ترانا على خبرك و لو دارت الايام تغير تواريخ السنه .. ماا تغيرنا

يمكن لو انه يلمس الجرح بيديه يستغرب ان اللي لمسها طعونه .

مفروض ناخذ في غيابك .. تعازي لان الغياب احيان نسخه من الموت

هذي هي الدنيا وهذي هي الناس خسران من علق هقاويه فيها ….

اسألي قلبك عن اللي راح من عمري معك اسأليه إن كان يفطن ليه نكران الجميل أسمعيني لو لمره طول عمري اسمعك حققي لي رغبتي قبل انتوي عنك الرحيل وإن رفضتي مطلبي وش عاد بيدي أمنعك يا كم جرحتيني وانا ما غيرك بقلبي نزيل ليت قلبك مثل ماني مبتلي بك ولعـــك كان حسيتي بجرح اللي عطاك المستحيل

صارحوا من تحبون ' وسامحوا من تكرهون ، فانها دنيا وكلنا راحلون .

من أجمل ماكتبت: عليك السلام اللي من القلب انساق سلامي محبه وغلا من وسط اعماقي اقوله وانا قدام بيتك وفالسماء براق تبرق وتمطر وترعد وتبلل اوراقي وانا اكتب قصيده لك عنوانها مشتاق عودي ترا في غيبتك شانت اخلاقي انا تعبت من ليلي المظلم ابي الاشراق وانا مصدوم ان قلبك قوى على فراقي

ابيات لي اشتقت له ولضحكته ولكلامه وودي اشوفه الحين ماهو بعدين يالعنبو من لامني في غرامه هذا مكانه وسط قلبي وفالعين وانا بحبه لين يوم القيامه والله لاحبه رغم حظي الشين نبي نعيش الحب حتا هيامه الى متا وحنا نتفارق وقاسين يقولون عند الوداع مع السلامه وين السلامه في وداع المحبين؟

انا شخص عايش في ذكريات الماضي الين صار الحاضر بناظري متغيب ..

انت متغير ولا ادري وش الموضوع ان كنت شايف شي قل لي وأعلمك من أول ازعل لو تغيب أسبوع والحين لو بتغيب ما عاد اكلمك … عبد السلام محمد

يمر الليل ويتعدا والحزن في داخلي لازال صرت الغريب بوسط اهلي وفي بلادي نسيت الماضي وبقت ذكرى خالده فالبال ذكرى قديمه اليا مرت تضيق فوادي صار حاجه طبيعيه ليا من ليلي طال بس الغريب ان مر ليلي وانا هادي عبد السلام بن محمد

وش ذكرك بحبٍ طوته الليالي حبٍ مضى ما بين قلبي وبينك راح الزمان اللي من أول وتالي اللي عليه اليوم تبكي سنينك …

الواقع اقسى من كلامٍ على لساني ضيـقي لو اعـبر ما عـبر عـنـي ودي افضفض عن اللي جاني لكن وين اللي بيسمع مني؟ ( عبد السلام بن محمد )

أكثر انسان سامعني ماكنت اسمعه واكثر انسان جارحني تمسكت فيه ضاع من يستحقّ اقضي حياتي معه في رجاء واحدٍ ضيّعت عمري عليه..

اواسي الناس واجبر في خواطرها وانا الحقيقه بحاجه لمن يواسيني …

انا ماكرهتك ليه تدري ؟ لاني احيان اشوف طيفك حتا وانا بين جلاسي عاشقك لاتنسين ان ربعه العتبان واذا بغاك بيجيبك لو ان الزمن قاسي وتبين الصراحه والله انك اعز انسان ذكراك محفوظه بقلبي قبل راسي … عبد السلام بن محمد

انت مثل الحياة الفانيه بالتمام عارف اني بخليها .. وحبيتها ..

انا لقيت الصباح اللي يسمى صباح الخير اي والله لقيته ولكن ما التفت فيني تعداني ماكنه خطف قلبي وراح يسير وانا ماقدرت اصد وابعد عنه عيني على كثر ماكان في راسي من التفكير بعد شوفته قام قلبي يهديني حتا لساني صدق يعجز عن التعبير وشلون لو انه يمر و يحاكيني … عبد السلام محمد

حتا القصيد اللي من أول اعبر فيه احس انه ماعاد يعبر عن احساسي … عبد السلام محمد

مابين صدري والمقابر علاقات بالاسم والمعنى ودفن الضحيه الفرق بن المقبره تحضن اموات وانا دفنت اشياء بالصدر حيه دفنت حبك عن هروج السخافات ودفنت شوقي عن عيون البريه ودفنت في صدري غرابيل واهات واسرار نفسِ من زمنها شقيه ان حل بي طاريك وقفت بسكات وان زارني طيفك عطيته تحيه ..