وأظن إنني نجوت ثم تهزمني🫶🏻♥️

لاء مش هفكر في الموضوع تاني ولا هخليه يأثر عليا. انا برضو طول اليوم :

"لو في شعور واحد ممكن أدعي ربنا بيه من كُل قلبي هو إني عُمري ما أحسُه تاني في يوم من الايام هو إحساس انك تكون مُغفل إنك تحط ثقتك كلها في حد وتطلع مُغفل دا أسوء شعور ممكن الواحد يحسُه في الدُنيا "

صاحب هذا الحساب تأذى من أقرب الأشخاص إلى قلبه ولم يعُد يصلح لأي علاقات إنسانية

"أنا كُنت بشوفك بقلبي والقلب عُمره ما يشوف حاجة ناقصة بس للأسف أنا قلبي عُمره ما نصفني زيك بالظبط"

لحظات الوداع دي بجد من أبشع الحاجات و عُمري ما كُنت أتخيل إني هتأثر كده عشان مش هشوف الناس دي تاني تقريبا الموضوع عايز معجزه عشان اشوفهم زي الاول .

عمري ماهانت عليا العشرة ولا حبيت أخسر حد كان بيني وبينه علاقة في يوم من الأيام لأني بطبعتي شخصيه مش قاسيه ابداً ومبحبش أخسر الناس بس في ناس أفعالها بتجبرني على دا وحفاظاً على كرامتي ومشاعري باخد قرار الرحيل والبعد لإن نفسي ليها عليا حق كبير .

مطلوب ١ انسان يفضل يختارني ويختارني لحد ما نموت.

كل يوم رغبتي في الانعزال بتزيد وإني أبعد عن السوشيال ميديا بس برجع أحن لتويتر تاني بلاقي في راحه هنا وبيعرفني إني اطمن مش لوحدي إللي أتخذلت بعرف اكتب وأقول اللي نفسي فيه كأنه النوت بوك بتاعتي وبكتب فيها اللي حساه واللي مريت بيه.

في حاجات كانت هتبقى حلوة لو جت أمبارح ، بس أمبارح خلص ..

قعدت شويه أفكر ازاي الواحد يعرف أنه حب بجد لما يلاقي نفسه تايهه بعد ما الحب دا يمشي حاسس أنه شايف خياله في أي حد يشوفه ولما يركز ميطلعش هو لما تسمع اغنيه جديده او تشوف Memes عجبتك و أول حد تفكر فيه عشان تشاركها معاه بس بعد كده تفتكر أنه مشي خلاص فـ تحس إنك تايهه لتاني مره.

يارب وسع رزق زوجي المستقبلي عشان انا طلباتي كتير الصراحه.

من ساعة ما أتخذلت من أكتر حد كُنت مطمناله و أنا مش كويسة و مش عارفة أرجع كويسة من تاني.

مفيش شعور أسوء من إنك تبقي واثق إنك متهونش وتهون.

بتأسف لنفسي عن العشم اللي مكنش ف محلهُ، وعن نظرتي اللي طلعت غلط.

اللي خُـفـت تكسر بخاطره كسرك انت وخاطرك

لو سألتنى ايه أكتر حاجة بتمناها هقولك شخص صريح، مبيحبش الخصام، متفاهم في الخلافات ساعتها فعلاً مش هبقي محتاجه حاجة، إن يبقي ف حياتى حد بيصارحنى كفيل يخلينى أطمن، إن خصامنا ميطولش ونتعاتب ديماً كفيل يحسسنى بالأمان، إن بعد كل خناقة ألاقيه جاي ينكشنى كفيل يخلينى أحبه من قلبي.