الطيب .. ما ياتي كـذا بالتواتـر تصغر في عين الطيبين الثمينه يا ساتر امن الوقت هذا يا ساتر وامن الآوادم والدهـر والغبيـنه بعض العرب يحتاج مثل المواتر تغيـير زيت .. وفلـترً للمكيـنه 🔧

جامل ولكن! لا تعفس الموازين ما ضر ثلثـين القدر ملعقة ملـح امجاملك واجب مع أحمر العين لكن مهـوب لازم وواجب مع …..

ما اقول انها رقم ثامن السبع العجاب انا اقول انها رقم يرفـض انك تقسـمه من عقـبها كل بيضـاءً تمـر ابلا حساب لاني ادري ماهوب ابكل بيضاء بشحمه

قورجس ليت به قانـون .. فعّـال ويِصــرِّم وينشـرونـه فالمجـله والجريــده الردى جرم(ن) على الجاني يجرِّم والردي مجرم ويضرب بالحديـده يسجنونـه خمسـة سنـين ويغـرّم يخصـم احسابـه ويـودع للوليده ‏‏‏‏‏‏‏‏عبدالرحمن ‏‏‏‏‏‏‏‏الفهيده 👀

قل للعزايم يوم طاحت وخارت تقويـن بأمـر منـهو جـل جـلاله وصـكات بقـعا كنها يـوم ثارت رصـاصـةً .. ماردهـا بو محـاله لا لتراجـع دامـها اليوم صـارت امّـا غــناة الذيــب .. ولا زوالـه

والله ان اتموت ما شبيت نار كون دخّـان الزقاره .. والقدو حتى فالثنتين! ما لك اي شنار انت مالك غـير غـزّال السـدو بالردى ما شقّوا لمثلك غبار ماخذ الأول على حضر وبدو اتحسب للاجنبي حساب الكبار وابن عـمّك تحسـبه اكبر عـدو

امانـتك !! لا قالـوا ان مغلـيك تحت النصايب .. فارق الأرواح لا تنزل ادموعـك .. ولا تذّيـك اهم حاجـه .. انبسـط وارتـاح

هنا يأقـف التاريـخ ويسـطّر الاعجـاب على صفـوة الصفـوه وخـيرة شيابيـنه هل العز والناموس والماقـف الغصّاب وهل الفيصل اللي يقطع الشك والبينه وهل المجلس اللي مابعد سكّروا له باب تخالـــف ليا جيــته .. دلالــه مداخــينه على كثر ما فكّوا هل الطايـلات ارقاب غدا السجن والسجّان فاقد

التعامـل عـندنا ديـن ومـبدأ احـترام فرض واجب لتّباع ابسبب وابلا سبب فالطبـيعه والسـجايا وقـولً بالكــلام يا تحـدّك للعـلا .. او تحـدّك لشــبب استغلـوها الملاعين .. وعيال الحـرام واجــبرونا ننـزل لمسـتوى قـلة لأدب

مابي اروح لـ مصر ولا اشوف الهرم ليه اتعـنّى ؟ وعندي واحـدً معتـمد أكبر، وأطيّب، وأطهر، من ستار الحرم وابين من النور لا شـبّوه فـوق العـمد شيخً تجلّى على شعبه بـ طيب وكـرم ياجعل عمره على الطاعه طويل الأمد مرّي .. ولي عـزوةً وامواطـن ومحـترم بس ما اتعزوى ياكون ابمثل عليا حمد

سكت من باب حفظ الوازع الديني كـلٌ على ديـنه .. وكـلٌ على سلـمه من كلـمةً ضايعة .. ما أثـرت فيـني كلـمة وردي عليه أكبر من الكلـمة

مشكلتي اني نقي واشيل قلبً نظيف ولا املك الا وجه واحد واحب الوفاء

ارتقى واحد وواحدنا عن الفين طود جعل ربي يجمعه بالرسـل والأتقـياء كلنا دون الوطـن يا بلادي لك جنـود والله ان كن حن عساكر مرتّب لخويا #قطر

العمر مثل الفلم اللي خذا له ساعه ولا بقى من قصّته الا الربع واشويّه كـنّه الا .. قدحة البارود في الولّاعـه او وميض الكيمره فالصوره الفوريّه انشغلنا والله لا يشغلنا الا بطاعـه والتهينا في دوادي مطلب الحريّه لا علي النور ياقف لا يبث اشعاعه ولا عليك يوقّفون الكوره الأرضيه

اخوي لا طرّوا مواقيف لأخوان له وقفةً عند احتدام الصعيبه اللي في جيبي له مقدّم وصفطان وهـو مقـدّم لي حياتـه .. وجـيبه

الفقد يوجـع بس الغربـه أحـر حتى لو انك في وسط المملكه مابـي الدنيا .. ولا صـافـي نحـر ابغي المشراف من دون اشبكه البشر وسط البلاد وفالصحر ! آفــةً ماهي تعــيّن !! تفتــكه

افهّـمك .. وانـت .. ماظنّــيت تفهمـني وانا احسب انك تجيب الذيب من ذيله اللـي انا اعـلّـمه ! يبــغي يعلمـني يا دورة الوقت ويا دنيا من انتي له

لا عظيم الا عظبم الشان جـل منهـو حجّـوا لبيـته سبّحـوا للخالـق المنّـان واشكروا استمرار عافيته واطلبوه 🤲🏻 الكم ولشيبان واحسنوا في طيب ادعيته ما ابي الا الأجر والأحسان ما ابي تسليك رتويـته ✋🏻 #الجمعة #ربي_اغفرلي_ولوالدي