على وجهك اللي نوره يقدّي السارين ملامح فراق .. ونيةٍ مابعد بانت تكبَّر ماكن الله عطا الناس مثلك زين وأشوفك بعينٍ منْك .. ماكنها عانت حقيقة غلاك أكبر من الظن والتخمين تهون الجروح .. ونظرتي فيك ماهانت مصير الزمن لا دار .. كانك من الحيين يعلمك أنا وش كنت ، والناس وش كانت

ياطبيب انا ابخص بجرحي ولاتحرجني أشكرك والشكر من قلبي بحجم أوجاعة لاتحاول بـ الكلام الذرب تستدرجني تسقط أسئلتك أمام أجوبتي الخداعة لو تشخص حالتي ماتقدر تعالجني والعلاج الي يعالجني ( قيام الساعة )

طراة أحلامنا لامِن وصلناها عِزاز نفوس ولا للفوز نكهه كان نقّص من مِبادينا

والله اني لـ أموت وما نزلت الطمان ولا عبدت الوجيه ولا تبعت القفا

لن تجد الهدوء أبداً ، إن كان مصدر الضجيج بداخلك. - مارك توين أشعر بنارٍ تلتهب داخل الجوف مايقدر الماء لو شربته يجيها - خالد مبارك

لا عاد يلحقكْ من ثقل المشاريه خوف ماعاد عندي من ثْقال المشاريه شي غيبتك عني وأنا ف أشدْ وأقسى الظروف ماهيب زينه في حقك .. ولا أنا ماعلي سمحت وانت تعرف كبدي جزوعً عيوف أما أني أملأ يَدى .. وإلا أني اغسل يْدي

عروق قلبي يالسديري معاطيش أمشي وانا مقفي وأعاين خلافي

ومافائدة النضج بعد أن شوهتنا التجارب

كان تبغي طيبك اللي بذلته ؟ مايضيع احسن النية ترى كل قلب وما نوى من يساوي بين قدر السنافي والوضيع والله ان تعطيه الايام جرح بلا دوا لاتظن ان العداله مساواة الجميع حكمة الله في الأصابع ماخلّاها سوا

الوصل شفي والظروف تحديني

روس قومً من خلقنا الله وحنا قاده ما مسحنا بشت شيخ ولا تبعنا جرهّ ما نراكي غير كفوً يرتكي لشداده فوق سرج الخيل ولا فوق كور الحره والله إنا من على عد الروى وراده مزبنن للي شكى ضيم الزمان وشره لاتدورنا ليا هب النسيم أنواده غير في يومٍ نهاره يلتهب من حره

على غيرك عمى عين و جفا قلب و ثقيل لسان و عليك أنت الخطاوي تسبق اولها تواليها

يِرخص ثمين الهرج ترديده على متجاهله لاتعرض الغالي على فقري ما يقدر يشتريه

لو ذقت مرّ الحياة وشفت ضيق الدروب لي قلبٍ ما يجزع و راسٍ ما عمره طمنّ عن ضيقة الوقت ما أدور وسيلة هروب أعيشها لو تروح أحلى سنيني ثمنّ ما أحب أحابي زمانٍ ما يعرف الوجوب الحظ قاسي ومدات الليالي تمنّ علقت الآمال بيدّ اللي يجري الهبوب الناس ما تنضمن والوقت ما ينضمنّ

تهاونت البعاد و غنّت الفرقا على ليلاك عليك من الملام اللي يزِّل و تخطي أقدامه سريتك حلم وعيونك طريقي وانقضى مسراك مثل ما ينقضي عمر اليتيم و تذبل أعوامه سلام الله على صدق الشعور و طلة محيّاك سلام اللي سمح من رغبته و مْن أكبر أحلامه

مادامك بديت تشوفني مثل باقي الناس انا لي مقامي و احترامي و تقديري تقهويت حبك يوم عاده يجيب الراس وبعد مابرد خليت باقّيه لغيري

عادك اللي معه أشوف لباقي الأيّام قيمة ضحكةٍ لو ضاع عمري من وراها بنتظرها "

يشفع لك الماعون والملح والعيش حـتى و لو وضعك معانـا تردى

لاتطيح بعين من شافك السد المنيعّ لو تكمل باقي الدربّ تمشي وتعرج

الاشياء لذتها تكسبها بدون ماتدنق ابداً وبدون ماتبذل فوق طاقتك اسعى ويجيك الخير كله ومن زاوية اخرى: طراة أحلامنا لامن وصلناها عزاز نفوس ولا لـ الفوز نكهه كان نقص من مبادينا يساعدنا عليها اللي لغيرة ماخضعنا الروس على درب النقى وقلوبنا انظف من مخابينا