడల్లో గుర్తు చేయి సర్వేశ్వరా. మహాదేవా శంభో శరణు.

పగటి వేషాన్ని మరచి... మనసులోని భయాన్ని విడిచి... రాత్రి నిశబ్దాన్ని కల్పించి... మనస్సును ప్రశాంతముగా ఉంచి... వెన్నెలదీపాన్ని వెలిగించి పార్వతీ పరమేశ్వరులను వేడుకుందాం. ఓం శివోహం... సర్వం శివమయం.

గురుర్బ్రహ్మ గురుర్విష్ణుః గురుర్దేవో మహేశ్వరః గురుస్సాక్షాత్పరబ్రహ్మ తస్మై శ్రీ గురవే నమః

సదాశివా! నీవు రాసిన గీతలు పూర్వజన్మ పరంపరల శివతత్త్వాలుగా ఆ శివ తత్త్వాలే నా భగవద్గీతలుగా ఆ భగవద్గీతలే నా పూర్వపుణ్యఫలగీతలుగా నీ నుదిటన భస్మరూపగీతలై సదా వెలుగొందెను నిండుగా. శివ నీ దయ

బిడ్డ ఆకలి తల్లికి కనిపించదు... మనసుకు తెలుస్తుంది... అమ్మ ను తలుచుకుంటే చాలు భాదను తెలుసుకొని ఆదుకుంటుంది... అమ్మ ను వేడుకుంటే మనసు ప్రశాంత మవుతుంది. అమ్మ దయ ఉంటే చాలు అన్ని ఉన్నట్టే కదా. ఓం శ్రీమత్రే నమః ఓం దుర్గాదేవినే నమః

నింగిలో సగం నెలలో సగం కష్టంలో భాగం సుఖంలో భాగస్వామ్యం ప్రకృతి లేని విశ్వమెక్కడ స్త్రీలేని బాంధవ్యమెక్కడ సంసారసాగరంలో తెరచాప నావ తెరచాపలేని నావ దిక్కులేనట్లే నావ లేని తెరచాపకు పరమార్థమేది రెండు తోడయితేనే నావ తీరంచేరు అదే ఆలుమొగల తత్వం అర్ధనారీశ్వరం. ఓం అర్ధనారీశ్వరయా నమః.

పరిచయం అయ్యాక పలకరింపు లేకపోతే ఎలా తండ్రి... నా గూడునొదిలి నీ గుడులు చుట్టూ నిను వెదుకుతూ తిరుగుతూనే ఉన్నాను... నోరారా శివ శివా అని ఆరాటంతో చూస్తున్నాను... ఇక చాలు శివా నా గుండె గూటిలో నుండే నాతో మాట్లాడు మౌనంగా. శివ నీ దయ. సదాశివుడే సదా నాకు.

శబరి కొండల నడుమ రవ్వంత చోటుకై, అలుపులేక, అలుపురాక నడయాడే మీ చరణ దాసుడను నేను. హరిహర పుత్ర అయ్యప్ప శరణు.

నీ శాసనమే నా ఉఛ్వాస నిశ్వాసలు దేహమనే శిలపై వ్రాసి పంపించావు భువికి. శివ నీ దయ.