يعسر الردئ راسٍ علئ الطيب فيه جنون مثل ما يعسر الطيب راسٍ بلا هامه ..

الخاطر اللي تكاثر من محبينه خلوه يدله بعيد ودورا غيره من العطا قد حفا و انبترت يمينه ولا فيكم اللي ذكر وقفاته بسيره

العز و الطيب في شخصك مجسدها و اسمئ معان الرجوله فيك محصوره يا ابوي حتئ حجاجك ساع تعقدها ما عاد اغبط الرجال ان جات مسروره

،، لو قضيت العمر كله مع البيداء وحيد وانقطعت من العرب ما قطعت اصواتها

مبطي و انا عن كتبت الشعر مصروف لا الوقت ساعدني و لا الفكر ساعد من كثر ما جالي من ايامي صدوف بللم لساني و اصدق شعور باعد

الطيب مثل الغيث ، و وجيه الانذال ارضٍ وخم ما يمري الخير فيها لو كان يسقيها من الصيب زلال تعجز تحصل واحدٍ يهتويها .. متعب منسي

جمايل الكفو فينا .. ما نذكيها تعيش و عمارنا ما هيب تفهقها من جيل لاجيل نحفضها ونرويها حتئ مع الوقت غايبها يصدقها متعب منسي

اللي عن دروب الرياجيل هازع ولا حداه الدين و السَلم و الذوق وش لون تبغئ شرهة الربع وازع ؟ يا عنك ما حسب موالين و حقوق متعب منسي ،،

ما ذخرتك للمهمات و الله العظيم يومها من فوق راسي وحدري تصطلي عاصبٍ راسي ورجلي مجنبها الهشيم اتكالي في عزيزٍ بحوله تنجلي دام مثلك ما يذري ولا قربه نعيم لا يظن الناس ليله بيدعونه شلي

الكفو ذكره مع الاجواد بيّن لو بعد ما جاك من يمه جميله يدخل الاعماق من قبل يتعيّن و ان دخلها يعجز الواشي يزيله و الردي لو كان بجدوده تزيّن زال طبعه من فشيله لا فشيله

ماهو بذنبي يوم انا حساسي رهيف و استكثر الهفوات و طعم مُرهاا .. لي قلب واحد خابره دايم نظيف النفس يامرها و يردع شرها .. تخيب هقواته ولا يرجع معيف في ناس ما عين جميل يسرها .. يا رب جعله ما يوقف من وليف و ضلوع صدره ثابته ما طرها ..

والله اني ما تنكر ولا احب الجحود و اكره اللي لا تجمل غدئ فيه رعنه كانها بالطيب شفنا علئ العالم نجود ولا عطينا شي نقفي ولا سلنا عنه و انت من ساعة لزومي تفنن بالهود جعل ربي لا يعيده و ربي يلعنه

ما جاء لي الود و انا باطيب اوقاتي حجاج يضحك و كفٍ بالعطا راهي .. ماني معين حديكم لحظه ازماتي يا مدعين المحبة ماني ب واهي ..

القلوب الخضر لو تبطي سنيه ما تموت و نبضها يسقي ضماها و لا يغيرها مشيب و لا دنيه حيث ما هب الهوئ قام و شعاها

اليا فرحنا نفْرح اللي مواليين و اليا زعلنا ما دروا عن بلانا

الطيب خلانا نعيد النظر فيه من عقب ماهو بالتعامل مبدا لو كان تظهر فالنشاما مواريه و تغيب عن وجهٍ به الشين ندا اغلئ الحبايب من تردا تداريه بديت احسد اللي بفعله تردا يا ليت لي قدره و بتبع مماشيه بلاي جاهي عالي الطود جدا

لولا تصاريف الولي للمقادير عالم خفايا الكون واللي جرا به يمديك يا راع الكبر و التصاوير في خانة النسيان ما احدٍ درابه حاول تواضع للوجيه المسافير قدام عقب الخير تجني عقابه متعب منسي

ما ملكة من الشعور الا بياضه ولا نبذة الا السواد اللي يشوبه لين ما قلبي عليم السر عاضه بالغلا اللي جعلني فدوة عيوبه

الطيب طبعٍ للرجال المشاكيل اللي تجود ولا تحسب الملامه بافعلها تثبت لنا بعض ما قيل (هبال طيب ولا صحاية رخامه) و انا لو اني ما رخصت المحاصيل يمدي مكاني من علو لعدامه جبلةٍ ما هي محايل و تمثيل لو كان نلمح ف الجحود العلامه