الحمد لله إن أمي مبتركزش أوي مع التلاجة لو عرفت كمية البيض اللي بفطر بيها كل يوم هتتبري مني

بقول يوما ما هحقق كل اللي كتباه في الويش ليست وأنا كل يومين أضيف حاجه جديدة الأمنيات اتراكمت عليا

حاجه غريبه أوي بس أنا عامله منبه 6 الصبح وكل يوم بصحي قبله بدقيقه بالظبط لوحدي كده هي دي بقي الساعة البيولوجية اللي بيقولوا عليها

بصراحة كده الورد كان يستحق ال 50 الف دولار فعلا

عملت وردة عسولة النهارده سيتم إضافتها لكوليكشن الورود بتاعي (تقريبا كدا أنا بحب الورد)

بصراحه اللي هاممني في موضوع العوضي ده إني مش متخيلة إحساس الناس اللي شايفه أهلها بيوقفوا الدوا وبيموتوا نفسهم بالبطيء عشان ماشيين ورا كلام واحد نصاب بجد الواحد مش عارف في الحاله اللي زي دي المفروض يتصرف إزاي لما حد تكون بتحبه وخايف عليه بيعك بس إنت ملكش سلطة تمنعه بيها

كنت لسه بقول لنفسي هو أنا عشان أطلب شموع لازم أستني كم يوم علي ما تتشحن ومستتقله الموضوع أوي لقيت جارتي بتكلمني بتقولي إنها هتفتح مشروع شموع يسلام علي الصدف الجميلة حرفيا همد إيدي اخد الأوردر علطول

يعني إيه لسه أقل من شهر علي العيد؟؟

الناس اللي بتـ.. طب ما تسيبهم يسطا الناس اللي ... طب يعم هم فرحانين إنت إيه مزعلك؟ طب الناس.. الناس عايشين حياتهم وإنت قاعد غضبان ومش طايق نفسك بص في ورقتك الدنيا أبسط من كده

مبسوطة سعيدة فرحانة شكلي طلع قمور جدا وقاعده بجهز الشنطة عشان هسافر بكره أتمني الموبايل يستعد لل500 صورة اللي هنتصورهم