اتعبتني ضيقةٍ دايم تسهّرني ليالي مع مطيح الشمس تاتي دون ذنب وْلا خطيّه ياوجودي وجد منْهو فاقدٍ طيّب وغالي ما يعبَّر عن فراقه بالحروف الابجديه ابو صالح#

قولة نعم ماهي بتزهى فعولك ياناكرٍ كل الجمايل والافعال والله ماتلقى بمجلس قبولك لاصرت ماتتبع كريمين الاسبال ابو صالح#

انطلاقة جديدة! 🚀 مع فلوباث نبني لك الطريق الرقمي 💪🏻

اسمع كلامي وافهم العلم ياصاح نصيحةٍ باغلى الثمن مشتريها لاصرت طيّب ومْتعافي ومرتاح كنك ملكت الارض واللي عليها ابو صالح#

الغالي اللي يسعد العين شوفه ابوي لاضاقت علي الوسيعه له عادةٍ عند الرجال معروفه الطيب والنوماس كله طبيعه يزهى قصيدي من تعدت وصوفه كل النشامى والرجال الرفيعه ابو صالح# #يوم_الاب_العالمي

احس بالغربه وانا في بلادي ازريت اكافح ضيقتي واتهزّع الشوق حارمني لذيذ الرقادي للغالي اللي بعده القلب جزّع ابو صالح#

لا والله الا فاقدين الزحازيح اهل الفعول مفككين النشايب شيخة فعل ماهي بشيخة مفاطيح ياجعلهم يفدون كل الزلايب ابو صالح#

قرة عيون المملكه في رجوعك واجتاحت الفرحه صْدور الاجاويد صبرت حتى نلت لحظة وصولك ديرة هل الامجاد نسل الصناديد ابو صالح# #حميدان_التركي

الشعر واهل الشْعر والناس والساحه جميعها تفتخر بالشاعر الفلته مبطي وهو بالجزاله بارقٍ لاحه قل للعواذل ترى ماهي بواصلته ابو صالح# محمد العواد

ابو صالح لاهنت يا نجمنا الواعد على الساحه شكراً على ما ذكرته عنّي وقلته الشعر صندوق وانت بيدْك مفتاحه شاعر جزل عذب موهبته مأهلته النعم نلته براس المال وارباحه ولا هي غريبه على شرواك يا نلته

#محمدالعواد