يا وردةٍ ما عاشت الا في دلال يغار منها الورد في روضة خريم ابوك شال الطيب كله عن كل الرجال وانتي خذيتي الحسن عن كل الحريم .

عزة النفس فيني من صغر سني من صد عني بيبطي ما تباطيته مغنيني الله عن اللي مغتني عني والرزق من غير ربي ما ترجيته .

تقول انا من سلايل محتمين الدخيل مسعدني انها تحداني . . بـ جداانها منطوقها ما يقول الا الكلام الجميل ولو خانها لسانها صح الله لسانهاا من كثر ما هي غنوج وكبرياها ثقيل تقول ضيدان بن قضعان ضيداانها جميلة الوجه سوت فالمحاني جميل من يوم صارت تشوف القلب بستانها .

انا ما ودي اشكر في حياتي غير ابوك العود مسوي له جمايل بعد ما جاب اجمل سلالة .

متسيده وسط القلوب النظيفات شيخه وبنت شيوخ عفه حشيمه ماني من اللي يلتفت لـ التفاهات انا على روس العذارى عظيمه .

وش تبين من القصايد يا جميله وانتي اكمل والقصيد يجيه خلّه انتي اصعب وصف واحلا مستحيله وانتي اصدق روح واجمل مسفهله كيف اوصف عنق واغازل جديله والقصيد اصغر من التوصيف كله اعترف لك ما معي في الوصف حيله غير اقول الله علييك في كل طله .

والله اني حرة من . . مواكير الاحرار معربٍ ساسي وراسي على العليا رسا .

بين العذراى بالزين ماني بـ عادية افرق عن الغيد حتى في الذرابه .

اعزه مثل ما اعز نفسي عن المنقود واحبه مثل ما احب الخير لـ اخواني .

ما اغليت مثلك لا قريب ولا بعيد غلااك عن كل البشر ماخذ الاول .

خلقها الله من العود الازرق ودهن العود واليا عرضت في حلةٍ . . باركت فيهااا .

ادري ان العز في اصلي وراثه والشموخ الي من الغيمه قريب ولا بغيت افخر بـ افخر في ثلاثه بنت عز وبنت شيخ وبنت طيب .

الوكاد اني ماخذه قلبه غصايب والوحيده في مداره والمجره مايجاريني طويلات الذوايب ولا تنافسني من النسوان حره بس انا والوضح زاهية الجنايب في هوانا صايبه ولف ومبره .

اخيه من حبٍ يجي فيه ذله يقل من قدر المحب ووقاره من لا يرا في عشرتي مكسب له فـ انا ما اشوف ان في فراقه خساره .

أي والله إنك سيدة كل الأجناس وإنك عذاب الزين كاشف وساتر .

طبعي اجنب عن الناس واصد لا شفت ما لا يستحق اهتمامي في ذمتي ما هو بـ معجزني الرد انا اعتبر صمتي جزء من كلامي لكن عندي كل حاجه لها حد قبل توصل هيبتي واحترامي صدي عن اللي ما يبادلني الود شيمة لـ نفسي واحترام لـ مقامي .

ابسط حقوقي شجاعٍ ما يخيب ظني ابلجٍ لا من نصيته قال انا من دونك .

انتي لو مريتي بـ عمر ادمي حظه شحوح ما عاد يبغى من عطايا الحظ حاجة تقنعه .

عقب المحبة و سجات الغلا و الوصال سبحان نازع غلا الأحباب . . من بينها .

ما بقى فـ النفس شيٍ ما بذلته کنت أداري شي خارج عن مداري .