اللهم اذق #ثنيان حلاوة الجنة و طيب الجنة و نعيمها ، اللهم وسع على قبره و كفر سيئاته و عاملهُ برحمتك و عفوك ياغفور اللهم آنس وحشته و اجعله من اهل الجنه 🤍

على سبيل الإطمئنان ؛🌿 ﴿إنّ الله يغفر الذُنوب جَميعاً﴾ استغفرالله العظيم وأتوب آليه

وَأَدْخِلْنَا فِي رَحْمَتِكَ ۖ وَأَنْتَ أَرْحَمُ الرَّاحِمِينَ

اللي مع نفسه ترى ماهو وحيد ترى الوحيد اللي مع الناس الخطأ

يا كبير الهقوة اللي من الخيبه غضوب ليت نيّات الأوادم تصير أشكالها

ماني بجاهل ، على الشدّات تختبره تشتد يا وقت ، و إصراري هو إصراري بالقلب ، ماتعرف العَبرة من العِبرة و بناظري ، غيمةٍ ماتمطر أسراري خليت الأحزان ، بأقصى القلب منثبرة يا كثر كذبي على نـفـسي ، و أنا داري

كتوم ولا من بغى الحاجه ما علم أحد يعلم الله .. وش اللي بخاطره ومايبيه ماضاع طيبه بعينه لو غيره جحد بكره تدور الليالي وكل جاحد يجيه يحد وجه الليالي .. و الليالي تحد ومن فيهم يقدر على الثاني ويلوي يديه جالس بروحه ويشكي مايفضفص لحد هو نفسه اللي تجي الناس وتفضفض عليه

ملامح المرتبك تغني عن إسلوبه الصمت يفضح اذا صار الحكي يفضح و النيّه الطيّبه .. للكل محسوبه ! لو " كل إنـاء ٍ بمـا في داخـله ينضح " قربك من الشي يستر عنّك عيوبه اوقف من بعيد و تشوف بشكل اوضح

يارب لي قلبٍ حياوي وصدّيق استامنك قلبي .. اذا ما تناحوا يجون صدري كل ما حسّوا بضيق وإذا خذوا من صدري الفْرح راحوا

ما على شوفي ضباب ولا على قلبي حصانه في ضميري شرهةٍ ماغير احاضيها محاضى اعتبرها زلةٍ عدت مع باب الميانه ودي انها جات من غيرك على شان اتقاضى

القلب طيرٍ ضلوع الآدمي وكره لاشاقه الطَّلع لاسَلَّم ولا حيّا مصير الاحزان تنساني وتفتكره ماكل الايام بيض وسمحتِ محيّا قل غيرها منْت لامجبر ولا مُكره لاصار ماهو غلا مابيلك احميّا لو في يدي شي ماقلت الوعد بكره حزَّمت حدب الضلوع وقلتلك هيّا

رَبَّنَا آتِنَا فِي الدُّنْيَا حَسَنَةً وَفِي الْآخِرَةِ حَسَنَةً

الحياه المستقرّه و الأمور المستتبّه والله انها تغني من احلام و آمال و أماني

" حمدتك على خير وحمدتك على مكروه وسبحانك اللي لا ألتجى عبدك أنصفته أجي لك بـ وجهٍ ساير الناس ما شافوه على شان وجهٍ ساير الناس عارفته "

يا غالين المعاتب ما يزين إلاّ على غالين ماهو بـ ناسٍ تعاتبنا .. و حنّا ما نعاتبها قلوبٍ من تجمّل عندها يلقى الجناب الزين و قلوبٍ من تجمّل عندها كنه يعذّبها

القلب يكسره اللسان .. ولا تجبّره اليدين ماهوب عظمٍ كل يوم تكسره و تجبّره

اللي تهيّا له الطيحه هو المستريح لو ان مطيحه من القمه يجي له دوي كم واحد قاضي حيله و وده يطيح وتوقفه نظرة اللي يحسبونه قوي

الله أكبر مما نخاف ونحذر ، نعوذ بالله الذي لا إله إلا هو اللهم كن لنا جاراً من شرهم ، جلّ ثناؤك وعزّ جارك وتبارك اسمك ولا إله غيرك لا إله إلا الله العظيم الحليم، لا إله إلا الله رب السماوات ورب الأرض ورب العرش الكريم اللهم آمِن روعاتنا ، واجعلنا في ضمانك