سو الي براسك ولاتذكر أسباب لاصرت بايعني توكل على الله ماراح تغلبني لو الحُب غلاب من حضرتك عشان قلبي تذله ؟ ماكنت أقصر فيك من كثر الأعجاب يومك تساوي عندي الكون كله رح وأعتبرني واحد أذنب وتاب ماني بثوب تلبسه ثم تمله ! مايجتمع بالحب صادق وكذاب رزقي على الله وأنت رزقك على الله

كثر خوفي لا انجرف مع طريق المغريات صرت اكافح بالهقاوي و اكافح باليدين الحظوظ الماش تغتال حتى الامنيات وطيحة الطيب كبيره وظلم النفس شين وقربك من الله يعلمك وش معنى الثبات ومسّت الحاجة تعلمك معنى الطيبين في حياتي للرديين سلّة مهملات مثلما فالنار مثواً لكل الكافرين .

تعدّى الظروف بلين جانب وقوّة باس و توكّل على اللي بيده العجز و القدره من يحطّ قـدره سلعةٍ في يدين الناس لا يزعل لا حطّوه الاوادم تحت قـدره.

احيا على قربك و صوتك و طاريك ودي بشوفك كل لحظه قبالي ودي احطك في عيوني واغطيك و ودي انا اللي اشوفك لحالي حتى الهوى لا مر من بين اياديك اقول هذا وش يبي في حلالي انا بمنامي يا هوى القلب اناديك صورتك دايم ما تفارق خيالي ان غبت عن عيني بقلبي الاقيك وان رحت عن قلبي القاك في بالي♡

أدري إني كل ليله بينه و بين الحسايف يوم يذرفني دموع ويوم يكتبني قصيدة .

"يا رفيق الذكريات و يا شريك فؤادي كل ظنٍ فيك ظنيته تجي من فوقه يتسلل صوتك من الذاكره و ينااااادي لين يفتق جوفي اللي كنت أخيط فتوقه ايييه يا لبيه، يا موتي، ويا ميلادي جعل حزنٍ مرني ما تونسه و تذوقه يا وقودي و إندفاعي بالحياة و زادي يا حشاشة جوفي و قلبي و دم عروقه🤍"

«مع إنّي ما عاد أعرف وين الزمن ودّاك إلى الحين .. أقدّس ما حصل بينك وبيني»

كنت اقول الشام شامي والعراق عراقي ماهقيت إنه يجي يوم وتميل الكفّه ايييه يا اول من بنى بيته على خفّاقي ما أنت باللي مر في عمري واخذ له لفّه أنت حلم لو كسرته كني اكسر ساقي مثل حلم القدس في رام الله وفي الضفّه انهزمت بين الفراق وحزن قلبي راقي والشجاع إن حب تؤخذ بندقه من كفه .

خذني من الزمان ومن دواعي جهاده أنت قلبك يمون و خطوتي لك جريّه🤍.

كبريائي فالغلا ما هو تسلّي ندرة الأشياء تغريني وأبيها ما أداني إمتلاك الحاجه اللي كل واحد يقدر يحصل عليها !

دارت الأيام وانتي مثل ما انتي تجبرين كسور قلبي بابتسامة تنكسف شمس المحبة لا حزنتي ما على جرح الهوى غير الملامة من دخلتي صدري الخايف أمنتي ما بعد رجفة غلاك إلا السلامة قمت أرتب فوضى قلبي من سكنتي موطنك هالقلب إلى يوم القيامة🤍

"تجيني ضحكتك مثل البشاير في عيون الضيق وأنام وفي عيوني ضحكتك .. والقلب في راحة بخوض من الحروب، وبنتصر، وأظمأ، وأبلّ الريق من اللي يخسر بحرب الحياة ووجهك سلاحه؟🤍"

للوساع السود جيت أعلن ولائي الحكم حكم المظاليل الوسيعة يالجمال المستحيل اللا نهائي الغزل في حضرتك تجديد بيعة ثغرك الضاحك بلادي وانتمائي ضحكتك عن كل غلطاتك شفيعة🤍

يضيق صدرك وأنت عينك مجرّة عينك وسيعة ياشبيه المجرّات لاعاد أشوف لدمعة العين جرّة مابي إشوف بوجهك إلّا ابتسامات لو نزّلوا دمعك على الخدّ مَرّة والله لا أنزّل دمعهم عشر مرّات 🤍

على زاهي غرامك م على وجه الممات قصور لك الوقت الثمين من الوصل ولغيرك الغيبه🤍

انا اكثر من يغيب ولا قدر ينساك واقدّر عشرتك واهديلك ايّامي انا اللي عاش عمره في سبيل رضاك وصافحتك غرام وجادت احلامي اجنبْك الكلام الجارح الشكّاك واجنّب عن سواك الشعر والهامي🤍

كيف أحس بغربتي ما دامت أحضانك ديار ليه أخاف من السفر وأنت الولاء و الإنتماء🤍.

لك ولايه وامتلاك وامر سامي الشعوب الوافيه تفدا وطنها انت قاضي المحكمه وانت المحامي ثبت الاحكام واطعن من طعنها وانتبه لا تشغلك كثر الاسامي غن مع ليلاك واطرب مع لحنها يوم عادك صرت معني باهتمامي كيف ابيع الروح واجيك بثمنها المحبه ماهي بمشهد درامي فتنهٍ من طاح فيها ما ذهنها