a blunt will never leave you on read

عمري ماهانت عليا العشرة ولا حبيت أخسر حد كان بيني وبينه علاقة في يوم من الأيام لأني بطبعتي شخصيه مش قاسيه ابداً ومبحبش أخسر الناس بس في ناس أفعالها بتجبرني على دا وحفاظاً على كرامتي ومشاعري باخد قرار الرحيل والبعد لإن نفسي ليها عليا حق كبير .

مطلوب ١ انسان يفضل يختارني ويختارني لحد ما نموت.

قعدت شويه أفكر ازاي الواحد يعرف أنه حب بجد لما يلاقي نفسه تايهه بعد ما الحب دا يمشي حاسس أنه شايف خياله في أي حد يشوفه ولما يركز ميطلعش هو لما تسمع اغنيه جديده او تشوف Memes عجبتك و أول حد تفكر فيه عشان تشاركها معاه بس بعد كده تفتكر أنه مشي خلاص فـ تحس إنك تايهه لتاني مره.

لو سألتنى ايه أكتر حاجة بتمناها هقولك شخص صريح، مبيحبش الخصام، متفاهم في الخلافات ساعتها فعلاً مش هبقي محتاجه حاجة، إن يبقي ف حياتى حد بيصارحنى كفيل يخلينى أطمن، إن خصامنا ميطولش ونتعاتب ديماً كفيل يحسسنى بالأمان، إن بعد كل خناقة ألاقيه جاي ينكشنى كفيل يخلينى أحبه من قلبي.