تلميذ بكلية الصحة بطرابلس، يعاني من حالة معيشية صعبة كثير، وتفكك اسري، هالشاب بعد عنده فصل واحد وبيتخرج، بس مش قادر يكمل بقى، الوضع كثير كثير كثير صعب، عم ببيعوا عفشن المتواضع ليسكروا الاجار، لو سمحتوا خلينا نساعده يتخرج وما يطير مستقبله. التواصل على الخاص بليز ريتويت #لبنان

شاب بعرفه على قدّه بموت عزوجته وهيي كمان،عرفت مبارح إنو طلّقو،شو السبب؟زوجته بدّا bebe وهوي مش قدرته عمصاريف طفل وخايف يجيب عالدني طفل ما ذنبو بكل المصايب!! إنتو مستوعبين نحنا وين،مستوعبين مجتعنا وين رايح! القصة عم تتعدى الاكل والشرب والطبابة وكل شي منحكي فيه كل يوم💔 #لبنان

مش رح اقدر اشكركم واحد واحد، بس هيدي الرسالة الكم من الشاب الطرابلسي. الله يخليكم لانكم دايما بتلبوا ندائي. God bless you all ❤ #لبنان

بتحس حالك بلبنان عايش على أرض عم تهتز تحت اجريك مش عارف ايمتى تنهار وتبلعلك انت واهلك وسليلتك واحلامك وطموحاتك حتى اللي بتندرج تحت اطار تلاقي ربطة خبز وضع مرعب مخيف الواحد بيجي عالدني مرة وحدة مش عدل نعيشها هيك

الوضع فوق التحمل جبولنا البواخر بدي فل #لبنان #لبنان_ينهار #الدولار

٦٥ صوت للرئيس برّي، ٤٠ ورقة ملغاة، ٢٣ ورقة بيضاء. حسب النتائج و لتكون واضحة الصورة، ما ممكن يطلع الرئيس برّي ب ٦٥ صوت من دون بضع اصوات من التيّار الوطني الحر.

#التيار_الوطني_الحر يؤمن الاكثرية لانتخاب #بري ويضع مدماكه الأول في محاربة الفساد لأن هلق "رح يخلوهن" #تيار_الكذب

قال هني صوتوا بورقة بيضاء، من وين جاب ال ٦٥ صوت؟يا عمي هالزلمي delusional؟ مستهبلنا هالقد؟مش قارينا هالقد؟ هيدا مش مريض هيدا داهية بالذكاء الشرير، يا رب تسترنا من شره #جبران_باسيل #مجلس_النواب

حكاني شخص اليوم وقال لي: امي معها سرطان والقصة صارت حياة وموت وما عم بلاقي دوا ومش عارف شو يعمل والشخص مستعد يدفع حق الدوا لكنه مقطوع🤷🏻‍♂️ بس هيك…😡😡😡😡😡😡😡 الله لا يوفقكم يا ولاد الحرام

نحنا ما حطينا اولادنا بالمدارس لكل ويك اند ننزرب بالبيت ندرس من بعد ما طيلة ايام الاسبوع قاعدين عم ندرس كمان، اسمه ويك اند لتنفس وللاولاد يتنفسوا، تعذيب ما بصير الا عنا بمنهج معفن قديم بده كله نفض. #بس_هيك #لبنان

ما بقى في ناس عم تأجّر بيوت، خلص كلّه صار شركات وبدّن شهر commission؟ بعدين نحن وين عايشين لحتّى الشقق بألف و1500 و2000 و3000 دولار؟ خيّي على شو؟ بلد مهرغل بدّه نكزة بيفرط. كيف يعني؟

صفقة الطاقة الشمسية تمت بمكتب وزير الطاقة،مخالِفَة للقانون وبأسعار مضاعفة، وموزّعةبمحاصصةمناطقية. (وصمتٌ من الكل رهيب)

من لم يعايش معاناة مريض الفشل الكلوي لا يمكنه أن يتخيل كيف أن حياة المريض مرتبطة بآلة 3 جلسات في الأسبوع مدة كل منها 4 ساعات تكلفة الجلسة بعد رفع الدعم 110 دولار للجلسة كيف سيدفع هؤلاء المرضى؟من أين؟ مرض مزمن وجلسات حتى نهاية عمر سينتهي قبل أوانه ما يجري بحق اللبنانيين جريمة

عم فتّش على شغل بمنطقة صيدا بحاجة كتيير للشغل الي بيقدر يساعدني بكون ممنونة انا دارسة ادب فرنسي و كمان انا makeup artist و بكل الأحوال مش مهم شو الشغل المهم لاقي شغل

مهندس مخرّج جديد، انقبل بشركة بأفريقيا، قدّم على المنصّة وموعده بنيسان ٢٠٢٣. اذا ما راح بعد ٢٠ يوم، بروح عرض العمل. الشب وضعه على قده والمطلوب منه يكون معيل لعيلته وصحّتله فرصة. شو بيعمل؟ المديرية العامة للأمن العام اللبناني

Et Boilà!!

#NewProfilePic

⚠️ضايع او للتبني⚠️ هالكلب ب #بشامون، ضايع او تخلوا عنه. كتييير خايف وللأسف معظم المنطقة رافضين حتى انو يفوت يرتاح على شي بناية. المكان: بشامون المدارس شارع الاندلس. صارلو يومين على هالحالة وللأسف لأنو عايشين بين وحوش، معظم اهل المنطقة المحترمين عم يضربوه ويلبطوه ويرموا عليه حجار!

٣ ملايين دولار ربحها منتخب لبنان بكرة السلة من بطولة آسيا، دور الاعلام والراي العام اللبناني سؤال اتحاد اللعبة المحلي عن توزيعها والحرص على عدم وضع الدولة يدها على سنت واحد منها …

خسارة #لبنان بفارق نقطتين عن منتخب استراليا المصنف ثالث عالميا هي فوز نحنا بلد ما عندو اي مقومات ما عندو الا ارادة ابطال قرروا ووصلوا للمركز التاني بكأس اسيا مبروك للبنان ودموع هالأبطال بتسوى الدني♥️ #لبنان_استراليا