و قد يجمع الله الشتيتين بعدما ظنّا ألّا تلاقيا!! "))

الصمت الي بيجي بعد تقبل الواقع اسوأ من اي شعور عشته

مطلوب منك متتوجعش ولا يبان عليك إنك زعلان مطلوب منك تضحك وتسمع وتهون وتراضي وتصالح وأنت اصلا خلصان مفيش فيك حيل تتكلم مطلوب منك تبقي ضهر بس أنت فاضي من جوا مطلوب منك تقول كلام أنت أكثر واحد محتاج تسمعه، تنصح وأنت اكثر حد محتاج النصيحه، مطلوب منك تريح اللي قدامك لكن أنت مترتاحش.

أنا تعبت مني، ومن دماغي، ومن الأيام، والمحاولات ودروس الحياه اللي مبتخلصش..

مفيش فايده فيك رجعت تاني تعيط على الحاجات اللي مش بأيدك تغيرها ..

ده انا كنت خلاص هبقي كويس كنت ع تكه وهبقي بخير ليه برجع لنفس النقطة تاني

صاحية الصبح على هجوم من ذكرى قديمة قسمت قلبي نصين، ياه لو الإنسان ينسى الجزء المؤلم من حياته.

وكلّ رجَائي يا الله أن مُنتهى الطريق فيه جبرٌ لقلبي.

عمري ما حسيت إني تايه في حياتي قد الفترة دي فترة مطلوب مني فيها آخد قرارات أكبر مني وأنا المسؤول عنها لوحدي خايف أختار غلط وأندم وخايف بعد محاولات كتير ألاقي نفسي لسه مكاني كإني ما اتحركتش خطوة كل اللي بتمناه في النهايه إني مخسرش حاجات روحي فيها ومفقدش نفسي في الطريق....

لما تكون مضطر تواجهه كل شيء لوحدك ماتقدر تفضفض لاحد.

الاصعب من إني حزينه إني مش قادره اعمل حاجه تخرجني من اللي انا فيه وابقي كويسه مش عارفه اصلاً انا محتاجه ايه يخليني كويسه.

عارفين المشاعر بتاعت إنه خلاص أنا مدركة ١٠٠٪ إن الحاجة اللي هموت عليها مش من نصيبي ومتنفعليش؟ بس قلبي متعلق بيها ومش قادر يتقبل الفكرة ونفسي ألاقي أي حاجة فالموضوع تقول إنها هتمشي، بس مفيش علامة واحدة تقول إنها هتمشي.

بنام وأنا بفكر، وبصحى وأنا شايلة نفس القلق… كأني واقفة في نص طريق مش شايفة آخره، وكل خطوة بحاول أخدها بخاف تكون غلط. الأيام بتعدي بس الطمأنينة مش بتيجي، وكل حاجة حواليا بتتغير بسرعة تخوّف أوقات بحس إني مريضة بالخوف من بكرا… عشان بكرا ملوش أمان.

" يا رب ، هُناك وجع لا يُبكي العين ، بل يتعب الروح بصمت ، وجع يجعل الكلمات ثقيلة ، والنوم هروباً مؤقتاً ، والاستيقاظ مواجهة جديدة لنفس الشعور ، فخفف عني هذا الحِمل ، وامنحني نوراً ولو صغيراً يكفي لأكمل هذا الطريق دون أن أسقط ."

الحالة: 💔

يا ربّ.. مُستقبلي وحياتي الجاية تكون مليانة سَلام وطمأنينة تخليني لما أفتكر الماضي وقتها أقول: الحمد لله على النجاة من كُل المخاوف والقلق والزعل والتفكير المُفرط، ويكون المقسوم ليا من عند ربنا خير يفرحني ويعوّضني.")