"يا الله إن اليسر جند من جنودك فسخّره لي وأيّدني به" ..

أحيانا بحس بجد انى افورت بعد ما اكون عكيت الدنيا والموضوع باظ خلاص واللى هو ايه ده كان مخي فين وانا بعمل كده ولو كنت اتحطيت فالموقف مكنتش هتمني مثلا يتعمل فيا كده !

الحمدلله فرحتنا بأختى لا توصف. ربنا يدخل الفرحه فالبيوت كلها بجد❤️

أحيانا بحس ان فدماغي حرب مش مجرد صراع ولكن فجأه تلمع لمبه سؤال لماذا نحن هنا وكل ده كان ليه ؟! وبلاقي الصراع سكت عادى لمده دقيقه عشان نفهم كلنا بتقولى ايه يافنانه؟!

والله اشارة للصياح بجد : كنت لسه داخلة اصيح انى هسمع كل الماضي واحفظ من هنا ويطير من هنا ولسه مش عارفه اتعلم تجويد ...ءءءء

احنا فالبيت معندناش كسر الخواطر احنا بنطحن الخواطر فمطحنه لحد ما يبقا رماد وندفنه بقا ونخلص احنا لسه هنعيش ونتعايش بلا صداع بقا.

للمرة المليون بذكر نفسي واذكركم بلاش نثق اوى ونراهن فأصدقائنا وفالبشر عموما عشان أنا نفسي أحرم ومبحرمش وشكرا..

صباح الخير: جوايا تساؤلات كتير جيبالى أرق وأهمها هل الانسان ممكن يلاقي حل لمشاكله وهو حاسس انه عاجز ومش عارف يعمل ايه وده مأثر فاللى حوليه وفيه؟! وهل في طريقة مقنعه يقوم بيها من تعبه ويقدر ينفذ حل عملى لمشاكله؟!

صباح الخير: كنت حابه أعترف للدنيا والأيام انى مرهقه وعثرات الحياة كثيرة وتكاد أن تهد جبالنا ولكن والله ما تقوم قومتنا سوى بنظرتنا من زاويه ان الله له حكمه بهذا وإلتماسنا للطفه الخفي ولحظات السكون والهون التى تنزل على قلوبنا منه وحده لانه اعلم بحالنا. فتيقنوا فالله الخير يأتكم.

أحيانا بتحاول تتجاهل شعور الانهيار بس انت حقيقي مش عارفله سبب ولا هو انهيار ولا خنقه ولا هى فعلا تراكمات وانت بتحاول تعمل مش واخد بالك عشان معندكش طاقه ولا نفس تنهار بيهم دلوقت وتم استنفاذ بطاريتك كلها..!!

يارب أنت الكبير في عليائك وأنا الهباءة في كونك فكن أنت الصاحب في سفر الحياة..!

مهو المشكله يا تخالف هواك يا تخسر قلبك وروحك وكل نعمه فايديك !!

هو في ايه ياشباب ؟! يعني بعد ما صدقنا ان منتجات المقاطعه بدأت تختفي من السوق تقوم فجأه راجعه وراجعينلها بكل بجاحه !! خير يعني هى شويه الصودا ولا غيرهم هما اللى هيحييوكم ؟! ولو هما اللى هيحيوكم عادى تشربوا دم غيركم كده!!!

ياخدوا عشرة من عشرة ونجمه❤️

طب Fact بجد بقا..!

I think overthinking can't be described in words in the wars of our minds.

أحيانا بتختار الصمت عن الرد عشان أنت فالحقيقه لسانك طويل لم بتكون كاتم جواك ولو انفجرت مش هتحس غير لم تخسر اللى قدامك فخلينا محترمين احسن ..!

مؤخرا اكتشفت ان اكتر حاجه بطلع فيها عصبيتي وتفكيري المفرط وبعدها ببقا فليكسبل عادى جدا ومتقبله الاحداث بصدر رحب هى انى اعمل مهام ست البيت الشاطرة من توضيب ونضافه وطبخ او المشي لمسافات طويلة المهم بكنسل العالم لحد ما اهدى ودى اهم نقطه حقيقي وشكرا.

حقيقي أخرى جاب أخره ومش قادر أتعامل مع بشر ولا قادر اتقبل الوقعه اللى طولت اوى دى بجد.