كشفنا الوجيه المخلصه من وجيه الزور مثل ماكشف ليل الدجى الصبح بـ شعاعه .

لابسين من المعزه جديدات اللبوس إن رسى ميزان الايام والا ما رسى .

بعـض الخطا يمـكن تمشــيه أعذار أعـدي الغلـطة بكيـفي . . وطــوعي وبعض الخــطا لو ناخذ يمين ويسار لاجيت أسامح . . كـني أحب كوعــي

أغنيت نفسي ودرب العز مغنيني عن واقعٍ من وراه الكبد مندبله صار الخطأ والمجامل شي روتيني كلٍ يبي الطيب بالتزوير ينسب له ما الله على مجامل الغاوين حاديني نفسي على الصدق معتاده ومنجبله

ورغم كل اللي أشوفه بعيني ماصغرت ولو تكبر ضيقتي قلت انا يا "هونها " التعب فيني تمادى ولكن ما شعرت لين شفت ان الليالي ،،، تغير لونها بس انا لازلت صابر عليها وان عثرت كل ماطحت أنتهض خطوتي واصونها ماسك يدين الاماني وبها دربي عبرت في رجا غيـمه فرح ماتغــيب مزونها

بعيد النظر لا خاطب الناس بالمعقول ما عنده مجامل مع قضية و مع قاضي يكفيه عن كثر الصخب والعتب والقول حنيـنٍ على الغايب و سجّه مع الماضي ترى مجاهد العالم ما يستهوي المشغول يبـا واحـدٍ فـاضي و انـا مـاني بـ فـاضي . .

سقى الله بلادٍ فيه للطيبين أقراب وسقى الله مكانًا فيه لرسومهم تالي أحب التراب اللي مشو به لو إنه تراب وأمر المكان اللي لهم فيه مدهالي عليهم عيوني دمعها دايمًا صباب وأنا ما خبرت العين تبكي على الخالي

عسفت الصعايب لين راحت وجيه عداي من الغبن يسفي فوق هاماتها السافي هل الطيب والمعروف شفهم على يمناي وهل الخبث وعلوم الردى شفهم خلافي . .

شرفت بي ضيقتي راس الطويلة ليت بالي من غثى الايام خالي اوجعتني صدمة الوقت الثقيلة وارخت عزومي صواديف الليالي وجعتي ماهي بمن قل الحصيله وجعتي من فوق صبري واحتمالي فاقدٍ لي غالي يسوى قبيله غيبه غدر الزمن وارخى حبالي؛)

لو ما تجي سود الليالي على الكيف عن سلمنا و اهدافنا .. ما انحرفنا ما قد ذرفنا عند خلقه مكاتيف و عند السجود لـ وجه ربي ذرفنا على العموم حنا ما نحتاج تعريف اللي يعرف الطيبين يعرفنا :)

عسى الدنيا تشمّر لي سواعدها بليّــا حدود وعسى كل فرحة يا قلبي تناديها .. تلبي لك

ان برى حالك من الدنيا الدنيّه باري كل كايد عند ربي — ينعقد و يحلّي