ليا دق هاجوسي ودندن به الخفاق ياكاتب بيوت الشعر قرّب لي اوراقه ابى ادوّر الشرّد ومايرضي الاذواق ولو انها ماهي من الباب للطاقه #صقر_العضياني

ثباتي ثبات العز واعرفْ وش سويت تمـرْ الهروج العوج وتذب الارواعي ليا شفتها عرزيل عن دربها صديت وخليتـها للي مشاريـف وجيـاعي تشرّه عليّه بالخطيه وانا مااخطيـت عليك الملام بشـرهةٍ مالها داعـي تحملت من عوج المشاريه لين ازريت اجامـل وكيـل رعيّــةٍ مالها راعـي # لاحق _العضياني

صقر العضياني ماعليك زود يبو خالد الله يصح بدنك انتم القدوه في كل الحالات عسانا مانعدمكم ياذرب اليمين✋🌹

#اليوم_الوطني_السعودي_94  #نحلم_ونحقق

كل عام والوطن 🇸🇦 قيادةً وشعباً في أمن ونماء ، دام عزك ياوطن . 💚🇸🇦🇸🇦💚 #اليوم_الوطني_السعودي_94

#اليوم_الوطني_السعودي_94

صقر العضياني صح السان الشاعرورجل الاعمال ابوخالد وشكراً على هذه الموعظه الطيبه وجزاك الله خيراً

صح لسان الشاعر / محماس بن شميسان وتستاهل المدح يابو نواف

يالاجودي ماشفت لك طيب ومجاد من اول طلوعك لين بين بك الشيب وانته من المكتب اليا بيت الاولاد وعند   الحليله   كلبوكم  مرابيب ماضنتي  يمديك. تكسب لك شداد وشهب الليالي معطيتك العراقيب  لا   تحسبن   المجد   دله.    وبراد  وعذقن تنقي من فذاذه مراطيب

أسلم وسلم على العضيان من داني قبيلة وهني من يلتجي فيها سلم ليا جيت نايف وبن سلطاني شيوخ تنومس قبيلتها طواريها أهل القدايم ماهوب فلان وفلاني ماهيب أمارة ربوع قدموا فيها الله يرحمهم نايف بن مارق بن صنيتان الضيط بجاد بن سلطان بن صنيتان الضيط

ياللي تخاف من القدر والمصابي مايكتبه خالقك ماعنه مجناب #صقر_العضياني

صقر العضياني صح السان الشاعرورجل الاعمال ابوخالد والانسان ماله عن ماكتب له الله فالسماء والا فالارض

الانقيا ضنّهم كل الجميع انقيا ويخيّب الواقع الملموس هقواتهم يالله لاتخلي الامّه من الأتقيا اللي تطيب الحياه بطيب نياتهم #صقر _العضياني

الله ولاصحبة الخبل البخيل ليا طلِب حاجةٍ عيابها وليا بغى شي لو انه قليل يخش بين العرب وثيابها #صقر _العضياني

القناعه تغني الرجل لو انه فقير والطمع يجلب له الفقر لو انه غني والخطير اللي يخليه في وضعٍ خطير ليا كثر ماله وعاش الفقر حتى فني ياحسافه ماتجمّل ولا حاله بخير ماتهنى يوم غيره يعيش ويهتني #صقر _العضياني

اليوم هاجوسي يبى خطٍ طويل محتاج يظهر له مشاعر فالصدر ومن فضل ربي مايعرف المستحيل وعن اللزوم الصايبه ماله عذر #صقر_العضياني