2 - 3 de setembro de 2022!! Este equipo xeitoso xa leva un tempo preparando a edición deste ano. Somos unha asociación sen ánimo de lucro e cremos firmemente en seguir ofrecendo un festival gratuíto, para que o público poida participar activamente. Vinde!

III Foliada do Son do Pazo. Estamos moi felices de poder anunciarvos este evento previo ao festival. Coma sempre é aberto, gratuíto e bonito 😉

REBECA TALLÓN - Obradoiro aberto de baile 💃🏻 Este sábado ás 20:30h abrimos a programación da foliada con esta actividade para todos os públicos. Con Rebeca aprenderemos pasos e movementos para iniciarnos no tradicional. Ou desfrutar da compañía se xa sabedes. Só hai que aparecer!

MAGHÚA ! Pero que marabilla ter a este grupazo con nós este sábado! Ao remate do obradoiro con Rebeca Tallón, para practicar o aprendido con Rebeca, desfrutar das súas voces poderosas e abrir apetito e animarse na foliada aberta.

O SON DO PAZO'22 - Estamos tan felices de poder ofrecervos esta programación!! 😊 Desexamos que o pasedes en grande no festival, tanto coma nós. Moitísimas grazas a todas a persoas que forman esta asociación cultural sen ánimo de lucro, patrocinadores e colaboradores.

AIRIÑOS DO CASTELO - É unha parte moi importante da organización deste festival. Con eles (nós), comezamos o repaso polos grupos desta edición 2022.

FAÍSCAS DA PONTRAGA - A noite do venres vén cargada de baile 😊 Faiscas Da Pontraga

CAMISETAS! Xa temos a camiseta desta edición 🤩 se queres a túa, reserva por privado antes do festi. Esta é unha das formas de axudar ao festival, mercando os nosos productos. Grazas, público

Se queres acaparar todas as miradas no festi, aínda podes reservar a camiseta ata o luns 22 de agosto 😉 corre que escapan. E tamén temos bolsas de tea (tote bags) 😲

CALDO Y OS RABIZOS - Dende Asturias, con músicas populares da zona do Eo-Navia, para desfrutar e bailar na noite do venres.

CALDO Y OS RABIZOS - Dende Asturias, con músicas populares da zona do Eo-Navia, para desfrutar e bailar na noite do venres.

XABI IGLESIAS - Obradoiro aberto de baile! Quen non quere aprender uns pasiños para bailar logo nos concertos? Quen queira adentrarse no baile tradicional, ou compartir pista se xa sabe bailar, está de noraboa!

PAKOLAS - A nosa sesión vermú do sábado comeza cun espectáculo para o público máis novo 😊 Rockeando con Pakolas e Ramona Órbita e festivaleando en familia!

ABRIL - Que sesión vermú tan fermosa! E que boas horas para bailar, tomar algo ou comer, mentres desfrutamos de Abril.

CAAMAÑO&AMEIXEIRAS - Que marabilla de noite imos ter o sábado! Unha parada en Mos, no medio dunha xira por toda a península e parte de Europa. Música de raíz e moito baile. Non faltedes a este concertazo de Caamaño&Ameixeiras.

XURXO FERNANDES e Pan Sen Fron. Moita alegría contaxian por onde pasan 😊 se mesturamos iso co público tan marabilloso que temos sempre, a cousa vai poñerse interesante!

V - Premios Mestre Machiño. Cantigas e Agarimos cumpren 100 anos e quixemos recoñecer esta longa traxectoria co premio deste ano 😊 Estes premios levan o nome do noso mestre "Machiño". Así recoñecemos a persoas e entidades que divulgan a nosa música e cultura Cantigas e Agarimos

A Banda de Gaitas de Herville será a encargada de abrir a programación da noite do sábado.

Que a meteoroloxía non che asuste. Para sol e para chuvia, TEMOS CARPA!