Guddoomiyaha Jaamacadda Pwani ee dalka Kenya, Prof. James Kahindi iyo Hormuudka Kuliyadda Culuumta Badda iyo Kalluumaysiga, Prof. Bernerd Fulanda ayaa maanta soo gaaray caasimadda Garoowe, kadib casuumaad rasmi ah oo ay ka heleen Wasaarada Kalluumaysiga iyo Khayraadka Badda DPL.

Wasiirka Wasaaradda Kalluumeysiga iyo Khayraadka Badda Dowladda Puntland, Hon. Abdirizak Abdulahi xagaa, oo uu weheliyo Wasiir Ku-xigeenka, Mohamud Gabax ayaa maanta heshiis deeq waxbarasho oo heerka labaad ah (Master Degree) la saxiixday Jaamacadda Pwani Pwani University, Kenya.

Garoowe: Madaxweyne Ku-xigeenka DPL, Ilyas Osman Lugatoor, oo maanta xafiiskiisa ku qaabilay Wasiirka Kalluumeysiga, Abdirisak Abdulahi Xagaa, oo ay weheliyaan masuuliyiin ka socda Jaamacadda Pwani University, wuxuuna boggaadiyey heshiiska deeqda waxbarasho oo dhexmaray labada dhinac.

Wasiirka Kalluumaysiga Puntland oo ay wehliyaan Wasiirada Dekedaha, Ganacsiga, iyo Wasiir ku-xigeenka Kalluumaysiga ayaa wafdi ka socda dowladda Yemen iyo Hay'adda UNDP kusoo dhoweeyey garoonka magaalada Boosaaso. Waxaana hogaaminayey Wasiir kuxigeenka Kalluumaysiga Yemen.

Wasiirka Kalluumaysiga oo ay wehliyaan Wasiirka Ganacsiga iyo Wasiir Kuxigeenka Kalluumaysiga DPL ayaa kulan la yeeshay wafdiga Wasiir Kuxigeenka Kalluumaysiga Yemen oo soo gaaray magaalada Boosaso. Kulanka ayaa ujeedkisu aha iskaashiga maalgashi iyo ganacsi ee Puntland iyo Yemen

Waxaa lasoo gabagabeeyey shir muhiim ah oo 3 maalmood socday, kaas oo ay wada yeesheen Wasiirrada iyo mas’uuliyiinta ka kala socday Dowladda Puntland iyo Jamhuuriyadda Yemen, kaas oo diiradda lagu saaray xoojinta iskaashiga kalluumeysiga, ilaalinta khayraadka badda iyo ganacsiga.

Wasiirka Ganacsiga Puntland iyo Wasiir Ku-xigeenka Kalluumaysiga Puntland oo uu wehliyo Wasiir Ku-xigeenka Kalluumaysiga Yemen, Xamiid Cabdalla iyo wafdi la socday ayaa maanta kormeer shaqo ku tagay dekedda Boosaaso iyo Shirkadda Ocean Fishing Company.

Wasiirka Kalluumeysiga iyo Khayraadka Badda DPL, Hon Abdirisak Abdulahi Xagaa oo uu wehliyo Wasiir Ku-xigeenka, Hon Mohamoud M. Ali Gabax iyo Agaasimaha Guud Maxamed Siciid Black ayaa qaabilay Mr. Kestutis Lancinskas, Madaxa Hawlgalka EUCAP Somalia oo safar ku yimid Boosaaso.

Boosaaso: 06 November 2025: Wasaaradda Kalluumaysiga iyo Khayraadka Badda Dawladda Puntland waxay shaacinaysaa doorashada iskaashatada kalluumaysiga degmada Boosaaso ee xarunta gobolka Bari, oo dhici doonta 13 November 2025. Doorashada ayaa ah qof iyo cod.

JADWALKA DOORASHADA ISKAASHATADA KALLUUMAYSIGA DEGMADA BOOSAASO

Waxaa xarunta Ministry of Fisheries & Marine Resources Puntland si rasmi ah uga bilowday shahaado siinta musharaxiinta ku tartamaya doorashada iskaashatada kalluumaysiga ee degmada Boosaaso. Guddiga Doorashadda ayaa bixinaya shahaadada rasmiga ah kadib markii musharax kasta uu buuxiyo shuruudihii looga baahnaa.

Wasiiru-dowlaha Wasaaradda Kalluumaysiga iyo Khayraadka Badda Dowladda Puntland, Mudane Siciid Maxamed Raage ayaa ka qaybgalay xarigjarka maxjarka cusub ee Shaakir, kaas oo laga hirgeliyay magaalada Boosaaso. Maxjarkan ayaa ah mid casri ah oo si heer sare ah loo dhisay.

Garoowe: Wasaaradda Ministry of Fisheries & Marine Resources Puntland ayaa qabatay kulanka dib-u-eegista qaab-dhismeedka iyo howlaha shaqo, kaas oo lagu soo bandhigay qaab-dhismeedka cusub ee wasaaradda oo markii hore ka koobnaa afar (4) waaxood, balse hal waax oo cusub ayaa lagu daray.

Wasiiru-dowlaha Wasaaradda Kalluumaysiga iyo Khayraadka Badda DPL, Siciid Maxamed Raage ayaa si rasmi ah u furay doorashada iskaashatada kalluumaysiga ee degmada Boosaaso. Doorashada ayaa ku dhacaysa nidaamka qof iyo cod ayaa lagu dooranayaa guddoomiye & g/ ku-xigeenka cusub.

Guddoomiyaha cusub ee iskaashatada Kalluumaysiga Degmada Boosaaso ayaa loo doortay Maxamed Cabdi Cismaan oo lagu doortay doorasho xor iyo xalaal ah.

Guddoomiye Ku-xigeenka Cusub ee Iskaashatada Kalluumaysiga ee Degmada Boosaaso ayaa loo doortay Muuse Cali Muuse

Madaxda iyo Shaqaalaha Wasaaradda Kalluumaysiga iyo Khayraadka Badda DPL, waxay tacsi tiiraanyo leh u dirayaan Agaasimaha Waaxda Maamulka iyo Maaliyadda, Mudane Siciid Aadan Xasan oo hooyadii Busur Siciid Qaloombi ay maanta ku geeriyootay magaalada Nairobi.

Guddoomiyaha iyo G/ku-xigeenka cusub ee iskaashatada kalluumaysiga Boosaaso, Maxamed Cismaan iyo Muuse Cali oo lagu doortay nidaamka qof iyo cod ayaa si rasmi ah xilka ugala wareegay guddoomiyihii hore, Mustafe Abshir, waxaana goobjoog ahaa La-taliyaha Sare ee Ministry of Fisheries & Marine Resources Puntland Cali Salaad

Boosaaso: Agaasimaha Guud ee Wasaaradda Kalluumaysiga iyo Khayraadka Badda, Maxamed Siciid Black ayaa soo gabagabeeyey tababarka xog-aruurinta qabashada kalluunka oo loo qabtay fidiyaasha iyo iskaashatooyinka kalluumaysiga gobolada Puntland.

Garoowe: 19 November 2025: Wasiirka Wasaaradda Kalluumeysiga iyo Khayraadka Badda Dawladda Puntland Hon Abdirizak Xagaa oo uu weheliyo Wasiir Ku-xigeenka Wasaaradda, Mohamud Gabax ayaa la kulmay Madaxa UNDP Somalia, Lionel Laurens iyo Madaxa Xafiiska Puntland, Muuse Ducaale.